Header Ads

ສ້າງຄວາມເຂັ້ມແຂງວຽກວິຊາສະເພາະໃຫ້ພະນັກງານກວດກາຂະແໜງການເງິນທົ່ວປະເທດ



ໃນລະຫວ່າງວັນທີ 16-20 ຕຸລາ 2017 ທີ່ສະຖາບັນເສດຖະກິດການເງິນດົງຄໍາຊ້າງ , ກົມກວດກາ ກະຊວງການເງິນຮ່ວມກັບອົງການກວດກາລັດຖະບານ, ອົງການກວດສອບແຫ່ງລັດ ໄດ້ຈັດກອງປະຊຸມແລກປ່ຽນບົດຮຽນ ດ້ານວິຊາການກ່ຽວກັບວຽກງານກວດກາ ໃຫ້ພະນັກງານ-ລັດຖະກອນ ກວດກາຂະແໜງການເງິນໃນທົ່ວປະເທດ ເພື່ອເປັນການສ້າງຄວາມຮູ້, ຄວາມເຂົ້າໃຈ, ຫລັກການ ແລະ ເຕັກນິກວິຊາການໃນການຈັດຕັ້ງປະຕິບັດວຽກງານຕົວຈິງ, ເປັນກຽດເຂົ້າຮ່ວມໃນກອງປະຊຸມຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ມີທ່ານ ທຸມ ຄຳພານິດ ຫົວໜ້າກົມກວດກາ ກະຊວງການເງິນ, ມີຫົວໜ້າພະແນກ, ຮອງພະແນກ, ພະນັກງານວິຊາການກວດກາຂະແໜງການເງິນໃນທົ່ວປະເທດເຂົ້າຮ່ວມ.
 
ໃນກອງປະຊຸມດັ່ງກ່າວ, ທ່ານ ບຸນໂຈມ ອຸບົນປະເສີດ ມີຄຳເຫັນວ່າ: “ວຽກງານກວດກາ” ເປັນວຽກໜຶ່ງທີ່ພັກ-ລັດຖະບານ ໃຫ້ຄວາມສຳຄັນນັບແຕ່ຂັ້ນສູນກາງຮອດທ້ອງຖິ່ນ ແລະ ກອງປະຊຸມຄັ້ງນີ້ຍັງເປັນການຜັນຂະ ຫຍາຍເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກກວດກາລັດຖະບານ ແລະ ວຽກງານປັບປຸງປົວແປງພັກທົ່ວປະເທດປີ 2017 ຂອງອົງຄະນະພັກກະຊວງການເງິນ, ທັງເປັນການເສີມທັກສະເສີມຄວາມຮູ້, ຄວາມເຂົ້າໃຈ, ລະບຽບຫລັກການ, ເຕັກນິກວິຊາການທາງດ້ານການກວດກາໃຫ້ພະນັກງານ-ລັດຖະກອນກວດກາຂະແໜງການເງິນໃນທົ່ວປະເທດ ນຳອີກດ້ວຍ.
 
ທ່ານ ຮອງລັດຖະມົນຕີກະຊວງການເງິນ ຍັງເນັ້ນຕື່ມອີກວ່າ: ວຽກງານກວດກາ ເປັນວຽກທີ່ມີຄວາມໝາຍຄວາມສຳຄັນ ເຊິ່ງເປັນການປະເມີນຜົນຂອງການຈັດຕັ້ງປະຕິບັດແນວທາງນະໂຍບາຍຂອງພັກ, ຍຸດທະສາດ, ມະຕິ, ຄຳສັ່ງ ແລະ ແຜນການປະຈຳປີແຕ່ລະກະຊວງ, ບັນດາກົມ, ພະແນກການຂັ້ນທ້ອງຖິ່ນໂດຍສ່ອງແສງໃຫ້ເຫັນເຖິງຜົນສຳເລັດຂອງວຽກງານ,ໃນຂະນະດຽວກັນຈະຊ່ວຍເສີມສ້າງໃຫ້ກະຊວງ, ພະແນກການດັ່ງກ່າວມີຄວາມເຂັ້ມແຂງໃນການບໍລິຫານວຽກງານ, ການບໍລິການແກ່ສັງຄົມດ້ວຍຄວາມຮັບຜິດຊອບ ເພີ່ມທະວີການພັດທະນາຢ່າງກວ້າງ ພ້ອມດຽວກັນນນີ້ຍັງເປັນການສະກັດກັ້ນພຶດຕິກຳ ການສໍ້ລາດບັງຫລວງ, ການລະເມີດລະບຽບກົດໝາຍ, ການໃຫ້ ຫລື ຮັບສິນບົນ, ການສົມຮູ້ຮ່ວມຄິດ ແລະ ປະກົດການຫຍໍ້ທໍ້ຕ່າງໆ.
 
ກອງປະຊຸມແລກປ່ຽນບົດຮຽນດ້ານວິຊາການ ກ່ຽວກັບວຽກງານກວດກາ ໃຫ້ພະນັກງານ-ລັດຖະກອນກວດກາຂະແໜງການເງິນທົ່ວປະເທດ ຄັ້ງນີ້, ບັນດາຜູ້ເຂົ້າຮ່ວມໄດ້ແລກປ່ຽນບົດຮຽນເຕັກນິກຂັ້ນຕອນການສືບສວນ-ສອບສວນ, ເຕັກນິກຂັ້ນຕອນແກ້ໄຂຜົນການກວດກາ, ບົດຮຽນຕົວຈິງວຽກງານກວດກາພັກ, ການກວດສອບບັນດາຫົວໜ່ວຍງົບປະ ມານຂອງລັດ, ຂັ້ນແຂວງ, ຂັ້ນເມືອງ ແລະ ວຽກງານກວດກາອື່ນໆທີ່ຕິດພັນກັບຂະແໜງການເງິນ.

ທີ່ມາ: ກະຊວງການເງິນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.