Header Ads

ມືປືນ ຄາດຕະກໍານັກທຸລະກິດຈີນ ໜ້າຫ້າງສີໃຄ ພລາຊາ ຖີ້ມລົດຈັກ ແລະ ໝວກກັນນ໋ອກ ໄວ້ເຂດເກົ້າລ້ຽວ!


ນະຄອນຫຼວງວຽງຈັນ: ເຈົ້າໜ້າທີ ອັບເດດການຕິດຕາມ ມືປືນ ຂ້ານັກທຸລະກິດ ຈີນເສຍຊີວິດ ຄາທີໜ້າຫ້າງສີໃຄພາຊາ ໃນວັນເສົາທີ 7 ຕຸລາ 2017 ໃຫ້ຮູ້ວ່າ. ພາຍຫຼັງການກວດສອບເບາະແສ ແລະ ຕິດຕາມລົດຈັກທີ່ຕ້ອງສົງໄສ. ທາງເຈົ້າໜ້າທີ່ໄດ້ຮັບແຈ້ງຈາກປະຊາຊົນ ໃນວັນອາທິດ ທີ 8 ຕຸລາ 2017 ວ່າມີລົດຈັກ ຖືກຖິ້ມໄວ້ກອງແຮ່ຊາຍ ໃກ້ກັບ ໂຮງແຮມ ແມ່ຂອງບິສ,​ ທາງໄປເກົ້າລ້ຽວ ເມືອງສີໂຄດຕະບອງນະຄອນຫຼວງວຽງຈັນ ເຊິ່ງບໍ່ໄກ ຈາກຫ້າງສີໃຄ ພລາຊາ ປານໃດ.

ລົດຖືກຖິ້ມປະໄວ້ ໃກ້ກັບໂຮງໂມ້ຂອງລົດໂມ້ປູນ ແລະ ໃກ້ຄຽງ ພົບເຫັນ ໝວກກັນນ໋ອກ . 

ເຈົ້າໜ້າທີ່ໃຫ້ຮູ້ວ່າ ຖ້າຄົນຮ້າຍຂ້າມຂອງໄປ ກໍ່ຈະເຮັດໃຫ້ການຕາມຕົວຍາກຂຶ້ນ,​ ເຊິ່ງຈະຕ້ອງໄດ້ ປະສານງານໄປຫາເຈົ້າໜ້າທີ ປະເທດໄທຕໍ່ໄປ ໃນການຕິດຕາມຕົວຄົນຮ້າຍ. ແຕ່ກໍ່ຍັງບໍ່ທັນຢືນຢັນວ່າ ການທີ່ມືປືນເອົາລົດມາຖິ້ມໃກ້ເຂດນໍ້າຂອງແບບ ແລ້ວຂ້າມຂອງໄປແລ້ວຫຼືບໍ່.


ອີກເທື່ອໜື່ງ ເປັນກຳລັງໃຈ ແກ່ເຈົ້າໜ້າທີ່ລາວ ຕາມລ່າມືປືນມາລົງໂທດ ໃຫ້ໄດ້.









ຂ່າວກ່ອນໜ້ານີ້


ນະຄອນຫຼວງວຽງຈັນ: ລາຍງານຢ່າງບໍ່ເປັນທາງການ ຈາກເຈົ້າໜ້າທີ່ ສືບສວນ ຄະດີ ຄາດຕະກຳ ນັກທຸລະກິດຈີນ ເຈົ້າຂອງຫ້າງ ສີໃຄ ພາຊາ ໃນເຊົ້າວັນທີ 7 ຕຸລາ 2017 ຜ່ານມາ. ຫຼ້າສຸດ ເຈົ້າໜ້າທີ່ກວດສອບກ້ອງວົງຈອນປິດເຂດໃກ້ຄຽງ ພົບເບາະແສ ມືປືນ ສອງຄົນ ທີ່ໃຊ້ ລົດຈັກ ເປັນພາຫະນະ ປົກປິດໃບໜ້າ.

ເຊິ່ງທາງເຈົ້າໜ້າທີ່ຈະຕາມຈັບຕົວມາໃຫ້ໄວ້ທີ່ສຸດ ແລະ ຈະສືບສວນຫາຜູ່ບົງການຕໍ່ໄປ.
ການສັນນິຖານເບື້ອງຕົນ ຂອງການຄາດຕະກຳຄາດວ່າ ເກີດຈາກຄວາມຄັດແຍ່ງທາງດ້ານທຸລະກິດ.

ຂໍເປັນກຳລັງໃຈແກ່ເຈົ້າໜ້າທີ່ ຕາມຕົວຄາດຕະກອນ ມາລົງໂທດ ຕໍ່ໄປ.




ອ່ານຂ່າວກ່ອນໜ້ານີ້



ນະຄອນຫຼວງວຽງຈັນ: ຈາກເຫດການຍິງກັນເສຍຊີວິດ 1 ຄົນທີ່ໜ້າຫ້າງ ສີໃຄ ພລາຊາ ໃນຕອນເຊົ້າ ວັນທີ 7 ຕຸລາ 2017, ແຫຼ່ງຂ່າວຫຼ້າສຸດລາຍງານເຫດການຖືກຍິງທີ່ ຜູ້ເສຍຊີວິດແມ່ນນັກທຸລະກິດຊາວຈີນທີ່ມາດຳເນີນທຸລະກິດຢູ່ລາວຫຼາຍສິບປີແລ້ວ, ຊຶ່ງເພິ່ນເປັນປະທານກຸ່ມບໍລິສັດອາຊຽນວຽງຈັນ ກຣຸບຖືກຍິງ 9 ນັດຈິ່ງເສຍຊີວິດຄາທີ່ ໃກ້ລົດເພິ່ນເອງ.

ພະນັກງານທີ່ເຮັດວຽກຢູ່ ສີໃຄພລາຊາ ໄດ້ໃຫ້ຂໍ້ມູນວ່າ: ເຊົ້າວັນທີ 7 ຕຸລາ 2017 ນີ້ ໄດ້ມາວຽກຕອນເຊົ້າ ແລະ ໄດ້ພົບເຫັນປະທານ ຊື່ ທ້າວ ຊູ ອາຍຸ 60 ປີ ເຮັດທຸລະກິດຢູ່ລາວ ໄດ້  ຫຼາຍສິບປີ ຖືກຍິງ 9 ນັດ ຕາຍຄາທີ  ໜ້າຫ້າງຊັບພະສິນຄ້າ ສີໃຄ ພລາຊາ ຢູ່ບ້ານ ນາແຮ່ ເມືອງສີໂຄດຕະບອງ ນະຄອນຫລວງວຽງຈັນ.


ສ່ວນສາເຫດ ແລະ ແຮງຈູງໃຈ ການຄາດຕະກຳຄັ້ງນີ້ ທາງເຈົ້າໜ້າທີ່ ກ່ຽວຂ້ອງຈະເລັ່ງກວດສອບ ແລະ ຕາມຈັບ ຄາດຕະກອນ ຕໍ່ໄປ.

ນີ້ເປັນເຫດສະເທືອນຂວັນ ທີ່ເກີດຂຶ້ນໃນນະຄອນຫຼວງວຽງຈັນ ກັບເຫດ ຄາດຕະກຳ ເພາະກ່ອນໜ້ານີ້ ໃນວັນທີ 1​ ກັນຍາ 2017​ ກໍ່ເກີດເຫດ ຄາດຕະກຳ ສອງສົບ ທີ່ບ້ານສາລາຄຳ ເມືອງຫາດຊາຍຟອງ,​ ເຊິ່ງຍັງບໍ່ທັນໄດ້ຂໍ້ມູນ ຜູ່ກໍ່ເຫດ.

ເປັນກຳລັງໃຈ ໃຫ້ເຈົ້າໜ້າທີ່ຕາມເອົາຄົນຮ້າຍມາລົງໂທດຕາມກົດໝາຍ.

ຂ່າວກ່ອນໜ້ານີ້


ນະຄອນຫຼວງວຽງຈັນ: ລາຍງານຈາກປະຊາຊົນ ໃຫ້ຮູ້ວ່າ ໃນຕອນເຊົ້າ ວັນທີ 7 ຕຸລາ 2017 ເກີດເຫດ ຍິງກັນເສຍຊີວິດ ທີ່ຫ່້າງ ເຂດບ້ານສີໃຄ ເມືອງສີໂຄດຕະບອງ, ນະຄອນຫຼວງວຽງຈັນ.

ທີ່ເກີດເຫດ ມີຊາຍນອນເສຍຊີວິດ ຢູ່ໃກ້ລົດ ຈີບ ສີດຳ.

ປະຈຸບັນທາງເຈົ້າໜ້າທີ່ ກຳລັງກວດສອບທີ່ເກີດເຫດ ແລະ ສືບສວນ ເຖິງເຫດຄາດຕະກຳຄັງນີ້. ຄວາມຄືບໜ້າຈະລາຍງານໃຫ້ທຸກທ່ານຊາບຕື່ມ.

ພາບແລະຂ່າວ: ນັກຂ່າວສັນຈອນ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








loading...

1 comment:

  1. ການກໍ່ເຫດຄາດຕະກຳແລະກໍ່ເຫດປຸ້ນຊີ້ງຊັບ ຢູ່ລາວທຸກກໍລະນີຍັງບເຄີຍມີຂ່າວວ່າຈັບຕົວຜູ້ກໍ່ເຫດໄດ້ຈັກເທື່ອເລີຍ ສະແດງໃຫ້ັນເຖີງຄວາມບໍ່ເອົນຈີງເອົາຈັງຂອງເຈົ້າຫນ້າທີ່ໃນປະຈຸບັນ ເມື່ອທຽບກັບຕອນປົດຍໃຫມ່ເຫັນວ່າບ້ານເມືອງມີຄວາມສະຫງົບກ່ວານີ້ຫລາຍເທົ່າ .

    ReplyDelete

Powered by Blogger.