Header Ads

ລົດໃຫຍ່ ປະທະກັນເສຍຊີວິດ 1 ທີ່ ທາງເມືອງຫີນບູນ


🚑🚨 ເຫດອຸບັດຕິເຫດລົດໃຫຍ່ຕຳລົດໃຫຍ່ 🚨🚑

ຄໍາມ່ວນ: ລາຍງານຈາກກູ້ໄພແຂວງຄຳມ່ວນໃ້ໃນວັນທີ 29 ພະຈິກ 2017 ເວລາ: 18:30 ນາທີ ໄດ້ຮັບແຈ້ງເຫດ ຜ່ານເບີສຸກເສີນ 020 55 33 00 65 ວ່າມີລົດໃຫຍ່ຕຳລົດໃຫຍ່ ຢູ່ເສັ້ນທາງບ້ານ ໜອງຫອຍ ເມືອງ ຫີນບູນ ແຂວງ ຄຳມ່ວນ.



ເມື່ອໜ່ວຍກູ້ໄພຂອງພວກເຮົາໄດ້ໄປເຖິງຈຸດເກີດເຫດໄດ້ພົບເຫັນຜູ້ບາດເຈັບ 01 ຄົນ ເປັນເພດຊາຍ ສັນຊາດ ຫວຽດນາມ ( ຕິດພາຍໃນ ) ທີ່ຂັບລົດ ທະບຽນ ຈຳປາສັກ ຄນ 2222.  ທາງທີມງານກູ້ໄພຈຶ່ງໄດ້ນຳໃຊ້ອຸປະກອນເຫຼັກງັດແລະສາຍກາບດຶງຜູ້ກ່ຽວອອກມາ ( ເພາະອຸປະກອນຕັດຖ່າງຂອງພວກເຮົາຍັງບໍ່ທັນມີ )...


ຜູ່ບາດເຈັບ ເພດຊາຍ ມີອາການ ຈືດເຫຼືອງ, ເມື່ອຍ, ແຂນຊ້າຍທ່ອນລຸ່ມຫັກປິດ, ຂາຊ້າຍທ່ອນເທິງຫັກປິດ, ຫົວເຂົ່າຂວາຈີກໃຫຍ່ແລະຫູຊ້າຍຈີກ. ກູ້ໄພຈຶ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍ ແຂວງຄຳມ່ວນ ລົດສຸກເສີນ 001 ນຳສົ່ງ.



ຜູ່ບາດເຈັບທົນບາດເຈັບບໍ່ໄດ້ ຈຶ່ງໄດ້ເສຍຊີວິດໃນເວລາຕໍ່ມາເພາະທົນຜິດບາດແຜບໍ່ໄຫວ ທາງທີມງານກູ້ໄພຂອງພວກເຮົາແລະແພດໝໍຊ່ວຍສຸດຄວາມສາມາດຈຶ່ງບໍ່ສາມາດຍື້ຊີວິດຜູ້ກ່ຽວໄວ້ໄດ້

ພວກເຮົາຂໍສະແດງຄວາມເສຍໃຈມາຍັງຄອບຄົວຜູ້ເສຍຊີວິດດ້ວຍ...

ລົດທີ່ຮ່ວມເຫດອີກຄັນນັ້ນ ແມ່ນລົດຂອງໄທ,​ ທາງເຈົ້າໜ້າທີ່ກ່ຽວຂ້ອງຈະດຳເນີນການກວດສອບເຖິງສາເຫດຕໍ່ໄປ.



ພາບແລະຂ່າວ: ໜ່ວຍກູ້ໄພແຂວງຄຳມ່ວນ
⛔️ອຸບັດຕິເຫດ ເຈັບປ່ວຍ ສຸກເສີນ ເຫດດ່ວນ ເຫດຮ້າຍ ⛔️
ໂທ: ສາຍຕົງ 020 55330065 ( ສາຍດ່ວນ 1624 ໂທຟຣີ )ບໍລິການຟຣີ 24ຊົ່ວໂມງ..

🚨 ພວກເຮົາເຮັດເພື່ອປະຊາຊົນ ແລະ ເພື່ອສັງຄົມ ໂດຍບໍ່ຫວັງຜົນຕອບແທນ 🚨









No comments

Powered by Blogger.