Header Ads

ເຮືອຊ່ວງສະຫະພັນແມ່ຍີງບ້ານປາກຄອນຍັງຮັກສາແຊ້ມໄດ້ໃນການແຂ່ງຂັນຊ່ວງເຮືອເພດຍີງທີ່ແມ່ນໍ້ານານ




ເປັນປະຈຳທຸກປີທີ່ຊາວເມືອງນານ ແຂວງຫລວງພະບາງ ໄດ້ຈັດການແຂ່ງຂັນຊ່ວງເຮືອ ເນື່ອງໃນໂອກາດບຸນອອກພັນສາປະວໍລະນາ ໂດຍຈັດຂື້ນເປັນເວລາ 2 ວັນ ຄືມື້ແຮມ 14 ຄໍ່າ ແລະ 15 ຄໍ່າຂອງເດືອນ 11 ປີນີ້ກົງກັບວັນທີ່ 4 ແລະ ທີ່ 5 ຂອງເດືອນຕຸລາ, ສະເພາະ ວັນທີ່ 4 ແມ່ນເປັນການແຂ່ງຂັນຊ່ວງເຮືອເພດຍີງ ປີນີ້ ມີເຮືອເຂົ້າແຂ່ງຂັນ 14 ລໍາ ມາຈາກບັນດາບ້ານ ແລະ ສໍານັກງານອ້ອມຂ້າງເມືອງ ຜ່ານການແຂ່ງຂັນຢ່າງສະນັ່ນຝົດຝື້ນຕາມແຄມຟັ່ງແມ່ນໍ້ານານຜົນປະກົດວ່າ ເຮືອຊ່ວງບ້ານຄົກຕົມ ຍັງບໍສາມາດເອົາຊະນະເຮືອຊ່ວງບ້ານປາກຄອນແຊ້ມເເກົ່າໄດ້ ໄດ້ເປັນຮອງຊະນະເລີດຄືກັບປີຜ່ານມາ ສະຫຼຸບຜົນການແຂ່ງຂັນບ້ານປາກຄອນຍັງຮັກສາແຊ້ມໄດ້ ຄອງຊະນະເລີດອີກຕື່ມສະໄໝໃນການແຂ່ງຂັນປີນີ້ ໄດ້ຮັບຂັນ 1 ໜ່ວຍ ພ້ອມເງີນສົດ 3.000.000 ກີບ, ຮອງຊະນະເລີດ ບ້ານຄົກຕົມ ໄດ້ຮັບຂັນ 1 ໜ່ວຍພ້ອມເງີນສົດ 2.000.000 ກີບ, ທີ່ 3 ບ້ານນາເລົາ ໄດ້ຮັບຂັນ 1 ໜ່ວຍພ້ອມເງີນສົດ 1.500.000 ກີບ, ທີ່ 4 ບ້ານຫາດຊາຍຄຳ ໄດ້ຮັບເງີນສົດ 1.200.000 ກີບ ນອກນັ້ນ ແມ່ນໄດ້ຮັບລາງວັນຊົມເຊີຍຕາມລຳດັບ. 


ໃຫ້ກຽດຂື້ນມອບລາງວັນ ໂດຍທ່ານ ສີວອນ ວົງຄຳຈັນ ເຈົ້າເມືອງໆນານພ້ອມດ້ວຍຄະນະ. ສຳລັບວັນທີ່ 5 ເປັນການແຂ່ງຂັນເຮືອຊ່ວງເພດຊາຍ ເຊີ່ງປີນີ້ມີເຮືອເຂົ້າຮ່ວມແຂ່ງຂັນເຖີງ 36 ລຳ ມາຈາກບັນດາບ້ານ, ເມືອງອ້ອມຂ້າງ ແລະ ສຳນັກງານອົງການອ້ອມຂ້າງເມືອງ ການແຂ່ງຂັນແມ່ນດຳເນີນໃນຮູບແບບພົບກັນໝົດພາຍໃນສາຍ ຈາກນັ້ນຂັດເລືອກເອົາເຮືອທີ່ໄດ້ຄະແນນດີ ຜ່ານເຂົ້າໄປຫຼີ້ນໃນຮອບຕໍ່ໄປຈົນເຖີງຮອບຊີງຊະນະເລີດ ພິທີ ທ່ານ ບຸນທີ ມະນີວົງ ຮອງງເຈົ້າເມືອງໆນານ ໄດ້ກ່າວເປີດການແຂ່ງຂັນວ່າ ການແຂ່ງຂັນຊ່ວງເຮືອທີ່ເມືອງນານ ໄດ້ຈັດຂື້ນເພື່ອເປັນການສະເຫຼີມສະຫຼອງການເກັບກ່ຽວຜົນຜະລິດ ທັງເປັນການເສີມຂະຫຍາຍວັດທະນະທຳອັນດີງາມຂອງທ້ອງຖີ່ນໃໃຫ້ກ້ວາງຂວາງ ໂອກາດນີ້ ທ່ານໄດ້ຮຽກຮ້ອງໃຫ້ທຸກພາກສ່ວນ ຈົ່ງພ້ອມກັນປະກອບສ່ວນເຮັດໃຫ້ການແຂ່ງຂັນມີຜົນສຳເລັດຕາມຄາດໝາຍ
ນອກຈາກການແຂ່ງຂັນຊ່ວງເຮືອແລ້ວ ອົງການປົກຄອງບ້ານສີມຸງຄຸນເຈົ້າພາບ ໄດ້ຈັດໃຫ້ມີການແຂ່ງຂັນຕີກອງຍາວ ໃນຄໍ່າຄືນຂອງວັນທີ່ 4 ຕຸລາຕື່ມອີກ. ໃຫ້ກຽດເຂົ້າຮ່ວມຊົມການແຂ່ງຂັນຊ່ວງເຮືອໃນປີນີ້ ໂດຍມີທ່ານ ປອ ບົວຄົງ ນາມມະວົງ ຮອງເຈົ້າແຂວງຫຼວງພະບາງ ພ້ອມດ້ວຍການນຳຂອງແຂວງ, ເມືອງ, ແຂກທັງພາຍໃນ ແລະ ຕ່າງປະເທດ ຕະຫຼອດຮອດມວນຊົນຮ່ວມຊົມຮ່ວມເຊຍຕາມແຄມຝັ່ງແມ່ນໍ້ານານ.




ຂ່າວ ພາບ: ອາພຸດເດດ ບຸບຜາ (ວິທະຍຸກະຈາຍສຽງແຫ່ງຊາດ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.