Header Ads

ພິທີສົມໂພດພຣະທາດຫຼວງ ແລະ ພຣະສຸວັນນະສັດທາທັມ ສຳເລັດຢ່າງຈົບງາມ


Art and Culture of Laos: ໃນຄ່ຳຄືນ ວັນສຸກ ວັນທີ່ 27/10/2017 ເລິ່ມເວລາ 18:00 - 24:00 ໂມງ ໄດ້ມີພິທີມຸທິຕາຈິດຮ່ວມຈິດ ເພື່ອສົມໂພດພຣະທາຕຸຫລວງ ແລະ ພຣະພຸທທະຮູບຄຳ (ພຣະສຸວັນນະສັດທາທັມ) ຫລັງຈາກທີ່ມີການບູຣະນະປະຕິສັງຂອນ ພຣະທາຕຸຫລັງແລ້ວ ( ບູຣະນະ ປະຕິສັງຂອນໃນຄັ້ງນີ້ ເປັນທີ 4 ໃນຮອບ 451 ປີຜ່ານມາ ເຊິ່ນນັບຈາກພຣະເຈົ້າໄຊຍະເຊດຖາທິຣາຊ ຊົງມາກໍ່ກວມເອົາພຣະທາຕຸນ້ອຍ ຈົນເປັນພຣະທາຕຸຫລວງໃຫ້ເຫັນດັງທຸກມື້ນີ້ ) ແລະ ໄດ້ມີການນຳເອົາຄຳ ທີ່ເຫລີອຈາກການໂອບ ມາຫລໍ່ເປັນພຣະພຸທທະຮູບຄຳ (ພຣະສຸວັນນະສັດທາທັມ) ເພື່ອເປັນທີ່ຣະນຶກໃນການບູຣະນະ ແລະຈະນຳເອົາປະດິດສະຖານໄວ້ທີ່ ພຣະທາຕຸຫລວງ ນີ້ ສຶບໄປ



ໃນກົມມະລຽນ ແລະລານຂອງພຣະທາຕຸຫລວງ ໃນພິທີນີ້ ໄດ້ມີ ພຣະເຖຣະ ນຸເຖຣະ ການນຳຂັ້ນສູງ ລວມທັງປະຊາຊົນຊາວພຸທທັງຫລາຍ ໄດ້ພາກັນມານັ່ງ ສູດມົນຮ່ວມກັນ ເພື່ອຄວາມຈະເຣິນງອກງາມໄພບູນ ຂອງພຸທທະສາສະໜາແລະບ້ານເມືອງໃຫ້ຜາສຸຂຮົ່ມເຢັນເປັນສຸຂຖາວອນຕະຫລອດໄປ
ແລະໃນບຸນນະມັດການພຣະທາຕຸຫລວງໃນປີນີ້ ຈະມີພິທີຂອງທາງການ ທີ່ຈະໃຊ້ເປີດເປັນພິທີຢ່າງເປັນທາງການ ໃນການທ່ອງທ່ຽວລາວ ປີ 2018 ຂຶ້ນ ເຊິ່ງເປັນນິມິດຫມາຍອັນດີຍິ່ງ ທີ່ພຣະທາຕຸຫລວງບູຣະນະແລ້ວພໍດີ ເພື່ອເປັນສິ່ງເອກອ້າງ ຂອງຄົນລາວ ທີ່ມີຕໍ່ພຣະພຸທທະສາສະໜາ ໃນແຜ່ນດິນ ສປປລາວ ແຫ່ງນີ້.


ໂດຍ: Art and Culture of Laos
ພາບໂດຍ: Anouphon Phomhacsar ແລະ Art and Culture of Laos




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.