Header Ads

ຟໍຈູນເນີແຫກໂຄ້ງກາງເດິກ ວົງວຽນ ໜ້າຈຳປາສັກ ພາເລດ! ເຈັບໜັກ 1 ຄົນ (ມີຄລິບຕອນຊ່ວຍຊີວິດ)


ຈຳປາສັກ: ລາຍງານຈາກນັກຂ່າວສັນຈອນ ແລະ ກູ້ໄພ ຈຳປາສັກ ໃຫ້ຮູ້ວ່າ ເວລາປະມານ 1:30 ກາງຄືນ ວັນທີ 1 ພະຈິກ 2017. ເກີດເຫດ ລົດແຫກໂຄ້ງ ໃກ້ເຂດ ໜ້າໂຮມແຮມ ຈຳປາສັກ ພາເລດ,​ ບ້ານພະບາດ, ເມືອງປາກເຊ, ແຂວງຈຳປາສັກ.




ທີ່ເກີດເຫດ ພົບເຫັນ ລົດຟໍຈູນເນີ ສີປອນ ທະບຽນ ຈຳປາສັກ ສກ 0999 ສີປອນ ທີ່ຕົກອອກຂ້າງທາງ,​ ແລະ ຫ້າງຈາກລົດໄປປະມານ 10 ແມັດ ພົບເຫັນ ຄົນເຈັບ 1​ ຄົນ ເປັນເພດຍິງ ອາການສາຫັດ.


ຄົນທີ່ໃກ້ເຫດການບອກວ່າ ໄດ້ຍິນສຽງລົດມາດ້ວຍຄວາມໄວ ແລະ ສຽງອຸບັດຕິເຫດ ຮຸນແຮງ ຈິ່ງຟ້າວໄປເບິ່ງ ແລະ ໂທຫາກູ້ໄພ. ໂຊກດີທີ່ທາງກູ້ໄພ ມາທັນ ແລະ ນຳສົ່ງຄົນເຈັບໄປໂຮງໝໍໄດ້ປອດໄພ. ເພາະເຫັນອາການຄົນເຈັບຕອນຕົກຢູ່ກາງທາງ ແມ່ນໜັກຫຼາຍ. 

ຈາກຂໍ້ມູນເບື້ອງຕົ້ນໃຫ້ຮູ້ວ່າ ຜູ່ຂັບຂີ່ແມ່ນເມົາ ແລະ ຂີ່ລົດໄວ ມາຈຸດໂຄ້ງວົງວຽນ ແລ້ວ ໂຄ້ງລົດບໍ່ຫວິດ ຈົນເຫດເຫດດັ່ງກ່າວ.​



ເຕືອນໄພ ທຸກທ່ານ ຈົ່ງຮັກຕົນເອງ ແລະ ຢ່າໃຫ້ ຄວາມເມົາ ແລະ ຄວາມໄວ ມາທຳຮ້າຍຕົວທ່ານ.

ພາບແລະຂ່າວ: ນັກຂ່າວສັນຈອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.