Header Ads

ໂຮງຮຽນອີດສະເຕີນສະຕາ ໄດ້ຮັບຫຼຽນແຮງງານ ແລະ ໃບຍ້ອງຍໍ ຈາກທ່ານນາຍົກລັດຖະມົນຕີ!



ໂຮງຮຽນ ອິດສະເຕິນສະຕາ ໄດ້ຮັບຫຼຽນແຮງງານ ແລະ ໃບຍ້ອງຍໍ ຈາກ ພະນະທ່ານ ນາຍົກລັດຖະມົນຕີ ທອງລຸນ ສີສຸລິດ. 

ພິທີມອບແມ່ນໄດ້ຈັດຂື້ນທີ່ ກະຊວງສຶກສາທິການ ແລະ ກິລາ ໃນວັນທີ 20 ຕຸລາ 2017 ທີ່ຜ່ານມານີ້. ການມອບລາງວັນຄັ້ງນີ້ແມ່ນໃຫ້ກຽດມອບໂດຍ ລັດຖະມົນຕີ ກະຊວງສຶກສາທິການ ແລະ ກິລາ ທ່ານ ນາງ ແສງເດືອນ ຫລ້າຈັນທະບູນ,​ ທີ່ໄດ້ໃຫ້ກຽດມອບ ໃຫ້ແກ່ນັກຮຽນ ຂອງໂຮງຮຽນ ອິດສະເຕີນສະຕາ ໂດຍແມ່ນ ທ້າວ ແສງສອນເພັດ ວົງດາລາ, ທ້າວ ພົນທຳ ວິຊາປຣາ ແລະ ອາຈານນຳພາ ໂດຍແມ່ນ ອາຈານອາເມັດ ອາຈາ ທີ່ໄດ້ນໍາພານ້ອງນັກຮຽນໄປແຂ່ງຂັນ ທາງດ້ານສິລະປະ ທີ່ເວົ້າເຖິງການຮັກສາສິ່ງແວດລ້ອມ ທີ່ ນະຄອນຫຼວງ ນິວຢອກ, ປະເທດອາເມລິກາ. 



ການໄປເຜີຍແຜ່ຄັ້ງນີ້ບໍ່ແມ່ນແຕ່ໃຫ້ໂຮງຮຽນ ອິດສະເຕີນສະຕາ ເທົ່ານັ້ນ ແຕ່ຍັງເປັນການເປີດກ້ວາງໃຫ້ສາກົນໄດ້ຮັບຮູ້ເຖິງຄວາມສາມາດຂອງນັກຮຽນລາວເຮົາອີກດ້ວຍ. 

ໂຮງຮຽນ ອີດສະເຕັ້ນສະຕາ ເປັນໂຮງຮຽນ ທີ່ໄດ້ສົ່ງນັກຮຽນລາວ ໄປແຂ່ງຂັນລາຍການຕ່າງໆ ທີ່ຕ່າງປະເທດ ຫຼາຍລາຍການ ແລະ ສາມາດຍາດໄດ້ຫຼຽນລາງວັນ. ເປັນໂຮງຮຽນທີ່ໃຊ້ລະບົບການຮຽນທີ່ທັນສະໄໝ ແລະ ເນັ້ນຄຸນນະພາບ ຂອງການສຶກສາ,​ ສົ່ງເສີມນັກຮຽນໃຫ້ຮູ້ຄົ້ນຄິດ, ກ້າຄິດ ກ້າສະແດງອອກ ຢ່າງສ້າງສັນ ແລະ ມີຈິນຕະນາການ.






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.