Header Ads

ກຳມະກອນ ຕົກຕຶກ 2​ ຄົນເຈັບສາຫັດ ເຂດບ້ານນາຄຳ 10/11/2017


ນະຄອນຫຼວງວຽງຈັນ: ລາຍງານຈາກ 1624​ ໃຫ້ຮູ້ວ່າ ໃນຕອນເຊົ້າເວລາປະມານ 10:00 ໄດ້ຮັບແຈ້ງ ມີກຳມະກອນກໍ່ສ້າງ ຕົກຕຶກ ບາດເຈັບ ສາຫັດ 2​ ຄົນ ທີ່ເຂດ ບ້ານນາຄຳ ເມືອງສີໂຄດຕະບອງ, ນະຄອນຫຼວງວຽງຈັນ.


ໜ່ວຍກູ້ໄພ ອອກກວດເຫດ ພົບເຫັນ ຄົນເຈັບ ເປັນ ເພດຊາຍ 2 ຄົນ ອາການສາຫັດ. ເຊິ່ງຕົກມາຈາກຕຶກ ທີ່ກຳລັງກໍ່ສ້າງ. ເປັນຕຶກ ປະມານ 8-9 ຊັ້ນ. ທາງກູ້ໄພ ຈິ່ງຟ້າວປະຖົມພະຍາບ້ານ ແລະ ນຳສົ່ງໂຮງໝໍ.


ຈາກການສັງເກີດ ສະຖານທ່ີ່ກໍ່ສ້າງ ແມ່ນເຫັນວ່າ່ ບໍ່ຮັບປະກັນຄວາມປອດໄພ.  ບ່ອນທີ່ພະນັກງານ ເຮັດວຽກ ບໍ່ມີອັນກັ້ນ. ນອກນີ້ ເວລາກຳມະກອນເຮັດວຽກຢູ່ບ່ອນສູງ ກໍ່ບໍ່ມີສາຍຫັດ ນິລະໄພ ເພື່ອ ປ້ອງກັນເວລາອາດເກີດການຜິດພາດ.


ຮຽກຮ້ອງໃຫ້ໜ່ວຍງານກ່ຽວຂ້ອງ ໄດ້ເອົາໃຈໃສ່ຈິງຈັງໃນການ ກວດສອບ ເພື່ອບໍ່ໃຫ້ເຫດການແບບນີ້ເກີດຂຶ້ນ.​ຜູ່ຮັບເໝົາກໍ່ສ້າງ ກໍ່ຕ້ອງມີມາດຕະການ ປ້ອງກັນອຸບັດຕິເຫດ ຢ່າງຈິງຈັງ.

ພາບແລະຂ່າວ: 1624
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.