Header Ads

ດາກຈຶງເຜີຍແຜ່-ແນະນຳການແຈ້ງຊັບສິນ ແລະລາຍຮັບຂອງພະນັກງານລັດຖະກອນຮອບທີ II



ແຂວງເຊກອງ : ກອງປະຊຸມເຜີຍແຜ່-ແນະນຳການແຈ້ງບັນຊີຊັບສິນ ແລະລາຍຮັບຂອງພະນັກງານ-ລັດຖະກອນໄດ້ຈັດຂຶ້ນໃນວັນທີ 12 ຕຸລາ 2017 ຜ່ານມານີ້ ຢູ່ທີ່ສະໂມສອນເມືອງດາກຈຶງແຂວງເຊກອງ, ໂດຍການເປັນປະທານຂອງທ່ານ ນາງ ຈັນຫອມ ມະຫາໄຊ ຄະນະປະຈຳພັກແຂວງ ປະທານກວດກາພັກ-ລັດແຂວງເຊກອງ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ-ຮອງຫ້ອງການ ພ້ອມດ້ວຍພະນັກງານ-ລັດຖະກອນອ້ອມຂ້າງເມືອງເຂົ້າຮວ່ມ.



ທ່ານ ອຸ່ຄຳ ຫຼ້າທະຈັກ ຄະນະປະຈຳພັກເມືອງປະທານກວດກາພັກ-ລັດເມືອງດາກຈຶງໄດ້ຜ່ານດຳລັດສະບັບເລກທີ 159/ລບ, ລົງວັນທີ 4 ມິຖຸນາ 2013 ວ່າດວ້ຍການແຈ້ງຊັບສິນ, ລວມມີ 7 ໝວດ ແລະ27 ມາດຕາ ແລະບົດແນະນຳການຈັດຕັ້ງປະຕິບັດດຳລັດ ສະບັບເລກທີ 46/ລບ, ລົງວັນທີ 20 ກຸມພາ 2017 ວ່າດວ້ຍການແຈ້ງຊັບສິນ ( ສະບັບປັບປຸງໃໝ່ ) ເພື່ອຜັນຂະຫຍາຍດໍາລັດຂອງລັດຖະບານວ່າດ້ວຍການແຈ້ງຊັບສິນ ໃຫ້ຖຶກຕອ້ງເປັນເອກະພາບ, ມີປະສິດທິຜົນ ແລະທົ່ວເຖິງທຸກເປົ້າໝາຍຕາມທີ່ໄດ້ກຳນົດໄວ້ຕາມດຳລັດສະບັບດັ່ງກ່າວ, ທັງເປັນບອ່ນອີງໃຫ້ຄະນະພັກ, ອົງການປົກຄອງ, ອົງການກວດກາລັດ ແລະຕ້ານການສໍ້ລາດບັງຫລວງແຕ່ລະຂັ້ນ ໃນການຈັດຕັ້ງປະຕິບັດລະອຽດ ກ່ຽວກັບການດຳເນີນແຈ້ງຊັບສິນ ແລະລາຍຮັບຂອງພະນັກງານ-ລັດຖະກອນ, ທະຫານ, ຕຳຫຼວດໃນທົ່ວປະເທດ. ເພື່ຶອເຮັດໃຫ້ອົງການຮັບແຈ້ງຊັບສິນ ແລະຜູ້ທີ່ເປັນເປົ້າໝາຍ ແຈ້ງຊັບສິນ ໄດ້ຮັບຮູ້ເຂົ້າໃຈ, ມີຄວາມເປັນເອກະພາບ ແລະເປັນເຈົ້າການຈັດຕັ້ງປະຕິບັດ ດວ້ຍຄວາມຮັບຜິດຊອບສູງ ແນໃສ່ເຮັດໃຫ້ການແຈ້ງຊັບສິນ ແລະລາຍຮັບໄດ້ດຳເນີນໄປຢ່າງຖືກຕອ້ງ, ຈະແຈ້ງຄົບຖວ້ນ ແລະທັນຕາມເວລາທີ່ກຳນົດໄວ້.

ທ່ານ ນາງ ຈັນຫອມ ມະຫາໄຊ ຄະນະປະຈຳພັກແຂວງ ປະທານກວດກາພັກ-ລັດແຂວງເຊກອງ ກໍໄດ້ເນັ້ນໃຫ້ຄະນະກວດກາພັກ-ລັດຂັ້ນເມືອງ ແລະພະນັກງານນຳພາທຸກຂັ້ນເອົາໃຈໃສ່ປະຕິບັດການແຈ້ງຊັບສິນ ແລະລາຍຮັບຂອງຕົນ, ຂອງພະນັກງານ-ລັດຖະກອນທີ່ຢູ່ໃນການຄຸ້ມຄອງຂອງຕົນໃຫ້ສຳເລັດຜົນໂດຍດີ, ແນໃສ່ສະກັດກັ້ນ ແລະຕ້ານການສໍ້ລາດບັງລວງໃນກົງຈັກການຈັດຕັ້ງຂອງພັກ-ລັດ,ໃນຖັນແຖວພະນັກງານນຳພາແຕ່ລະຂັ້ນ ແລະພະນັກງານລັດຖະກອນ ແລະຮີບຮ້ອນຈັດຕັ້ງປະຕິບັດວຽກງານດັ່ງກ່າວໃຫ້ສຳເລັດທວ່ງທັນຕາມເວລາທີ່ກຳນົດໄວ້ທັງຮັບປະກັນດ້ານປະລິມານ ແລະຄຸນນະພາບ, ປະຕິບັດຖືກຕອ້ງຕາມຫຼັກການຂອງການແຈ້ງຊັບສິນ ແລະລາຍຮັບ.


ພາບ ແລະ ຂ່າວ: ສີສັກດາ ບຸນໄຊຄຳ  (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.