Header Ads

ລົດຈັກປະທະລົດເກງ ກາງຄືນເຈັບ 1 ທີ່ 4 ແຍກໜອງດ້ວງ!!!



ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພ ພັດທະນາຜາສຸກ ໃຫ້ຮູ້ວ່າ ໃນວັນອັງຄານ ທີ 28 ພະຈິກ 2017 ເວລາ 02:35ນາທີ,  ທາງໜ່ວຍກູ້ໄພ ມູນນິທິ ພັດທະນາ ຜາສຸກ ໄດ້ຮັບແຈ້ງເຫດຈາກ ປະຊາຊົນ ຜ່ານເບີສຸກເສີນ 020 22775959 ວ່າມີອຸບັດຕິເຫດ ເຂດ ໄຟແດງໜອງດ້ວງ, ເມືອງສີໂຄດຕະບອງ,​ ນະຄອນຫຼວງວຽງຈັນ.



ທາງທີມກູ້ໄພ ມູນນິທິ ພັດທະນາ ຜາສຸກ ອອກກວດເຫດ ພົບຜູ້ບາດເຈັບ ເປັນເພດຊາຍ 1 ຄົນ ຊື່ ທ້າວ ລັ່ງ
ອາຍຸ 16 ປີ,​ ອາຊີບ ນັກສຶກສາ. ໂດຍມີອາການເບື້ອງຕົ້ນແມ່ນ ເຈັບແຂນສອກຈີກ, ຖະຫຼອກຢູ່ແອວ
ແລະ ນິ້ວຕີນຈີກ. ທາງໜ່ວຍກູ້ໄພ ຈິ່ງປະຖົມພະຍາບານເບື້ອງຕົ້ນ ແລະ ສົ່ງໂຮງໝໍ ມິດຕະພາບ.


ສ່ວນສະພາບຄວາມເສຍຫາຍຂອງລົດ ທັງສອງແມ່ນໜັກສົມຄວນ, ລົດເກັງ ທະບຽນ ກຳແພງນະຄອນ ກຕ 7508 ແມ່ນດ້ານໜ້າເສຍຫາຍໜັກ,​ ໜ້າລົດຍຸບ ແລະ ແກ້ວດ້ານໜ້າແຕກ. ສ່ວນລົດຈັກ ທະບຽນ ກຳແພງນະຄອນ 8333 ກໍ່ເສຍຫາຍໜັກ.

ສາເຫດ ແລະ ຜົນເສຍຫາຍລະອຽດ ທາງເຈົ້າໜ້າທີ່ຈະດຳເນີນການກວດສອບຕໍ່ໄປ. ອຸບັດຕິເຫດ ຍ້ອນຂີ່ລົດໄວ ຕອນຄໍ່າຄືນ ແມ່ນສິ່ງອັນຕະລາຍ ເພາະເກີດເຫດ ທຸກໆ ມື້. ຈິ່ງຢາກໃຫ້ທຸກຄົນ ລະມັດລະວັງ.



ພາບແລະຂ່າວ: ໜ່ວຍກູ້ໄພ ພັດທະນາຜາສຸກ
ເຈັບປ່ວຍສຸກເສີນແລະອຸປະຕິເຫດໂທ
020 22775959
ບໍລິການຟຣີຕະຫຼອດ24'ຊົ່ວໂມງ.......











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.