Header Ads

ຊົມເຊີຍ ຖໍ້າກອງລໍໄດ້ຮັບລາງວັນດີເດັ່ນມາດຕະຖານອາຊຽນ


ຊົມເຊີຍ ຖໍ້າກອງລໍໄດ້ຮັບລາງວັນດີເດັ່ນມາດຕະຖານອາຊຽນ


ຄຳມ່ວນ:  ພິທີມອບ-ຮັບລາງວັນດີເດັ່ນມາດຕະຖານອາຊຽນໄດ້ມີຂຶ້ນໃນວັນທີ 29 ກັນນຍາ 2017 ນີ້ຢູ່ແຂວງຄໍາມ່ວນ.ຖ້ຳກອງລໍ, ເປັນແຫຼ່ງທ່ອງທ່ຽວມະຫັດສະຈັນແຫ່ງໜຶ່ງຂອງແຂວງຄຳມ່ວນ ເຊິ່ງພາຍໃນຖໍ້າມີລວງຍາວ 7,5 ກິໂລແມັດສາມາດນັ່ງເຮືອເຂົ້າໄປຊົມຄວາມສວຍງາມຢູ່ໃນຖ້ຳໄດ້ຍ່າງສະດວກ ສະບາຍ.





ການໄປຢ້ຽມຢາມຖ້ຳກອງລໍຄວນໄປນອນຢູ່ເຮືອນພັກບ້ານນາຕານ ຫຼືບ້ານກອງລໍ ນອກນັ້ນຍັງມີເຮືອນພັກສາລາຫີນບູນ ແລະ ເຮືອນພັກບ້ານຄູນຄຳ (ບາງຄົນເອີ້ນວ່າບ້ານນາຫີນ) ຊຶ່ງເປັນປະຕູດ່ານເຂົ້າໄປຫາຖ້ຳກອງລໍ, ຈາກເສັ້ນທາງ ເລກທີ 13 ເຂົ້າໄປທາງເລກ 8 ຮອດບ້ານຄູນຄຳຈາກນັ້ນທ່ານອາດຈະຂີ່ເຮືອ ຫຼື ລົດໄປທາງບ້ານກອງລໍ. ພາຍໃນຖ້ຳເຕັມໄປດ້ວຍຫີນງອກ, ຫີນ ຍ້ອຍຂະຫນາດໃຫຍ່, ມີນ້ຳຕົກພາຍໃນ, ມີໂຄ້ງ ແມ່ນ້ຳ, ຫາດຊາຍ, ແກ້ງຫີນ ແລະ ຄວາມຫລາກຫລາຍທາງຊີວະພາບອື່ນໆທີ່ເຊື່ອງຊ້ອນ.




ຊາວບ້ານໄດ້ໃຊ້ຖ້ຳນ້ຳລອດແຫ່ງນີ້ເປັນເສັ້ນທາງຄົມມະນາຄົມມາຊ້ານານ ກ່ອນການທ່ອງທ່ຽວມາ ເຖິງ ເນື່ອງຈາກຫມູ່ບ້ານນາຕານ ເຊິ່ງມີທີ່ຕັ້ງຢູ່ອີກຟາກຂອງປາກຖ້ຳນັ້ນບໍ່ມີຖະຫນົນເຂົ້າອອກ ເນື່ອງຈາກຖືກປິດລ້ອມດ້ວຍສາຍພູຫີນ ບູນທີ່ສູງຊັນ ດັ່ງນັ້ນຊາວບ້ານຈິ່ງຕ້ອງໃຊ້ເຮືອຫາງຍາວເປັນພາຫະນະໃນການເດີນທາງສູ່ໂລກພາຍນອກເປັນໄລຍະທາງກວ່າ 7 ກິໂລແມັດ.



ການເດີນທາງສາມາດຕໍ່ລົດສອງແຖວຈາກທ່າແຂກ (ຄິວລົດຫລັກ2) ຂຶ້ນໄປທາງເລກທີ 13ໃຕ້ສູ່ບ້ານທາງແບ່ງຈາກບ້ານທາງ ແບ່ງໃຫ້ຕໍ່ລົດສອງແຖວສາຍທາງແບ່ງຫລັກຊາວບອກຄົນຂັບວ່າລົງບ້ານນາຫີນ. ຈາກບ້ານນາຫີນສາມາດຂີ່ລົດສອງແຖວໄປຍັງຖ້ຳໂດຍ ກົງໃຊ້ເວລາທັງຫມົດປະມານ 4-5 ຊົ່ວ ໂມງ (ໄລຍະທາງເກືອບ 200ກິໂລແມັດຈາກທ່າແຂກ).

ຂ່າວ: ແຂວງຄຳມ່ວນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






loading...

No comments

Powered by Blogger.