Header Ads

ມສ ບ້ານທອງ ເມືອງເງິນ ຈັດການແຂ່ງຂັນກິລາໂຮງຮຽນ


ຕອນບ່າຍຂອງວັນທີ່ 19 ຕຸລາ 2017 ນີ້ຢູ່ທີ່ໂຮງຮຽນ ມສ ບ້ານທອງ ເມືອງເງິນ ແຂວງ ໄຊຍະບູລີ ຈັດການແຂ່ງຂັນກິລາໂຮງຮຽນ, ເຂົ້າຮ່ວມເປັນກຽດ ມີທ່ານ ພັດ ບົວສະຫວັນ ຮອງຫົວໜ້າຫ້ອງການສຶກສາທິການ ແລະ ກິລາ, ມີອຳນວຍການໂຮງຮຽນ,ຄູອາຈານ, ແຂກຖຶກເຊີນ,ຕະຫລອດຮອດນ້ອງນັກຮຽນເຂົ້າຮ່ວມຢ່າງຫຼວງຫຼາຍ.




ໃນພິທີກໍ່ໄດ້ເຄື່ອນກ້ອນກຳລັງເຂົ້າສູ່ສະໜາມ ນັບແຕ່ຊັ້ນ ມ 1 ຮອດ ມ 7, ແຕ່ລະກ້ອນກຳລັງໄດ້ນຸ່ງເຄື່ອງທີ່ມີຫຼາຍສີສັນແຕກຕ່າງກັນ ແລະ ສວຍງາມ ຈາກນັ້ນ ທ່ານ ອາຈານ ຄຳພັດ ອິນທະວົງ ຮອງອຳນວຍການໂຮງຮຽນ ມສ ບ້ານທອງ ໄດ້ກ່າວເປີດການຈັດການແຂ່ງຂັນກິລາຂອງໂຮງຮຽນຂຶ້ນຢ່າງເປັນທາງການ ເພື່ອເປັນການສ້າງຂະບວນການ ແລະ ຜົນງານໄວ້ ຄຳນັບຮັບຕ້ອນວັນຊາດທີ່ 2 ທັນວາ ຄົບຮອບ 42 ປີທີ່ຈະໜູນວຽນມາບັນຈົບຄົບຮອບອີກວາລະໜຶ່ງ ທັງເປັນການເຕົ້າໂຮມຄວາມສາມັກຄີ ກໍ່ຄືແຜນການເຄື່ອນໄຫວ ກິດຈະກຳ ຂອງໂຮງຮຽນ   ທັງເປັນການຊຸກຍູ້ສົ່ງເສີມ ໃຫ້ເຍົາວະຊົນ-ຊາວໜຸ່ມ  ຫັນມາຫຼິ້ນກິລາເພື່ອສຸຂະພາບ ໃຊ້ເວລາຫວ່າງໃຫ້ເປັນປະໂຫຍດ ຫຼີ້ນກິລາເພື່ອໃຫ້ຫ່າງໄກຈາກຢາເສບຕິດ ແລະ ສິ່ງມືນເມົາຕ່າງໆ ທັງເປັນການຄັດເລືອກເອົາຕົວນັກກິລາທີ່ມີພອນສະຫວັນ, ມີຝີມື ແລະ ທັກສະໃນການຫຼິ້ນກິລາ ແຕ່ລະປະເພດ ເຂົ້າມາເປັນຕົວແທນນັກກິລາຂອງໂຮງຮຽນ ເພື່ອກະກຽມຄວາມພ້ອມການແຂ່ງຂັນກິລາ ລະຫວ່າງໂຮງຮຽນກັບໂຮງຮຽນ ກິລາປະຈຳປີຂອງເມືອງ ແລະ ຂອງແຂວງ. ກິລາທີ່ນຳມາແຂ່ງຂັນໃນຄັ້ງນີ້ມີ 5 ປະເພດຄື: ບານເຕະ ຍິງ-ຊາຍ, ບານສົ່ງ ຍິງ-ຊາຍ, ກະຕໍ້ ຊາຍ, ແລ່ນ 100 ແມັດຍິງ-ຊາຍ, ແລະ ກິລາພື້ນເມືອງ,  ຕອນທ້າຍກໍ່ໄດ້ຊົມການແຂ່ງຂັນກິລາບານເຕະຍິງ ຄູ່ເປີດສະໜາມລະຫວ່າງ ຊັ້ນ ມ 6 ພົບກັບ ຊັ້ນ ມ 7.

ໂດຍ: ອິນແປງ ແຫວນຄຳ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.