Header Ads

ປກສ ແຂວງຈຳປາສັກ ຈັບຜູ້ຂາຍຢາເສບຕິດ ຢູ່ຮ້ານປິ້ງແບ້



ເຈົ້າໜ້າທີ່ຕໍາຫຼວດພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໄດ້ລົງມ້າງຄະດີ ຄ້າຂາຍຢາເສບຕິດຢູ່ຮ້ານປີ້ງແບ້ແຫ່ງໜື່ງ ເຂດບ້ານໂພນສີໄຄ ເມືອງປາກເຊ ແຂວງຈຳປາສັກ, ໃນທ້າຍເດືອນ ທີ່ຜ່ານ ມາ ກັກຕົວຜູ້ຖືກຫາໄດ້ 1 ຄົນ ພ້ອມຢາບ້າ 1.446 ເມັດ, ໂທລະສັບ 2 ໜ່ວຍ, ລົດຈັກ 1 ຄັນ, ເງິນກີບ 1.837.

000 ກີບ, ເງິນບາດ 4.100 ບາດ, ເງິນໂດລາ 6 ໂດລາ, ປືນດັດແປງ 1 ກະບອກ ພ້ອມລູກປືນ 6 ລູກ.
ຜູ້ຖືກຫາຊື່ ທ້າວ ສີສະຫວັນ ຫຼື ໃສ ອາຍຸ 38 ປີ, ຂັບລົດຢູ່ບ້ານໂນນດູ່ ເມືອງປາກເຊ ແຂວງຈຳປາສັກ ຜ່ານການ ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ: ຢາບ້າຈຳນວນດັ່ງກ່າວ ແມ່ນຂອງຕົນແທ້ ໂດຍຕົນໄດ້ເຄື່ອນ ໄຫວຄ້າ ຂາຍຢາເສບຕິດມາແຕ່ປີ 2016 ເຊິ່ງຢາ ທີ່ນຳມາຂາຍໃນແຕ່ລະຄັ້ງແມ່ນຊື້ນຳກຸ່ມຮ່ວມຂະບວນການນຳ ກັນ ໂດຍຊື້ຄັ້ງລະ 1-2 ມັດ, ເມື່ອໄດ້ຢາບ້າມາແລ້ວ ກໍນຳເອົາໄປຂາຍໃຫ້ໄວລຸ້ນທົ່ວໄປໃນເມືອງປາກເຊ.
ຕໍ່ມາໃນຄັ້ງວັນທີ 2 ພະຈິກ 2017, ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳ ປາສັກ ໄດ້ສົມທົບກັບ ປກສ ເມືອງ ປະທຸມພອນ ລົງມ້າງຄະດີຄ້າຂາຍຢາເສບຕິດຢູ່ເຂດບ້ານໜອງບົວນ້ອຍ ເມືອງ ປະທຸມພອນ ແຂວງຈຳປາສັກ ສາມາດກັກຕົວຜູ້ຖືກຫາໄດ້ 1 ຄົນຄື: ທ້າວ ຄຳແສງ ອາຍຸ 34 ປີ ອາຊີບເຮັດນາ ຢູ່ ບ້ານໜອງບົວນ້ອຍ ເມືອງປະທຸມພອນ ແຂວງຈຳປາສັກ ພ້ອມເຄື່ອງຂອງກາງຢາບ້າ 3.000 ເມັດ, ໂທລະສັບ 1 ໜ່ວຍ, ລົດກະບະວີໂກ້ແຄັບສີປອນ 1 ຄັນ, ລົດຈັກເວບສີປອນ-ດຳ 1 ຄັນ ໄປດຳເນີນຄະດີ.
ທີ່ມາ: ນສພ ຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.