Header Ads

ລະມາມ ສະເຫຼີມສະຫຼອງວັນສາກົນຜູ້ອາຍຸສູງ




ແຂວງເຊກອງ: ພິທີສະເຫຼີມສະຫຼອງວັນສາກົນຜູ້ອາຍຸສູງໄດ້ຈັດຂຶ້ນໃນຕອນເຊົ້າວັນທີ 20 ຕຸລາ ນີ້ ຢູ່ທີ່ສະໂມສອນແຂວງເຊກອງ ໂດຍການເປັນປະທານຂອງທ່ານ ນາງ ຄຳເສັງ ທຸມມະວົງສາ ຮອງເຈົ້້າເມືອງ-ເມືອງລະມາມ, ມີບັນດາຄະນະປະຈຳພັກແຂວງ, ກໍາມະການພັກແຂວງ, ຄະນະປະຈຳພັກເມືອງ, ກໍາມະການພັກເມືອງ, ຫົວໜ້າ-ຮອງພະແນກການອ້ອມຂ້າງແຂວງ ຕະຫຼອດຮອດພະນັກງານອາວຸໂສປະຕິວັດພາຍໃນບ້ານເທສະບານແຂວງເຂົ້າຮ່ວມເກືອບ 400 ຄົນ.




ກ່ອນເລີ່ມພິທີ ບັນດາທ່ານຜູ້ເຂົ້າຮ່ວມໄດ້ຮັບຟັງ ແລະ ຮັບຊົມລາຍການສະແດງສີລະປະຈາກນ້ອງໆນັກຮຽນທີ່ມາຈາກໂຮງຮຽນແຫ່ງຕ່າງໆ ລວມທັງໝົດ 10 ລາຍການຄື: ຟ້ອນ 7 ລາຍການ, ຮ້ອງເພງ 3 ລາຍການ; ນອກນີ້ ທ່ານ ນາງ ຄຳເສັງ ທຸມມະວົງສາ ຮອງເຈົ້າເມືອງ-ເມືອງລະມາມ ໄດ້ກ່າວວ່າ: ວັນສາກົນຜູ້ອາຍຸສູງແມ່ນວັນທີ່ມີຄວາມໝາຍຄວາມສຳຄັນ ທີ່ພະນັກງານການນຳ ບໍ່ເຄີຍຫຼົງລືມໄດ້ ແລະ ຄົນລຸ້ນຫຼັງໄດ້ຈາລຶກເຖິງບຸນຄຸນ ແລະ ຄຸນງາມຄວາມດີທີ່ລຸ້ນລຸ້ນພໍ່ລຸ້ນແມ່, ລຸ້ນປ້າລຸ້ນລູງ ທີ່ໄດ້ປະກອບສ່ວນໃນພາລະກິດປົດປ່ອຍຊາດປະຊາທິປະໄຕ ກໍຄືສະໄໝປົກປັກຮັກສາ ແລະ ສ້າງສາພັດທະນາປະເທດຊາດ, ນອກນີ້ວັນດັ່ງກ່າວຍັງເປັນວັນທີ່ບົ່ງບອກເຖິງມູນເຊື້ອເຖິງຄວາມອົງອາດກ້າຫານ,ມູນເຊື້ອຄວາມເສຍສະຫຼະຂອງບັນພະບູລຸດກໍຄືພະນັກງານອາວຸໂສປະຕິວັດທຸກທົ່ວໜ້າທີ່ໄດ້ເສຍສະຫຼະຊີວິດເລືືອດເນື້ອຕໍ່ສູ້ຕ້ານກັບພວກຈັກກະພັດລ່າເມືອງຂຶ້ນເພື່ອກອບກູ້ເອົາປະເທດຊາດບ້ານເມືອງອອກຈາກແອກກົດຂີ່ຂູດຮີດຂອງຊາດອື່ນ; ດັ່ງນັ້ນ ຄະນະພັກ,ອໍານາດການປົກຄອງເມືອງລະມາມຈຶ່ງໄດ້ກຳນົດເອົາວັນທີ 20 ຕຸລາ ເປັນມື້ສະເຫຼີມສະຫຼອງວັນດັ່ງກ່າວ ເພື່ອເປັນການໂຄສະນາເຜີຍແຜ່ ແນວທາງແຫ່ງຊາດຕໍ່ຜູ້ອາຍຸສູງໂດຍແນໃສ່ປູກຈິດສໍານຶກໃຫ້ຄົນລຸ້ນຫຼັງໄດ້ເອົາໃຈໃສ່ໃນການອຸປະຖໍາຊ່ວຍເຫຼືອ ແລະ ເບິ່ງແຍງດູແລຜູ້ອາຍຸສູງມີສຸຂະພາບແຂງແຮງທາງດານຈິດໃຈ ແລະ ຮ່າງກາຍເພື່ອເປັນຮົ່ມໂພຮົ່ມໄຊໃຫ້ແກ່ລູກຫຼານຕະຫຼອດໄປ.



ຊຶ່ງໃນຊຸມປີຜ່ານມາຄະນະພັກ,ອຳນາດການປົກຄອງເມືອງ ແລະ ຂະແໜງການທີ່ກ່ຽວຂ້ອງໄດ້ເອົາໃຈໃສ່ຕໍ່ວຽກງານຄຸ້ມຄອງພະນັກງານອາວຸໂສປະຕິວັດ,ພະນັກງທານບຳນານຜູ້ອາຍຸສູງ ແລະ ຄົນພິການ ເຊິ່ງໄດ້ແບ່ງຂັ້ນຄຸ້ມຄອງລະຫວ່າງເມືອງກັບແຂວງຢ່າງຈະແຈ້ງຄື: ພະນັກງານບໍານານ ແລະ ພະນັກງານເສຍອົງຄະ ທີ່ມີເງິນເດືອນ ແຕ່ຊັ້ນ IV ຂຶ້ນໄປ ມີ 121 ທ່ານ, ຍິງ 34 ທ່ານ ແມ່ນພະແນກ ຮສສ ແຂວງຄຸ້ມຄອງ, ເງິນເດືອນຊັ້ນIII ລົງມາ ມີ 334 ທ່ານ, ຍິງ 113 ທ່ານ ແມ່ນຫ້ອງການ ຮສສ ເມືອງຄຸ້ມຄອງ,ເດັກນ້ອຍບໍ່ທັນພົ້ນກະສຽນອາຍຸ ຍັງໄດ້ຮັບເງິນອຸດໜູນຈາກລັດ 125 ຄົນ,ຍິງ 63 ຄົນ,ເມຍພະນັກງານບໍານານໄດ້ຮັບເງິນອຸດໜູນນໍາຜົວມີ 243 ຄົນ,ເງິນເດືອນຂອງເຂົາເຈົ້າທີ່ໄດ້ຮັບແຕ່ລະເດືອນຈຳນວນ ເກືອບ 500 ລ້ານກ່ວາກີບ, ໃນສົກປີ 2016-2017 ໄດ້ປະຕິບັດນໂບາຍອຸດຽູນກິນທານໃຫ້ພະນັກງານນັກຮົບທີ່ໄດ້ເສຍສະຫຼະຊີວິດຍ້ອນສູ້ຮົບໄດ້ 10 ທ່ານ,ມູນຄ່າ 212 ລ້ານກວ່າກີບ,ປະຕິບັດນະໂຍບາຍອຸດໜູນຊາປະນະກິດສົບ ແລະ ການອຸດໜູນຄອບຄົວຕໍ່ພະນັກງານບໍານານ ແລະ ພະນັກງານເສຍອົງຄະທີ່ໄດ້ລ່ວງລັບໄປແລ້ວ ມີ 6 ທ່ານ ຍິງ 3 ທ່ານ ມູນຄ່າ 368 ລ້ານກວ່າກີບ.




ເພື່ອສືບຕໍ່ປະຕິບັດ ແລະຜັນຂະຫຍາຍນະໂຍບາຍຕໍ່ຜູ້ອາຍຸສູງໃນຕໍ່ໜ້າ ຄະນະພັກອຳນາດການປົກຄອງເມືອງລະມາມ ກໍ່ຄືຂະແໜງການທີ່ກ່ຽວຂ້ອງ ຍັງຈະໄດ້ສືບຕໍ່ຮັບເອົາໜັງສືຄຳຮ້ອງຂໍນະໂຍບາຍຕ່າງໆເພື່ອຄົ້ນຄວ້າໃຫ້ຖືກຕາມດຳລັດແລະຂໍ້ກໍານົດຕ່າງໆເພື່ອສະເໜີຕໍ່ຂັ້ນເທິງ,ເອົາໃຈໃສ່ສະໜອງໂຍບາຍຕ່າງໆໃຫ້ແກ່ພະນັກງານອາວຸໂສປະຕິວັດໃຫ້ທ່ວງທັນກັບເວລາ,ສືບຕໍ່ປຸກລະດົມຄົນລຸ້ນຫຼັງທຸກພາກສ່ວນໃນສັງຄົມໃຫ້ເອົາໃຈໃສ່ເບິ່ງແຍງດູແລທາງດ້ານວັດຖຸຈິດໃຈໃຫ້ແກ່ພວກເພິ່ນດີຂຶ້ນເທື່ອລະກ້າວ.



ພາບ-ຂ່າວ: ພຸດທະສອນ ພາບ:
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.