Header Ads

ບັນດາປະເທດແມ່ນໍ້າຂອງ - ສ.ເກົາຫລີຫາລື ດ້ານນະໂຍບາຍ ສົ່ງເສີມທຸລະກິດຂະ ໜາດນ້ອຍ ແລະ ຂະໜາດກາງ




ໃນ​ວັນ​ທີ 19 ຕຸລາ 2017 ນີ້ ທີ່​ນະຄອນຫລວງ​ວຽງ​ຈັນ, ກະຊວງ​ການ​ຕ່າງປະ​ເທດ ​ແຫ່ງ ສປປ ລາວ ຮ່ວມ​ກັບ​ກະຊວງ​ການ​ຕ່າງປະ​ເທດ ສ.​ເກົາຫລີ ​ເປັນ​ເຈົ້າພາບ​ຮ່ວມ​ຈັດ​ກອງ​ປະຊຸມ​ປຶກສາ​ຫາລື​ພາກ​ທຸລະ​ກິດ ຂອບ​ການ​ຮ່ວມ​ມື​ແມ່ນ​ນ້ຳຂອງ-ສ.​ເກົາຫລີ​ ຄັ້ງ​ທີ 5 ພ້າ​ຍ​ໃຕ້​ຫົວຂໍ້​ ການ​ສົ່ງ​ເສີມທຸລະ​ກິດ​ຂະໜາດ​ນ້ອຍ ​ແລະ ຂະໜາດ​ກາງ, ອຸດສາຫະກຳ​ທ່ອງ​ທ່ຽວ, ອາຫານ ​ແລະ ກະສິກຳ ​ໃນ​ບັນ​ດາ​ປະ​ເທດ​ແມ່ນ້ຳຂອງ-ສ.​ເກົາຫລີ, ​ໂດຍ​ການ​ເປັນ​ປະທານ​ຮ່ວມ​ຂອງ​ທ່ານ ທອງ​ຜ່ານ ສະຫວັນ​ເພັດ ຮອງ​ລັດຖະມົນຕີ​ກະຊວງ​ການ​ຕ່າງ​ປະ​ເທດ ສປປ ລາວ ​ແລະ ທ່ານ ຍຸນ ຄັງ ຮີ​ຢອນ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດຂອງ ສ.​ເກົາຫລີ, ມີ​ຜູ້​ຕ່າງ​ໜ້າ​ຈາກ​ຂະ​ແໜງ​ການ​ຕ່າງໆ, ບັນດາ​ນັກທຸລະກິດ ​ແລະ ຜູ້​ປະກອບ​ການ​ຂອງ​ບັນດາ​ປະ​ເທດ​ແມ່​ນ້ຳຂອງ (ກຳປູ​ເຈຍ, ສປປ ລາວ, ມຽນມາ, ໄທ, ຫວຽດນາມ) ​ແລະ ສ.​ເກົາ​ຫລີ, ພ້ອມ​ດ້ວຍ​ຜູ້​ແທນ​ຈາກ​ສະ​ຖາ​ບັນ​ແມ່​ນ້ຳຂອງ ​ແລະ ອົງການ​ຈັດ​ຕັ້ງສາກົນ ​ເຂົ້າຮ່ວ​ມ.ໃນ​ໂອກາ​ດັ່ງກ່າວ, ທ່ານ ທອງ​ຜ່ານ ສະຫວັນ​ເພັດ ​​ກ່າວ​ວ່າ: ກອງ​ປະຊຸມ​ຄັ້ງນີ້, ​ເປັນ​ການ​ສົ່ງ​ເສີມ ​ແລະ ຂະຫຍາຍ​ເຄື່ອຂ່າຍການ​ຮ່ວມ​ມື​ດ້ານ​ທຸລະ​ກິດ ລະຫວ່າງ​ປະ​ເທດ​ສະມາຊິກ​ແມ່ນ້ຳຂອງ ​ແລະ ສ.​ເກົາ ຫລີ, ພາກ​ເອກະ​ຊົນ ກໍ​ຄື​ ບັນດາ​ບໍລິ​ສັດ​ຫ້າງ​ຮ້ານ​ຕ່າງໆ​ຂອງ​ສອງ​ຝ່າຍ, ພ້ອມ​ທັງ​ໄດ້​ມີ​ການ​ຈັບ​ຄູ່​ກັນ​ທາງ​ດ້ານ​ທຸລະ​ກິດ, ​ໂດຍ​ສະ​ເພາະ​ການ​ຈັບ​ຄູ່​ທຸລະ​ກິດ ​ທີ່​ປິ່ນ​ອ້ອມ​ໃນ​ອຸດສາຫະກຳ​ທ່ອງ​ທ່ຽວ, ກະສິກຳ, ອາຫານ ​ແລະ ອື່ນໆ.

ກອງ​ປະຊຸມ​ຄັ້ງ​ນີ້, ​ເນັ້ນ​ໃສ່​ການ​ປຶກສາ​ຫາລື​ດ້ານ​ນະ​ໂຍບາຍ​ ການ​ສົ່ງ​ເສີມ​ທຸລະ​ກິດ​ຂະໜາດ​ນ້ອຍ ແລະ ຂະໜາດ​ກາງ, ​ໂດຍ​ສະ​ເພາະ​ການ​ແລກປ່ຽນ​ທັດສະນະ ​ແລະ ຄວາມ​ຄິດ​ເຫັນ​ຮ່ວມ​ກັນ ກ່ຽວ​ກັບ​ສິ່ງ​ທ້າ​ທາຍ ​ແລະ ກາລະ​ໂອກາດ​ຂອງ​ການ​ດຳ​ເນີນ​ທຸລະ​ກິດ​ ໃນ​ບັນດາ​ປະ​ເທດ​ແມ່​ນ້ຳຂອງ, ພ້ອມ​ດຽວ​ກັນ​ນີ້ ຍັງ​ໄດ້​ມີ​ການ​ແລກປ່ຽນ​ປະສົບ​ການ​ຕົວ​ຈິງ ​ຂອງ​ການ​ດຳ​ເນີນ​ທຸລະ​ກິດ​ຢູ່​ບັນດາ​ປະ​ເທ​ດ​ແມ່ນ້ຳຂອງ ​ໂດຍ​ສະ​ເພາະ​ສິ່ງ​ອຳ​ນວຍ​ຄວາມ​ສະດວກ, ຂໍ້​ຫຍຸ້ງຍາກ ​ແລະ ການວາງ​ແຜນ​ຮ່ວມ​ມື​ກັນ​ໃນ​ອະນາ​ຄົດ.

ຂ່າວ: ສົມ​ຫວັງ ພາບ: ​ເກດສະໜາ  ( ຂປລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.