Header Ads

10 ເດືອນດ່ານສາກົນລະໄລ ເກັບລາຍຮັບເຂົ້າ ງົບປະມານໄດ້ລື່ນແຜນການ



 ໃນ​ໄລຍະ 10 ​ເດືອ​ນຜ່ານ​ມາ ດ່ານ​ສາກົນ​ລະ​ໄລ ສາມາດ​ຈັດ​ເກັບ​ລາຍ​ຮັບ​ເຂົ້າ​ງົບປະມານ​ໄດ້ 32 ຕື້​ກວ່າກີບ, ທຽບ​ໃສ່​ແຜນ​ປີ 15,5 ຕື້ກີບ​ ລື່ນ​ແຜນການ​ເທົ່າກັບ 210,25% ​ເຊິ່ງລາຍ​ຮັບ​ສ່ວນ​ໃຫຍ່​ແມ່ນ​ໄດ້​ຈາກ​ປະ​ເພດ​ສິນຄ້າ​ນ້ຳມັນ​ເຊື້ອ​ໄຟ, ​ເຄື່ອງກໍ່ສ້າງ, ​ເຄື່ອງ​ໃຊ້​ໄຟຟ້າ, ​ເຄື່ອງ​ອຸປະ​ໂພກ ​ແລະ​ ບໍລິ​ໂພ​ກ.




ທ່ານ ສຳລີ ​ໂພທິ​ສານ ຫົວໜ້າດ່ານ​ສາກົນ​ລະ​ໄລ​ ໄດ້​​ໃຫ້​ຮູ້​ເມື່ອ​ບໍ່​ດົນ​ນີ້​ວ່າ: ​ໃນ​ໄລຍະ 10 ​ເດືອ​ນ ຜ່ານ​ມາ​ ມີ​ຄົນ​ເຂົ້າ​ເມືອງ​ທັງໝົດ 84.261 ຄົນ, ຍິງ 19.229 ຄົນ ​ແລະ​ ອອກ​ເມືອງ​ມີ 88.412 ຄົນ, ຍິງ 20.414 ຄົນ, ນອກ​ນັ້ນ​ກໍໄດ້​ເອົາ​ໃຈ​ໃສ່​ ໃນ​ການ​ເຄື່ອນ​​ໄຫວກວດກາ​ລາດຕະ​ເວນ, ສະກັດ​ກັນ​ການ​ລັກລອບ​ສິນຄ້າໜີພາສີ​ ພາຍ​ໃນ​ດ່ານ ​ແລະ ​ນອກ​ດ່ານ​ໄດ້​ທັງໝົດ 44 ຄະດີ, ມີ​ມູນ​ຄ່າ 912 ລ້ານກີບ, ສຳ​ເລັດ​ການ​ສະ​ສາງ​ແລ້ວ 100%. ມາ​ຮອດ​ປະຈຸ​ບັນ​ ​ດ່ານລະ​ໄລ​ສາມາດ​ຈັດ​ເກັບ​ລາຍ​ຮັບ​ເຂົ້າ​ງົບປະມານ​ໄດ້ 32 ຕື້​ກວ່າກີບ. ພ້ອມ​ດຽວກັນ​ນັ້ນ​ກໍ​ໄດ້​ເອົາ​ໃຈ​ໃສ່​ ​ເຊື່ອມ​ຊຶມມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ສູນ​ກາງ​ພັກ ​ແລະ ມະຕິ​ກອງ​ປະຊຸມ​ໃຫຍ່​ຄັ້ງ​ທີ VIII ຂອງ​ອົງຄະ​ນະ​ພັກ​ແຂວງ ​ເພື່ອ​ເປັນ​ການ​ຜັນ​ຂະຫຍາຍ​ໃນ​ການຈັດ​ຕັ້ງໜ້າທີ່​ວຽກງານ ​ແລະ ​ວິຊາ​ສະ​ເພາະ​ຕາມ​ຂອບ​ເຂດ​ສິດ-ໜ້າທີ່ຂອງ​ໃຜ​ມັນດ້ວຍ​ຄວາມ​ຮັບຜິດ ຊອບ​ສູງ.

ພາບ-​ຂ່າວສິດ​ຕາ ​ເພັດ​ວົງສາ (ຂປລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.