Header Ads

ເມືອງເງິນ ຈັດພິທີໂຮມຊຸມນຸມສະເຫຼີມສະຫຼອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ



ພິທີດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 28 ກັນຍາ 2017ນີ້ ຢູ່ທີ່ເດີນກິລາຂອງເມືອງເງິນ ແຂວງໄຊຍະບູລີ ມີຄະນະປະຈຳພັກເມືອງ ກຳມະການພັກເມືອງ, ຫົວໜ້າຫ້ອງການ, ກຳລັງປະກອບອາວຸດ, ພະນັກງານຫຼັກແຫຼ່ງຂອງເມືອງ, ພະນັກງານປະຕິວັດອາວຸໂສບຳນານ, ຄະນະສາມາຄົມຄົນພິການ, ຜູ້ອາຍຸສູງ, ບໍລິສັດ ລັດວິສາຫະກິດ, ຜູ້ປະກອບການອອ້ມຂ້າງຕະຫຼອດຮອດນັກຮຽນເຂົ້າຮ່ວມຢ່າງຫຼວງຫຼາຍ.

          ພິທີສະເຫຼີມສະຫຼອງ ວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງຄັ້ງນີ້ ທ່ານ ທອງມີ ໄຊຊະນະຫົວໜ້າຫ້ອງການ ແຮງງານສະຫວັດດີການສັງຄົມເມືອງ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຄົນພິການແຫ່ງຊາດ ແລະ ວັນສາກົນຜູ້ອາຍຸສູງປະຈຳປີ 2017 ຜ່ານມາ ແມ່ນໄດ້ເອົາໃຈໃສ່ໂຄສະນາສຶກສາອົບຮົມການເມືອງແນວຄິດ ໃຫ້ຄົນພິການ ແລະ ຜູ້ອາຍຸສູງ ໂດຍໄດ້ສ້າງໂອກາດ ແລະ ຊຸກຍູ້ໃຫ້ພວກເພີ່ນໄດ້ເຂົ້າຮໍ່າຮຽນ ແລະ ເຊື່ອມຊືມແນວທາງນະໂຍບາຍຂອງພັກ-ລັດວາງອອກແຕ່ລະໄລຍະ ແລະ ເປັນແບບຢ່າງທີ່ດີໃຫ້ແກ່ຄົນລຸ້ນໜຸ່ມເປັນຜູ້ສືບທອດ  ທັງເປັນຜູ້ນຳພາເຕົ້າໂຮມຄວາມສາມັກຄີ ປະຊາຊົນບັນດາເຜົ່າ ເຂົ້າຮ່ວມພະລະກິດປະຕິວັດໃນການປະກອບສ່ວນ ປົກປັກຮັກສາ ແລະ ພັດທະນາປະເທດຊາດໂດຍຕະຫຼອດມາ, ທົ່ວເມືອງມີ ຜູ້ອາຍຸສູງທັງໝົດ: 638 ຄົນ, ຍິງ 327ຄົນ. ໄດ້ຈັດຕັ້ງເປັນກຸ່ມຜູ້ອາຍຸສູງໄດ້ແລ້ວ10 ບ້ານ ໄດ້ພ້ອມກັນສ້າງກອງທືນຊ່ວຍເຫຼືອເຊິ່ງ ແລະ ກັນ ຜູ້ອາຍຸສູງໄດ້ 10.000.000 ກີບ 

          ຈາກນັ້ນ ທ່ານສອນ ສຸກພວງແກ້ວ ຮອງເລຂາພັກເມືອງ, ຮອງເຈົ້າເມືອງທັງເປັນປະທານຈັດງານສະເຫຼີມສະຫຼອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ ໄດ້ຂຶ້ນກ່າວຕໍ່ພິທີສະເຫຼີມສະຫຼອງ ເເຕ່ລະປີພັກ ແລະ ລັດຖະບານລາວພວກເຮົົາ ໄດ້ຖືເອົາວັນທີ 27 ກັນຍາ ເປັນວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ ແມ່ນວັນທີ 1 ຕຸລາ  ເພື່ອເປັນການລະນຶກ ແລະ ຟື້ນຟູບຳບັດ, ພັດທະນາຄົນພິການ, ຜູ້ອາຍຸສູງທີ່ມີຄຸນງາມຄວາມດີຕໍ່ປະເທດຊາດ.
          ຕອນທ້າຍ ກໍ່ໄດ້ຊົມການສະແດງສິນລະປະວັນນະຄະດີ, ນຳພາຜູ້ອາຍຸສູງຫັດກາຍບໍລິຫານ ແລະ ກວດສຸຂະພາບຟຣີໃຫ້ຜູ້ອາຍູສູງອີກດ້ວຍ.
ໂດຍ: ສຸລິຍາ ແສງເດືອນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.