Header Ads

ລັດເປີດໄຟຂຽວໃຫ້ ເອກະຊົນ ສໍາປະທານຂຸດຄົ້ນ ແລະ ປຸງແຕ່ງຫີນຜາ ເມືອງໄຊບົວທອງ



ໂດຍປະຕິບັດຕາມຂໍ້ຕົກລົງຂອງທ່ານເຈົ້າແຂວງໆຄໍາມ່ວນ ວ່າດ້ວຍການອະນຸມັດໃຫ້ບໍລິສັດ ລິນສົມພູ ລີສອດ ຈໍາກັດຜູ້ດຽວ ເຊັນສັນຍາສໍາປະທານເນື້ອທີ່ຂຸດຄົ້ນຫີນຜາ 05 ເຮັກຕາຢູ່ເຂດບ້ານຜາໂຄ້ງ ເມືອງໄຊບົວທອງ ດ້ວຍອາຍຸການສໍາປະທານ 05 ປີ.

ພິທີເຊັນສັນຍາດັ່ງກ່າວ ໄດ້ຈັດຂຶ້ນໃນຕອນບ່າຍຂອງວັນທີ 19 ຕຸລາ ຜ່ານມາຢູ່ທີ່ຫ້ອງປະຊຸມຂອງພະແນກແຜນການ ແລະ ການລົງທຶນແຂວງຄໍາມ່ວນເຊິ່ງຝ່າຍລັດຕາງໜ້າໃຫ້ແກ່ອໍານາດການປົກຄອງແຂວງເຊັນໂດຍທ່ານ ດາວໄຫຼ ແກ້ວດວງດີ, ຫົວໜ້າພະແນກແຜນການ ແລະ ການລົງທຶນແຂວງ, ສ່ວນຝ່າຍບໍລິສັດເຊັນໂດຍທ່ານ ສີພອນ ຄໍາພັນທິລາດ, ຜູ້ອໍານວຍການບໍລິສັດ ລິນສົມພູ ລີສອດ ຈໍາກັດ ນອກນັ້ນຍັງມີທ່ານ ບຸນນໍາ ບຸນນະສອນ ເຈົ້າເມືອງໄຊບົວທອງ ຕະຫຼອດບັນດາທ່ານທີ່ຕາງໜ້າໃຫ້ແກ່ພະແນກການທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ເນື້ອໃນຂອງສັນຍາສໍາປະທານຝ່າຍລົງທຶນແມ່ນຍິນດີປະຕິບັດຕາມລະບຽບກົດໝາຍການລົງທຶນຕະຫຼອດເຖິງພັນທະອື່ນໆນອກຈາກພັນທະຕ່າງໆແລ້ວ ຝ່າຍລົງທຶນຍັງຕ້ອງປະຕິບັດພັນອື່ນໆທີ່ຕິດພັນກັບການຂຸດຄົ້ນໃຫ້ກັບຝ່າຍລັດເຊັ່ນ: ມອບເງິນຄຸ້ມຄອງຕິດຕາມກວດກາສັນຍາ, ມອບເງິນຕິດຕາມຄຸ້ມຄອງເຕັກນິກການຂຸດຄົ້ນ , ມອບເງິນຕິດຕາມຄຸ້ມຄອງສິ່ງແວດລ້ອມ, ມອບເງິນພັນທະພັດທະນາສັງຄົມໃຫ້ແຂວງບ່ອນໂຄງການຕັ້ງຢູ່ , ມອບເງິນພັນທະພັດທະນາທ້ອງຖິ່ນໃຫ້ຂັ້ນເມືອງບ່ອນໂຄງການຕັ້ງຢູ່ ແລະ ມອບເງິນພັນທະພັດທະນາທ້ອງຖິ່ນໃຫ້ຂັ້ນບ້ານບ່ອນໂຄງການຕັ້ງຢູ່ພັນທະ 10 ລ້ານກີບຕໍ່ປີ .

ພາບ ແລະ ຂ່າວ: ຂ່າວເສດຖະກິດ-ການຄ້າ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.