Header Ads

ພິທີມອບ-ຮັບ ອາຄານສູນຝືກອົບຮົມ ໃຫ້ແກ່ໂຄງການເກັບກູ້ລະເບີດແຫ່ງຊາດ ຄກລ ( UXO Lao)



ໃນວັນທີ 12 ຕຸລາ 2017ນີ້, ທີ່ສູນຝືກອົບຮົມ ( ຄກລ ) ບ້ານອີ່ໄລ, ເມືອງນາຊາຍທອງ ນະຄອນຫຼວງວຽງຈັນ; ໄດ້ມີພິທີມອບ-ຮັບ ອາຄານສູນຝືກອົບຮົມ ໃຫ້ແກ່ໂຄງການເກັບກູ້ລະເບີດແຫ່ງຊາດ ( UXO Lao ) ພາຍໃຕ້ ໂຄງການກໍ່ສ້າງອາຄານສູນຝືກອົບຮົມ ຄກລ ແລະ ຖ່າຍຖອດເຕັກນິກຕັດບົ່ມ ໃຫ້ແກ່ ຄກລ, ໂດຍການເປັນກຽດເຂົ້າຮ່ວມ ແລະ ກ່າວຮັບຂອງ ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ທະເກຊິ ຮິກິຮະລະ ເອກອັກຄະລັດຖະທູດ ຍີປຸ່ນ ປະຈຳ ສປປ ລາວ, ຜູ້າງໜ້າອົງການໄຈກ້າ ປະຈຳ ສປປ ລາວ, ຕາມີບັນດາຫົວໜ້າຫ້ອງການ ຄຊກລ, ອຳນວຍການ ຄກລ, ເຈົ້າເມືອງນາຊາຍທອງ, ບັນດາກົມ, ອົງການຈັດຕັ້ງພາຍໃນແລະຕ່າງປະເທດ , ພະນັກງານ ຄກລ ແລະ ແຂກຖືກເຊີນເຂົ້າຮ່ວມ.



ໂຄງການກໍ່ສ້າງອາຄານສູນຝືກດັ່ງກ່າວແມ່ນຖືກດຳເນີນໂດຍ ໂຄງການ UXO Lao ຮ່ວມກັບອົງການ JMAS ໂດຍການສະໜັບສະໜູນ ຈາກລັດຖະບານຍີປຸ່ນ , ໂຄງການແມ່ນເລີ່ມແຕ່ ປີ2014-2017 ເປັນເວລາ 3 ປີສໍາເລັດ ສູນຝືກອົບຮົມດັ່ງກ່າວ ປະກອບມີ: ອາຄານຊັ້ນດຽວ ລວມມີ 3 ຫລັງ ພາຍໃນອາຄານມີຫ້ອງຮຽນ, ຫໍພັກ, ຫ້ອງວາງສະແດງ, ຫ້ອງການສູນຝືກ, ເຮືອນຄົວ-ໂຮງອາຫານ, ຫ້ອງນ້ຳ ແລະ ສິງອຳນວຍຄວາມສະດວກອື່ນໆ, ເຊິ່ງລວມມູນຄ່າທັງໝົດ 2,59 ລ້ານໂດລາສະຫະລັດ; ອັນສຳຄັນແມ່ນໂຄງການດັ່ງກ່າວເຮັດໃຫ້ພະນັກງານ ຄກລ ຈຳນວນ 235 ຄົນ ໄດ້ຮັບການຝືກອົບຮົມຫຼັກສູດວິທີຕັດບົ່ມໄດ້ເລື່ອຍໆ . ພ້ອມນີ້ໂຄງການ ຄກລ ແລະ ອົງການເຈມັດສ ຍັງໄດ້ຮ່ວມກັນໃນການທົດລອງນຳໃຊ້ກົນຈັກທຳລາຍລະເບີດລູກຫ່ວານ ທີ່ພວມຈັດຕັ້ງປະຕິບັດຢູ່ແຂວງຊຽງຂວາງ ເປັນປີທີ 2 ແລ້ວ, ເຕັກນິກຂອງກົນຈັກນີ້ແມ່ນມີຄວາມທັນສະໄໝ ແລະ ຖືເປັນທຳອິດໃນໂລກ ທີ່ໄດ້ນຳໃຊ້ເຂົ້າໃນການທຳລາຍລະເບີດລູກຫວ່ານ ຢູ່ໃນ ສປປ ລາວ. 


ພີິທີດັ່ງກ່າວ ທ່ານ ປອ ຄຳແພງ ໄຊສົມແພງ ໄດ້ກ່າວມີຄຳເຫັນວ່າ: ໃນນາມຕາງໜ້າລັດຖະບານ ສປປ ລາວ ແລະ ໃນນາມ ຄຊກລ ຂໍສະແດງຄວາມຮູ້ບຸນຄຸນຢ່າງລົ້ນເຫຼືອ ແລະ ສະແດງຄວາມຊົມເຊີຍຢ່າງສຸດໃຈ ຕໍ່ ລັດຖະບານຍີປຸ່ນ , ປະຊາຊົນຍີປຸ່ນ, ອົງການເຈມັດສ ແລະ ເອກອັກຄະລັດຖະທູດ ຍີປຸ່ນ ປະຈຳ ສປປ ລາວ ທີ່ຍາມໃດກໍ່ໃຫ້ການຊວ່ຍເຫຼືອ ແລະ ສະໜັບສະໜູນ ສປປ ລາວ ຕະຫຼອດມາ ແລະ ຫວັງຢ່າງຍິ່ງວ່າ ລັດຖະບານຍີປຸ່ນ ຈະສືບຕໍ່ຊ່ວຍເຫຼືອ ຄກລ ໃນການຈັດຕັ້ງປະຕິບັດວຽກງານຊ່ວຍເຫຼືອ ແລະ ເອົາໃຈໃສ່ດຳເນີນໂຄງການໄດ້ຮັບຜົນສຳເລັດຕາມເປົ້າໝາຍທີ່ວາງໄວ້ ໂດຍສະເພາະ 3 ແຂວງພາກໃຕ້ ໃຫ້ມີຜົນສຳເລັດເປົ້າໝາຍ ເພື່ອເຮັດໃຫ້ຊີວິດການເປັນຢູ່ ຂອງປະຊາຊົນບັນດາເຜົ່າຂອງລາວຂອບເຂດທົ່ວປະເທດ ຊີວິດປອດໄພຈາກລະເບີດບໍ່ທັນແຕກ.


ພາບ-ຂ່າວ: ເພັດສະໄໝ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.