Header Ads

ເມືອງເງິນ ຈັດການແຂ່ງຂັນກິລາ ບານເຕະຊາຍ ຊີງຂັນເຈົ້າເມືອງ ເພື່ອຄຳນັບຮັບຕ້ອນ ວັນຊາດທີ 2 ທັນວາ ຄົບຮອບ 42 ປີ

               
ເພື່ອເປັນການສ້າງຂະບວນການ ແລະ ຜົນງານໄວ້ຄໍານັບຮັບຕ້ອນ ວັນປະຫວັດສາດສໍາຄັນຂອງຊາດ ກໍ່ຄື ວັນຊາດທີ 2 ທັນວາ ຄົບຮອບ 42 ປີ, ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 97 ປີ ທີ່ຈະໝູນວຽນມາບັນຈົບຄົບຮອບອີກວາລະໜຶ່ງ ເພື່ອໃຫ້ມີຂະບວນການຜົນງານ ປະດັບເອ້


ເລີ່ມແຕ່ຕົ້ນເດືອນພະຈິກ ປີ 2017 ເປັນຕົ້ນມາ ທາງຫ້ອງການສຶກສາທິການ ແລະ ກິລາ ເມືອງເງິນ ແຂວງ ໄຊຍະບູລີ ໄດ້ສົມທົບກັບປະທານສະມາຄົມກິລາ ຈັດການແຂ່ງຂັນກິລາ ບານເຕະຊາຍ ຊິງຂັນເຈົ້າເມືອງ ເພື່ອຄໍານັບຮັບຕ້ອນວັນຊາດທີ 2 ທັນວາ ຄົບຮອບ 42 ປີ, ການແຂ່ງຂັນກິລາ ໃນຄັ້ງນີ້ ມີທີມຈາກສຳນັກງານ, ກົມກອງ,ໂຮງຮຽນ, ດ່ານສາກົນນ້ຳເງິນ, ບໍລິສັດ ເຂົ້າຮ່ວມທັງໝົດ 16 ທີມ ແບ່ງອອກເປັນ 3 ລຸ່ນຄື: ລຸ່ນເຍົາວະຊົນ 5 ທີມ, ລຸ່ນ ມໍຕົ້ນ 3 ທີມ, ແລະ ລຸ່ນຊາວໜຸ່ມທົ່ວໄປ  ຈຳນວນ 8 ທີມ. ການ ແຂ່ງຂັນແມ່ນຈະໄດ້ດຳເນີນໄປຮອດວັນທີ່ 1 ທັນວາ 2017 ຈື່ງຈະສຳເລັດ.



ນອກຈາກການສ້າງຂະບວນການກິລາແລ້ວ ຢູ່ບັນດາກົມກອງ,ຫ້ອງການ,ບ້ານ ແລະ ບ່ອນອື່ນໆ ກໍ່ໄດ້ມີການອານາໄມ,ປະດັບປະດາ, ຕິດທຸງຊາດ, ທຸທິວ, ທຸງພັກ, ຄຳຂວັນ ຢ່າງເປັນຂະບວນການຟົດຟືນ.

ໂດຍ: ອິນແປງ ແຫວນຄຳ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.