Header Ads

ມືແຊັກໂຊໂຟນອັນດັບໜຶ່ງຈາກປະເທດໄທ ກັບນັກຮ້ອງໜຸ່ມຊື່ດັງຂອງລາວ ໃນບົດເພງ: ຢືມ!


ກາຍເປັນກະແສທີ່ໜ້າຈັບຕາເບິ່ງ ສອງສາມວັນຜ່ານມານີ້ ເຮົາໄດ້ເຫັນນັກຮ້ອງໜຸ່ມຊື່ດັງຂອງລາວ JoJo Miracle (ໂຈໂຈ້ ມິຣາໂຄລ) ໄດ້ປ່ອຍຜົນງານເພງໃໝ່ ໃຫ້ໄດ້ຟັງກັນທົ່ວປະເທດ ກໍຄືເພງ ຢືມ ເຊິ່ງເຮັດໃຫ້ຄົນທັງໃນ ແລະ ນອກວົງການຕ່າງກໍຊົມເຊີຍໃນຜົນງານດັ່ງກ່າວ ແຕ່ທີ່ເຮັດໃຫ້ສະດຸດຫູ ແລະ ສະເທືອນຕ່ອມຄວາມຄິດ ຄົງຈະໜີບໍ່ພົ້ນກັບ ສຽງແຊັກອັນມ່ວນ ອອນຊອນເລິກເຖິງຄວາມຮູ້ສຶກ ເຊິ່ງເຮົາໄດ້ຮູ້ມາວ່າ ສຽງແຊັກທີ່ປະກອບໃນຜົນງານເພງນີ້ ແມ່ນມາຈາກ ໂກ້ ມິສເຕີ ແຊັກແມນ ມືແຊັກໂຊໂຟນ ອັນດັບໜຶ່ງ ຂອງປະເທດເພື່ອນບ້ານເຮົານີ້ເອງ.



ແນ່ນອນຢູ່ແລ້ວວ່າບັນດານັກສິລະປິນ ນັກຮ້ອງ ກໍຄືຄົນໃນວົງການ ລ້ວນແລ້ວແຕ່ຕ້ອງເກີດຂໍ້ຂ້ອງໃຈ ວ່າ ໜຸ່ມໂຈໂຈ້ ສາມາດເຊີນເອົາ ນັກດົນຕີລະດັບປະເທດມາຮ່ວມ Featuring ໃນຜົນງານເພງຂອງຕົນເອງໄດ້ແນວໃດ ? ແລະ ຍ້ອນສາຍເຫດໃດ ທີ່ ໂກ້ ມິສເຕີ ແຊັກແມນ ຈຶ່ງຍອມຮັບຄຳເຊີນຂອງໜຸ່ມໂຈໂຈ້ໄດ້ ? ສຳລັບຂໍ້ຂ້ອງໃຈນີ້ ທີມງານເຮົາ ຈະຮີບຟ້າວໄປຫາຂໍ້ມູນມາໃຫ້ດ່ວນທີ່ສຸດ ແລະ ຈະດີກວ່ານັ້ນ ຖ້າເຮົາໄດ້ເຫັນບົດສຳພາດ ແລະ ການຊີ້ແຈງຂອງໜຸ່ມໂຈໂຈ້ ມິຣາໂຄລ ແລະ ໜຸ່ມໂກ້ ມິສເຕີ ແຊັກແມນ. ຄາດວ່າຄົງຈະໄວໆນີ້...




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.