Header Ads

ຂ່າວສະຫຼົດໃຈ !!! ລົດຕັກດິນຢຽບນັກຮຽນເສຍຊີວິດ ທີ່ເມືອງວຽງພູຄາ ແຂວງຫຼວງນໍ້າທາ



ເຈົ້າໜ້າທີ່ກອງຕໍາຫຼວດຈາລາຈອນ ປກສ ເມືອງວຽງພູຄາ ແຂວງຫຼວງນໍ້າທາ ໃຫ້ຮູ້ວ່າ: ໃນເວລາປະມານ 13:48 ໂມງ ຂອງວັນທີ 4 ຕຸລາ 2017 ໄດ້ມີອຸບັດຕິເຫດ ລົດຕັກດິນຖອຍຫຼັງຢຽບນັກຮຽນຂີ່ລົດຖີບ ຢູ່ຂອບເຂດບ້ານນ້ຳ ເງິນ ເມືອງວຽງພູຄາ ແຂວງຫຼວງນ້ຳທາ ສົ່ງຜົນເຮັດໃຫ້ນາງ ຂາມອ່ອນ ອາຍຸ 11 ປີ ນັກຮຽນ ຢູ່ບ້ານລາຍລອດ ເມືອງວຽງພູຄາ ເສຍຊີວິດຄາທີ່.
ອຸບັດຕິເຫດຄັ້ງນີ້, ລົດຕັກດິນຂັບຂີ່ໂດຍທ້າວ ກິສີ ອາຍຸ 30 ປີ, ຢູ່ບ້ານສົມສະຫັວນ ເມືອງພຽງ ແຂວງໄຊຍະບູລີ ໃນເວລາປະມານ 13:20 ໂມງ ໄດ້ເຮັດວຽກຂັບລົດຕັກດິນ ຕາມເສັ້ນທາງ˜ R3A ເຂດບ້ານນ້ຳເງິນ ໃນເວລາທີ່ກວດ ແປງເສັ້ນທາງດັ່ງກ່າວນັ້ນ ໂດຍໄດ້ມີນັກຈໍານວນໜຶ່ງຂີ່ລົດຖີບເລີກຈາກຮຽນ ຈາກນັ້ນ ກໍໄດ້ສັງເກດເຫັນວ່ານັກ ຮຽນໄດ້ຂັບຂີ່ລົດກາຍໄປທາງຫຼັງໄກແລ້ວຈຶ່ງໄດ້ຖອຍລົດ ໂດຍໃຊ້ບວງຕັກລົງຫຼາກຖູຫີນແຮ່ ພໍຖອຍໄດ້ໄລຍະໜຶ່ງ ໄດ້ຮູ້ສຶກວ່າຢຽບວັດຖຸບາງຢ່າງ ຈຶ່ງໄດ້ຂັບລົດອອກໄປທາງໜ້າປະມານ 3 ແມັດ ເຫັນວ່າມີລົດຖີບ ແລະ ຄົນນອນ ໝູບໜ້າລົງພື້ນ ພ້ອມນັ້ນ ກໍໄດ້ມີພົນລະເມືອງດີ ອຸ້ມເອົາເດັກນ້ອຍຄົນນັ້ນ ໃສ່ລົດຈັກໄປສົ່ງຢູ່ສຸກສາລາບ້ານນໍ້າເງິນ ແລະ ເສຍຊີວິດໃນເວລາຕໍ່ມາ.
ສຳລັບຄະດີອຸບັດຕິເຫດໃນຄັ້ງນີ້ ເຈົ້າໜ້າທີກອງຈາລາຈອນແມ່ນໄດ້ສົ່ງມອບໃຫ້ພະແນກຈາລະຈອນ ປກສ ແຂວງ ຫຼວງນໍ້າທາ ດຳເນີນການເກັບກຳຂໍ້ມູນຫຼັກຖານ ເອົາຄຳໃຫ້ການຈາກຜູ້ຂັບຂີ່ ແລະ ຜູ້ເຫັນເຫດການເພື່ອໄປດຳເນີນ ຄະດີ ແກ້ໄຂຕາມລະບຽບກົດໝາຍ.
ພາບ ແລະ ຂ່າວ: ໜັງສືພິມ ຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.