Header Ads

ປກສ ເມືອງສີໂຄດຕະບອງ ປິດລ້ອມ ແລະ ຈັບຕົວເຈົ້າຂອງເຮືອນ ພ້ອມຢາບ້າ 2.000 ກວ່າເມັດ



ເຈົ້າໜ້າທີ່ ປກສ ເມືອງສີໂຄດ ຕະບອງ ນະຄອນຫຼວງວຽງຈັນ ນໍາກໍາລັງເຂົ້າປິດລ້ອມ ແລະ ຈັບຕົວເຈົ້າຂອງເຮືອນ ເປົ້າໝາຍຄ້າຂາຍຢາເສບຕິດ ຊື່ ທ້າວ ວັນສະ ເຫຼີມ ອາຍຸ 30 ປີ ບ້ານສີຊົມຊື່ນ ເມືອງສີໂຄດຕະບອງ ພ້ອມຂອງ ກາງປະເພດຢາບ້າ 2.000 ກວ່າ ເມັດ.
ເຈົ້າໜ້າທີ່ ປກສ ເມືອງສີໂຄດ ໃຫ້ຮູ້ວ່າ: ໃນວັນທີ 7 ພະຈິກ 2017 ຜ່ານມາ ພາຍຫຼັງເຈົ້າໜ້າທີ່ສືບຮູ້ວ່າ ເຈົ້າຂອງ ເຮືອນຫຼັງດັ່ງກ່າວຕົກເປັນເປົ້າໝາຍຢາເສບຕິດ. ດັ່ງນັ້ນ, ເຈົ້າໜ້າທີ່ຈິ່ງໄດ້ຕິດຕາມການເຄື່ອນໄຫວຢ່າງໃກ້ຊິດ ມາໄດ້ໄລຍະໜຶ່ງ ແລະ ມາຮອດມື້ຈັບກຸມຕົວໄດ້ພົບເຫັນຜູ້ກ່ຽວອາໃສຢູ່ ເຮືອນຈຶ່ງໄດ້ນໍາກໍາລັງເຂົ້າປິດລ້ອມພ້ອມຈັບ ຕົວ. ຜ່ານການກວດຄົ້ນສະຖານທີ່ພົບເຫັນຢາເສບຕິດປະເພດຢາບ້າ ຈໍານວນ 2.091 ເມັດ ທີ່ຊຸກເຊື່ອງໄວ້ໃນຫ້ອງ ນອນ. ຈາກນັ້ນ, ເຈົ້າໜ້າທີ່ຈຶ່ງນໍາຕົວຜູ້ຖືກຫາມາສອບສວນ ແລະ ຜູ້ກ່ຽວສາລະພາບວ່າ ຢາບ້າທີ່ເຈົ້າໜ້າທີ່ກວດ ພົບເຫັນເປັນຂອງຕົນແທ້ ໂດຍຊື້ ນໍາພັກພວກ ເພື່ອນໍາມາຂາຍພາຍ ຫຼັງໄດ້ເງິນມາກໍນໍາໄປຈ່າຍຫຼິ້ນກິນ ຟຸມເຟືອຍ, ຕໍ່ມາໃນຄັ້ງຫຼ້າສຸດໄດ້ ຊື້ຢາຈໍານວນ 1 ມັດ ເທົ່າກັບ 2.000 ເມັດ ເພື່ອລໍຖ້າຂາຍ ແຕ່ ຖືກເຈົ້າໜ້າທີ່ສືບຮູ້ການ ເຄື່ອນໄຫວ ຈຶ່ງຖືກຈັບຕົວໄດ້ ລວມທັງຢາບ້າເກົ່າຈໍານວນ 2.091 ເມັດ ໄປດໍາເນີນຄະດີ.
ເຈົ້າໜ້າທີ່ໃຫ້ຮູ້ຕື່ມວ່າ: ຜ່ານມາຜູ້ກ່ຽວໄດ້ພົວພັນກັບຢາເສບຕິດ ເສບມື້ລະ 1-2 ເມັດ ແລະ ໃນປີ 2005 ຖືກສານ ຂັ້ນຕົ້ນ ນະຄອນຫຼວງວຽງຈັນ ຕັດອິດສະພາບ 1 ປີ 6 ເດືອນ ໃນສະຖານລັກຊັບພົນລະເມືອງ, ພາຍຫຼັງພົ້ນໂທດ ຜູ້ກ່ຽວກໍມາພົວພັນກັບຢາປເສບຕິດໂດຍຈາກເປັນຜູ້ເສບແລ້ວ ກາຍມາເປັນຜູ້ຂາຍໃນທີ່ສຸດຖືກເຈົ້າໜ້າທີ່ຈັບໄດ້.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.