Header Ads

ປັດຈຸບັນ 11 ບ້ານຂອງເມືອງວຽງຄຳໄດ້ຮັບຜົນກະທົບຈາກຝຸງຕັກແຕນໄມ້ປ່ອງ



ແຂວງຫຼວງພະບາງ : ໃນວັນທີ 25 ກັນຍາ 2017 ຜ່ານມານີ້ ທ່ານ ສີວອນ ສອນມະນີ ຫົວໜ້າຫ້ອງການກະສິກຳ ແລະ ປ່າໄມ້ເມືອງວຽງຄຳ ແຂວງຫຼວງພະບາງ ໄດ້ລາຍງານໃຫ້ຮູ້ວ່າ: ການແກ້ໄຂ ແລະ ຕອບຕ້ານການແຜ່ລາມຂອງຕັກແຕນໄມ້ປ້ອງ ໃນສົກ 2017 ນີ້.ເຊິ່ງນັບແຕ່ຕົ້ນເດືອນເມສາເປັນຕົ້ນມາ ຕັກແຕນຝຸງໄດ້ປ່ອງ ໄດ້ລະບາດຢູ່ 48 ບ້ານໃນເບື້ອງຕົ້ນ ແຕ່ເຖິງວ່າຈະມີການລະບາດຫຼາຍກໍ່ຕາມ ແຕ່ຍ້ອນຄວາມເອົາໃຈໃສ່ຂອງອົງການປົກຄອງເມືອງ ແລະ ພາກສ່ວນຕ່າງ ຕະຫຼອດຮອດປະຊາຊົນບັນດາເຜົ່າໃນທົ່ວເມືອງ ໄດ້ສົມທົບ ແລະ ຊ່ວຍກັນປາບ ເຮັດໃຫ້ຝູງຕັກແຕນໄດ້ສູນພັນໄປຈຳນວນໜຶ່ງ. ມາຮອດຕົ້ນເດືອນກັນຍາ 2017 ນີ້ ຝຸງຕັກແຕນໄມ້ປ່ອງເລີ່ມມີການລະບາດຄືນໃໝ່ ປັດຈຸບັນເລີ່ມບິນ ແລະ ຈັບຄູ່ໃນທົ່ວເມືອງ. 


ອິງໃສ່ການສຳຫຼວດ ແລະ ເກັບຂໍມູນຕົວຈິງຂອງໜ່ວຍງານປູກຝັງ ໃນຕົ້ນເດືອນກັນຍານີ້ ເຫັນວ່າມີຝຸງແຕກແຕນລະບາດຢູ່ 5 ກຸ່ມຄື: ກຸ່ມບ້ານແສ້, ກຸ່ມສາມຕົ້ນ, ກຸ່ມເມືອງຫ້ວຍ, ກຸ່ມສາມສຸມ ແລະ ກຸ່ມມົກຄະ ມີ 11 ບ້ານຄື: ບ້ານພອນແກ້ວ, ຫ້ວຍມອນ, ອົມບຼົງ, ພູກາງ, ຫ້ວຍເຈະ, ຫ້ວຍຍາວ, ສາມຕົ້ນ, ດອນແກ້ວ, ຫ້ວຍທອງ ແລະ ມົກຈະລິ ມີທັງໝົດ 446 ຄອບຄົວ, ມີເນື້ອການກະຜະລິດຖືກກະທົບ ແລະ 342 ກວ່າເຮັກ. ປັດຈຸບັນອຳນາດການປົກຄອງເມືອງ ໄດ້ສົມທົບກັບພາກສ່ວນທີກ່ຽວຂ້ອງ ແລະ ພໍ່ແມ່ຊາຊົນບ້ານທີຖືກທົບ ສຸມໃສ່ປາບ ຄາດວ່າການປາບຝຸງຕັກແຕນໄມ້ປ່ອງ ແມ່ນຈະໃຫ້ສຳເລັດໃນເດືອນທັນວານີ້. 



ທ່ານ ສີວອນ ສອນມະນີ ຫົວໜ້າຫ້ອງການກະສິກຳ ແລະ ປ່າໄມ້ ເມືອງວຽງຄຳ ໃຫ້ຮູ້ຕື່ມວ່າ: ການລະບາດຂອງຕັກແຕນແມ່ນເລີ່ມຕົ້ນແຕ່ປີ 2014 ເຊິ່ງແຕ່ລະປີໄດ້ການເພີ່ມຂຶ້ນ. ແຕ່ເຖິງໃດກໍ່ຕາມທາງອຳນາດການປົກຄອງເມືອງໄດ້ສົມທົບກັບພະແນການຂອງແຂວງ, ກະຊວງທີກ່ຽວຂ້ອງ ແລະ ປະຊາຊົນໃນທົ່ວເມືອງ ພ້ອມກັນສຸມໃສ່ຊ່ວຍກັນແກ່ໄຂ ແລະ ປາບດ້ວຍວີທີການຕ່າງໆເຊັ່ນ: ການປາບແບບທຳມະຊາດ, ການໃຊ້ຢາຊິດ ແລະ ວີທີການເກັບຊື້ ( ໂຕອ່ອນ, ໂຕ່ແກ່ ) ຜ່ານການຈັດຕັ້ງປະຕິບັດເຫັນວ່າມີຜົນສຳເລັດຫຼາຍພໍສົມຄວນໃນແຕ່ລະປີ. ແຕ່ເຖິງຢ່າງໃດກໍ່ຕາມຜ່ານການຈັດຕັ້ງປະຕິບັດໄລຍະຜ່ານມາກໍ່ມີຂໍສະດວກ ແລະ ຂໍ້ຫຍຸ້ງຍາກຫຼາຍດ້ານເປັນຕົ້ນແມ່ນຂໍສະດວກ ຍ້ອນທຸກພາກສ່ວນ ແມ່ນໄດ້ເອົາໃຈໃສ່ຢ່າງໃກ້ສິດ, ພ້ອມທັງໃຫ້ທິດຊີ້ນຳ ແລະ ສະໜອງອຸປະກອນ, ພະຫະນະ, ຢາປາບ ແລະ ງົບປະມານໃນການລົງຊິດຢາ ນອກນີ້ ຍັງມີ ສປ ຈີນໃຫ້ຊ່ວຍເຫຼືອຕື່ມອີກ. ສຳລັບຂໍ້ຫຍຸງຍາກ ເປັນຕົ້ນແມ່ນ ພື້ນທີເປັນພື້ນທີ່ສູງຊັນ, ຕັກແຕນລະບາດແມ່ນຢູ່ຫ່າງໄກ, ຢູ່ຍອດຫ້ວຍແຫຼ່ງນ້ຳ, ຢູ່ປ່າເລີກ, ອຸປະກອບຮັບໃຊ້ບໍທັນເໝາະສົມ ແລະ ມີຈະນວນພົນໜ້ອຍ ຈຶ່ງໄດ້ໃຫ້ການປາບຕັກແຕນບໍ່ປະສົບຜົນສຳເລັດເທົ່າທີຄວນ.




ທ່ານ ສີວອນ ສອນມະນີ້ ຍັງໄດ້ຮຽກຮ້ອງໃຫ້ທຸກພາກ ແລະ ປະຊາຊົນບັນດາເຜົ່າຈົ່ງພ້ມກັນໃຫ້ການຮ່ວມມື ຖ້າພົບເຫັນຈຸດໃດເກີດມີການລະບາດໃຫ້ແຈ້ງຕໍ່ເຈົ້າໜ້າທີ່ ທີກ່ຽວຂ້ອງ ແລະ ຫ້ອງການກະສິກຳ ແລະ ປ່າໄມ້ ເມືອງວຽງຄຳ ດ່ວນເພື່ອຊ່ວຍກັນແກ້ໄຂໃຫ້ທັນເວລາ.

ຂ່າວ: ເພັດສາຄອນ ສິມມະວົງ (ຂ່າວສານຫຼວງພະບາງ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.