Header Ads

ບັງອາດ! ເອົາເງິນປອມ ມາຈ່າຍຄ່າປັບໃໝ່ ຢູ່ຫ້ອງການສານ ທີ່ເມືອງໜອງແຮດ!


ຊຽງຂວາງ: ລາຍງານຈາກເຈົ້າໜ້າທີ່  ຫ້ອງການຍຸຕິທຳເມືອງ ໜອງແຮດ ແຂວງຊຽງຂວາງ ໃຫຮູ້ວ່າ ໃນວັນທີ່ 19/10/2017 ໄດ້ມີລູກຄວາມ (ຈຳເລີຍ) ມາຈ່າຍເງີນຄ່າປົວແປງກຽດສັກສີໃຫ້ໃຫ້ຄູ່ກໍລະຢູ່ໜ່ວຍງານຈັດຕັ້ງປະຕິບັດຄຳຕັດສິນຂອງສານຫ້ອງການຍຸຕິທຳ ເມືອງໜອງແຮດ, ພະນັກງານໄດ້ພົບເຫັນເງີມປອມຈຳນວນ 700,000 ກີບ ເປັນໃບ 50,000 ກີບ ພະນັກງານໄດ້ແຈ້ງຄວາມ ແລະ ມອບໃຫ້ເຈົ້າໜ້າສຶບສວນຕາມລະບຽບການແລ້ວ.


ເງິນປອມທີ່ກວດພົບ ແມ່ນເງິນທີ່ໃຊ້ວິທີການ ກອບປີສີ ເຊິ່ງທຸກໃບ ແມ່ນມີເລກທະບຽນກຳກັບ ເລກດຽວກັນ.

ຈາກການສືບສວນເບື່ອງຕົ້ນ, ຜູ່ທີ່ນຳເອົາເງິນປອມ (ໂດຍການໃຊ້ວິທີກອບປີສີ) ມາຈ່າຍອ້າງວ່າ ໄດ້ຮັບເງິນຈາກແມ່ຄ້າ ທີ່ມາຊື້ໝູ ນຳລາວຢູ່ຕະຫຼາດ. ເຖິງຢ່າງໃດກໍ່ຕາມ ເຈົ້າໜ້າທີ ກໍ່ຍັງຈະສືບສວນ  ຄວາມຈິງ ແລະ ດຳເນີນກັບ ຜູ່ທີ່ລະເມີດກົດໝາຍ ໃນການປອມແປງ ພັນທະບັດ ຂອງ ສປປລາວ.

ນອກນີ້, ທາງເຈົ້າໜ້າທີ່ ແຈ້ງເຕືອນໃຫ້ ປະຊາຊົນ ຈົ່ງມີສະຕິລະວັງຕົວ ໃນການກວດສອບ ເງິນ ອາດຈະມີການປອມ ຫຼື ກອບປີເງິນຄືກໍລະນີນີ້.

ພາບແລະຂ່າວ: ຫ້ອງການຍຸຕິທຳ ເມືອງໜອງແຮດ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.