Header Ads

ພິທີສະເຫຼີມສະຫຼອງວັນສາຍຕາໂລກ

        

ພິທີດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 26 ຕຸລາ 2017ນີ້ ຢູ່ທີ່ສະໂມງສອນເມືອງເງິນ ແຂວງໄຊຍະບູລີ ເຂົ້າຮ່ວມເປັນກຽດມີ ທ່ານ ສອນສຸກ ພວງແກ້ວ ຮອງເລຂາພັກເມືອງ, ຮອງເຈົ້າເມືອງ: ມີທ່ານ ດຣ. ບຸນເລືອນ ບົວໄລ ກຳມະການພັກເມືອງ ຫົວໜ້າຫ້ອງສາທາລະນະສຸກເມືອງ, ມີທ່ານ ດຣ. ສົມຈິດ ວັນນະວົງ ຫົວໜ້າໜ່ວຍງານ ຫູ, ຕາ, ດັງ, ຄໍ ພະແນກສາທາລະນະສຸກແຂວງ, ມີຫ້ອງການທີ່ກ່ຽວຂ້ອງ, ນາຍບ້ານໃນເທດສະບານເມືອງ, ຕະຫຼອດຮອດຜູ້ທີ່ມີບັນຫາທາງສາຍຕາເຂົ້າຮ່ວມຢ່າງຫຼວງຫຼາຍ.


        ພິທີສະເຫຼີມສະຫຼອງວັນສາຍຕາໂລກໃນຄັ້ງນີ້ ທ່ານ ດຣ. ສົມຈິດ ວັນນະວົງ ຕາງໜ້າພະແນກສາທາລະນະສຸກແຂວງ, ໄດ້ຂຶ້ນຜ່ານປະຫວັດຄວາມເປັນມາຂອງ ວັນສາຍຕາໂລກ, ເພື່ອເຮັດໃຫ້ທົ່ວສັງຄົມ ມີຄວາມຮັບຮູ້ຄວາມເຂົ້າໃຈ. ບັນຫາ ທີ່ມີສາຍຕາປົກຜ່ອງ ແລະ ຕາບອດ ເຊີ່ງໄດ້ສົ່ງຜົນກະທົບຕໍ່ການພັດທະນາເສດຖະກິດສັງຄົມ ດັ່ງນັ້ນພັກ ແລະ ລັດຖະບານລາວເຮົາຈຶ່ງໄດ້ສົມທົບກັບກະຊວງສາທາລະນະສຸກ ແລະ ກອງທຶນສະໜັບສະໝູນມູນນິທິເພື່ອຊ່ວຍເຫຼືອຄົນທີ່ມີສາຍຕາບົກຜ່ອງ ແລະ ຕາບອດຈາກປະເທດອົດສະຕາລີໄດ້ມີສ່ວນຮ່ວມໃນການແກ້ໄຂບັນຫາກ່ຽວກັບສາຍຕາ ມີ 3 ແຂວງຄືໄຊຍະບູລີ, ວຽງຈັນ ແລະ ຫຼວງພະບາງ ພ້ອມທັງອະທິບາຍວິທີການປ້ອງກັນ ແລະ ປີ້ນປົວຮັກສາແກ່ນຕາຂອງຜູ້ອາຍຸສູງ. ເພື່ອເຮັດໃຫ້ຜູ້ທີ່ມີບັນຫາທາງສາຍຕາໄດ້ກັບມາເບິ່ງເຫັນຄວາມສະຫວ່າງອີກຄັ້ງ ເຮັດໃຫ້ການທຳມາຫາກິນມີຄວາມສະດວດສະບາຍຄືກັບຄົນທົ່ວໄປ.

        ຕອນທ້າຍຄະນະປະທານກໍ່ໄດ້ນຳເອົາແວນຕາແຈກຢາຍໃຫ້ກັບຜູ້ສູງອາຍຸອີກດ້ວຍ.

ພາບ ແລະ ສຽງ ໂດຍ: ສຸລິຍາ ແສງເດືອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.