Header Ads

ແຂວງບໍ່ແກ້ວ ໄຂກອງປະຊຸມຜູ້ບໍລິຫານການສຶກສາສົງທົ່ວປະເທດຄັ້ງທີ XIII ຢ່າງເປັນທາງການ




ກອງປະຊຸມຜູ້ບໍລິຫານການສຶກສາສົງທົ່ວປະເທດຄັ້ງທີ XIII ໄດ້ໄຂຂຶ້ນຢ່າງເປັນທາງການໃນວັນທີ 28 ພະຈິກ 2017 ນີ້ິ້ທີສະໂມສອນແຂວງບໍ່ແກ້ວ ໂດຍການເປັນປະທານຂອງທ່ານ ພຣະອາຈານໃຫຍ່ ປອ ມະຫາງອນ ດຳຣົງບຸນ ປະທານສູງກາງ ອົງການພະພຸດສາດສະໜາສຳພັນລາວ, ເຂົ້າຮວມໂດຍທ່ານ, ທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາບໍລິຫານງານພັກແຂວງ, ເຈົ້າແຂວງບໍ່ແກ້ວ, ທ່ານພຣະອາຈານ ປທ ພູສະຫວັນ ພັນທະບົວລີ ຫົວໜ້າກຳມະທິການສຶກສາສົງສູນກາງ ອົງການພຣະພຸສາສະໜາສຳພັນລາວ, ພຣະອາຈານ ຄຳເງີນ ຄຳວົງ ປະທານ ອົງການພຣະພຸດສາສະໜາສຳພັນລາວແຂວງບໍ່ແກ້ວ, ມີບັນດາຄະນະຜູ້ແທນສຶກສາສົງທົ່ວປະເທດ ແລະ ແຂກຖືເຊີນມາຈາກຕ່າງແຂວງ, ພາຍໃນແຂວງ, ມີບັນດາຄະນະປະຈໍາກະຊວງ, ກຳມະການພັກກະຊວງ, ຄະນະປະຈຳພັກແຂວງ, ກໍາມະການພັກແຂວງ, ເມືອງ, ຫົວໜ້າພະແນກຂະແໜງການອ້ອມຂ້າງທີ່ກ່ຽວຂ້ອງເຂົ້າຮ່ວມ.




 
ຈຸດປະສົງຂອງກອງປະຊຸມຄັ້ງນີ້ແມ່ນເພຶື່ອເປັນການຈັດຕັ້ງປະຕິບັດຜັນຂະຫາຍມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ສະໄໝທີ VI ຂອງອົງການພຣະພຸດສາສະໜາສຳພັນລາວ ທັງເປັນການຕີລາຄືນເຖິ່ງຜົນສຳເລັດຂອງການຈັດຕັ້ງປະຕິບັດ ມະຕິກອງປະຊຸມຜູ້ບໍລິຫານການສຶກສາສົງທົ່ວປະເທດ ຄັ້ງທີ XII ໄດ້ຈັດຂື້ນທີວິທະຍາໄລສົງແຂວງຈຳປາສັກ ສົກຮຽນ 2016 – 2017 ພ້ອມນີ້ກໍ່ໄດ້ຄົ້ນຄ້ວາສົນທະນາແລກປ່ຽນຄວາມຄິດຄໍາເຫັ່ນເຊິ່ງກັນ ແລະ ກັນເພື່ອຍົກໃຫ້ເຫັ່ນບັນຫາອັນພົ້ນເດັ່ນທີມີຢູ່ໃນແຕ່ລະທ້ອງຖິ່ນ ເພື່ອຖອດຖອນບົດຮຽນ ແລະ ຂໍ້ຄົງຄ້າງຕ່າງໆທີ່ຈະຕ້ອງຮ່ວມກັນແກ້ໄຂ ເພື່ອຮັບຮອງເອົາທິດທາງ ແລະ ແຜນການ 2017 – 2018 ນຳໄປຈັດຕັ້ງຜັນຂະຫຍາຍເຮັດໃຫ້ມີຄວາມເອກະພາບ, ສອດຄອງກັບສະພາບຄວາມເປັນຈິງຂອງແຕ່ລະຂະແໜງການສຶກສາສົງໃນປະຈຸບັນ.


 
ທ່ານ ອາຈານ ສົມຊາຍ ຈັນທະວົງ ຫົວໜ້າຫ້ອງການສຶກສາສົງສູນກາງຂຶ້ນຜ່ານບົດສະຫຼຸບໃນການເຄື່ອນໄຫວຈັດຕັ້ງໃນໄລຍະຜ່ານມາອັນຜົນເດັ່ນເປັນຕົ້ນແມ່ນເປັນວຽກງານການສຶກສາສົງຕອນຕົ້ນໃນສົກປີ 2016 – 2017 ສາມາດຈັດຕັ້ງປະຕິບັດແຜນພັດຖະນາການສຶກສາໂຮງຮຽນສາມັນສຶກສາສົງຕອນຕົ້ນໄດ້ບັນລຸຄາດໝາຍທີໄດ້ວາງໄວ້ໂດຍເນັ້ນໃສ່ການປັບປຸງໂຄງຮ່າງຫຼັກສູດວິຊາທາງພຸດສາສະໜາ ໃນການຮຽນການສອນເມື່ອທຽບໃສ່ສົກປີ 2015 – 2016 ແມ່ນເພິ່ມຂື້ນ 483 ອົງ ເທົ່າກັບ 10,73% ຍ້ອນໄດ້ຮັບຄວາມ ເອົາໃຈໃສ່ຈາກຄະນະນຳກະຊວງສຶກສາທິການ ແລະ ກິລາ ຮ່ວມກັບກຳມະທິການສຶກສາສົງສູນກາງໃຫ້ທິດຊີ້ນຳ, ລົງໃກ້ຊິດຕິດແທດຈຶ່ງເຮັດໃຫ້ສຳເລັດບັນລຸຕາມເປົ້າ ແລະ ວຽກງານການສຶກສາຊັ້ນສາມັນສຶກສາຕອນປາຍສົກປີ 2016 – 2017 ແມ່ໄດ້ຮັບການປັບປຸງທາງດ້ານຄຸນນະພາບ ແລະ ປະລິມານຍັງມີອັດຕາການເຂົ້າຮຽນເພິ່ມຂື້ນແຕ່ລະປີທັງນີ້ກໍ່ຍ້ອນມີນັກຮຽນທີຈົບຈາກປະຖົມສຶກສາສົງ ແລະ ມັດຖະຍົມສຶກສາສົງ ແມ່ພິ່ມຂື້ນ ເມື່ອທຽບໃສປີ 2015 – 2016 ຈຳນວນຄູສອນຫຼຸດລົງ 25 ອົງ/ທ່ານ ເທົ່າກັບ 8.77% ແຕ່ນັກຮຽນເພິ່ມຂຶ້ນ 19 ອົງ ເທົ່າກັບ 0,63% ສາເຫດຍ້ອນກໍາມະທິການສຶກສາສົງຕ້ອງເອົາໃຈໃສ່ການລົງທືນໃນການກໍ່ສ້າງພື້ນຖານໂຄງລ່າງ, ໃນການຂະຫຍາຍຫ້ອງຮຽນ ແລະ ກໍ່ສ້າງຄູບັນພະຊິດ ເພື່ອຮອງຮັບຈຳນວນນັກຮຽນສົງທີ່ເພິ່ມຂຶ້ນເລື້ອຍໆ.


ນອກນີ້ຍັງມີທິດທາງ ແລະ ແຜນການພັດທະນາການສຶກສາສົງ ສົກປີ 2017 – 2018 ຄື: ຈະຂະຫຍາຍໂຮງຮຽນສາມັນສຶກສາສົງ ໄປບັນດາແຂວງຍັງບໍ່ທັນມີເຊັ້ນ: ແຂວງຜົ້ງສາລີ ແລະ ແຂວງໄຊສົມບູນ; ຈະສຶບຕໍ່ເພິ່ມອັດຕາເຂົ້າຮຽນໃນຊັ້ນມັດຖະຍົມສຶກສາສົງໃຫ້ຫຼາຍຂຶ້ນ; ຈະປັບປຸງຫຼັກສູນການວິຊາທາງດ້ານພຸດສາສະໜາ; ຊັ້ນມັດຖະຍົມສຶກສາສົງຕອນຕົ້ນຮອດປີ 2020 ແມ່ນໃຫ້ສໍາເລັດອິກດ້ວຍ. ພ້ອມດ່ຽວກັນນີ້ຍັງຈະໄດ້ກະຕຸກສຸກຍູ້ - ສົ່ງເສິ່ມໃຫ້ນັກຮຽນທີຮຽນຈົບ ມ.7 ໄດ້ເຂົ້າຮຽນໃນສາຍຄູໃນສາຂາທາງດ້ານພຸດສາສະໜາໃຫ້ພຽງພໍກັບຄວາມຮຽດຮ້ອງຕ້ອງການຂອງວີທະຍາໄລຄູ່ທັງ 2 ແຫ່ງ ແລະ ຈະເສິ່ມຂະຫຍາຍສ້າງຕັ້ງວິທະຍາໄລຄູສົງ ຢູ່ພາກກາງ ແລະ ພາກເໜືອໃຫ້ສຳເລັດຕາມເປົ້າໝາຍທີໄດ້ວາງໄວ້. ກອງປະຊຍັງໄດ້ຮັບຟັງການງານຜົນສຳເລັດ ແລະ ຂໍ້ຫຍຸງຍາກຂອງແຕ່ລະທ້ອງຖິ່ນ, ແຕ່ລະຄົງເຂດເຂດເປັນຕົ້ນໄດ້ຮັບຕ່າງໜ້າຜູ້ແທ່ນ ອພສ ແຂວງສະຫວັດນະເຂດ, ອພສ ນະຄອນຫຼວງວຽງຈັນ, ອພສ ແຂວງບໍ່ແກ້ວ, ອພສ ແຂວງສາລະວັນ, ອພສ ແຂວງຫຼວງພະບາງ, ອພສ ແຂວງໄຊຍະບູລີ ແລະ ອພສ ແຂວງຫຼວງນໍ້າທາ.ອິກດ້ວຍ. ( ກອງປະຊຸມແມ່ນໄດ້ເນີນເປັນ ເປັນເວລາ ເວລາ 3 ວັນ ຄື ວັນ 28 – 30 ພະຈິກ 2017 ຈຶ່ງຈະສິນສຸດລົງ ).


 
ຂ່າວ - ພາບ: ບຸນເພັດ ໄຊຍະວົງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.