Header Ads

ຖວທ ເຊກອງ ມອບໂທລະໂຄ່ງໃຫ້ບ້ານທົ່ງແຄນ



ເຊກອງ,ວັນທີ 23/10/2017 :  ວັນທີ 22 ຕຸລາ 2017 ຜ່ານມາ ທ່ານ ບຸນທົງ ຖິ່ນດອນໂຂງ ຮອງເລຂາຄະນະພັກ, ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງເຊກອງ, ທ່ານ ສົມບູນ ສີສົມພອນ ຫົວໜ້າຂະແໜງຖະແຫຼງຂ່າວ ແລະ ທ່ານ ສຸດສັກສິດ ຍິນແສນຫວັງ ຫົວໜ້າຫ້ອງການ ຖວທ ເມືອງກະລຶມ ໄດ້ນຳເອົາລະບົບໂທລະໂຄ່ງ ແລະ ເຄື່ອງຂະຫຍາຍສຽງ 1 ຊຸດລວມມູນຄ່າກວ່າ 16 ລ້ານກີບມອບໃຫ້ບ້ານທົ່ງແຄນເມືອງກະລຶມ.

ທັງນີ້ ເພື່ອເປັນເຄື່ອງມືສຳຄັນໃນການໂຄສະນາເຜີຍແຜ່ແນວທາງ, ແຜນນະໂຍບາຍຂອງພັກ, ລະບຽບກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ ແນໃສ່ປຸກລະດົມນ້ຳໃຈຮັກຊາດ, ຮັກລະບອບໃໝ່, ສ້າງສະຕິເຄົາກົດໝາຍໃຫ້ແກ່ປະຊາຊົນ, ສົ່ງເສີມໃຫ້ປະຊາຊົນຮູ້ອະນຸລັກຮັກສາ, ເສີມຂະຫຍາຍວັດທະນະທຳອັນດີງາມຂອງຊາດ-ຂອງເຜົ່າ ແລະ ເຂົ້າຮ່ວມຂະບວນການພັດທະນາຕ່າງໆທີ່ພັກ-ລັດຂັ້ນເທິງຈັດຂຶ້ນຢ່າງເປັນຂະບວນກວ້າງຂວາງ.

ຕາງໜ້າກ່າວມອບເຄື່ອງດັ່ງກ່າວ ໂດຍແມ່ນທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖວທ ແຂວງ ກ່າວຮັບ ທ່ານ ຄຳພຽນ ນາຍບ້ານໆທົ່ງແຄນ ໂດຍຊ້ອງໜ້າທ່ານ ພັທ ພູຄຳ ແກ້ວວິນຕານ ກຳມະການພັກເມືອງ, ເລຂາຄະນະພັກຮາກຖານ, ຫົວໜ້າເຂດຈຸດສຸມກຸ່ມບ້ານພັດທະນາທີ 3 ປາກໄຊ ແລະ ພາກສ່ວນກ່ຽວຂ້ອງເຂົ້າຮ່ວມທັງສອງຝ່າຍ. ຈາກນັ້ນ ຄຳພຽນ ກໍໄດ້ສະແດງຄວາມຂອບໃຈເປັນຢ່າງສູງ ແລະ ຮູ້ບຸນຄຸນມາຍັງພັກ-ລັດ ກໍຄືຄະນະພັກ-ຄະນະນຳຂະແໜງຖະແຫຼງຂ່າວ, ວັດທະນະທຳ ແລະ ທ່ອງທ່ຽວທີ່ໄດ້ເປັນຫ່ວງເປັນໄຍ ແລະ ຕິດຕັ້ງລະບົບໂທລະໂຄ່ງໃຫ້ບ້ານຂອງຕົນໃນຄັ້ງນີ້ ແລະ ຫວັງຢ່າງຍິ່ງວ່າໂອກາດໜ້າບ້ານທົ່ງແຄນຈະໄດ້ຮັບການຊ່ວຍເຫຼືອດ້ານອື່ນໆຈາກພັກ-ລັດຂັ້ນເທິງຕື່ມອີກ.


ຂ່າວ-ພາບ : ສັນຍາ  /ຂ່າວແຂວງເຊກອງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.