Header Ads

ແຮງບັນດານໃຈ: ຍິງສາວຜູ່ພິການຫູ ສາມາດຮ້ອງເພງໄດ້ຢ່າງໜ້າອັດສະຈັນ! ແລ້ວທ່ານເດ?


ແຮງບັນດານໃຈມື້ນີ້ ຂໍນຳເອົາເລື່ອງລາວຂອງ ຜູ່ເຂົ້າແຂ່ງຂັນຮ້ອງເພງ ທີ່ລາຍການ American Got Talent 2017 ໃນທ້າຍເດືອນ ກັນຍາ 2017 ຜ່ານມາ.

Mandy Harvey ປະສົບບັນຫາ ເລື່ອງສຸຂະພາບ ເມື່ອຍາມເດັກ ຈົນພິການຫູ. ແຕ່ຍ້ອນຄວາມຮັກໃນສຽງດົນຕີ ທີ່ລາວເຄີຍມັກມາແຕ່ຕອນຍາມນ້ອຍ ເຮັດໃຫ້ລາວ ຍັງສູ້ຊົນ ຝຶກຮ້ອງເພງ ທັງໆ ທີ່ຕົນເອງ ບໍ່ໄດ້ຍິນສຽງຂອງຕົນເອງ ແຕ່ລາວ ກໍ່ຮ້ອງ ແລະ ພະຍາຍາມ ຈົນສາມາດກາຍເປັນນັກຮ້ອງພິການຫູ ທີ່ເຂົ້າມາແຂ່ງຂັນໃນລາຍການນີ້.

ຂະໜາດຕອນສຳພາດກ່ອນແຂ່ງຂັນ Mandy Harvey ຍັງຕ້ອງໄດ້ໃຊ້ ຄົນຊ່ວຍທີ່ໃຊ້ພາສາມື ເພື່ອສື່ສານ ເພາະວ່າ ລາວບໍ່ສາມາດໄດ້ຍິນສຽງ (ຫູຂອງລາວໜວກ).

Mandy Harvey ບອກວ່າລາວຝຶກຮ້ອງເພງດ້ວຍການຮູ້ສຶກທາງສຳພັດ ເພື່ອຈັບຈັ່ງຫວະດົນຕີຕ່າງໆ ເຊິ່ງໄດ້ຟັງແລ້ວເປັນເລື່ອງທີ່ສຸດຍອດແທ້ໆ. ເພາະຂະໜາດຄົນປົກກະຕິ ຫຼາຍຄົນ ກໍ່ອາດຈະຮ້ອງເພງບໍ່ໄດ້ຕາມທຳນອງ ແລະ ຈັ່ງຫວະເພງເລີຍ.

ຢາກຮູ້ວ່າ ນໍ້າສຽງຂອງ Mandy Harvey ຈະມ່ວນຊຳໃດນັ້ນ. ກົດຊົມຄລິບຂ້າງລຸ່ມ ເຊິ່ງປະຈຸບັນ ມີຄົນຊົມຫຼາຍເກືອບ 26 ລ້ານຄັ້ງແລ້ວ.



Mandy Harvey ໄດ້ຝາກຄຳເວົ້າໜື່ງ ທີ່ສຳຄັນວ່າ: ຂ້ອຍເກືອບຈະທໍ້ຖອຍກັບທຸກສິ່ງເພາະພິການຫູ,​ ແຕ່ຂ້ອຍກໍ່ສູ້ຈົນລຸກຂຶ້ນມາໄດ້. I almost give up, but I get up!!! 

ທ່ານເດ! ສູ່ຊີວິດ ຜ່ານຜ່າບັນຫາ ຢ່າງເຕັມທີ່ແລ້ວບໍ່!

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.