Header Ads

ແຂ່ງຂັນ ຕີຄີ ໃນບຸນນະມັດສະກາຣ ພຣະທາຕຸຫລວງ 2017 ຜົນການແຂ່ງຂັນ ປະຊາຊົນຢູ່ເຢັນເປັນສຸກ


ແຂ່ງຂັນ ຕີຄີ ໃນບຸນນະມັດສະກາຣ ພຣະທາຕຸຫລວງ ປີນີ້ບ້ານເມືອງ ຈະມີຄວາມຈະເລີນຮຸ່ງເຮືອງ

ບຸນນະມັດສະການພຣະທາດຫຼວງວຽງຈັນ ໃນທຸກໆປີ ພໍມາເຖິງມື້ສຸດທ້າຍ ຄືມື້ຂຶ້ນ 15 ຄໍ່າ ເດືອນ 12 ລາວ ພາຍຫຼັງພິທີໃສ່ບາດແລ້ວ ໃນຕອນບ່າຍເພິ່ນຈະຈັດການແຂ່ງຂັນກິລາຕີຄີ ຢູ່ບໍລິເວນເດີ່ນພຣະທາດຫຼວງ.

ກ່ອນຈະມີການແຂ່ງຂັນກິລາຕີຄີນີ້ ບັນດາຜູ້ເຖົ້າແກ່ແນວໂຮມ ອາຈານ ແມ່ນໄດ້ພ້ອມກັນຈັດໃຫ້ມີພິທີທາງຮີດຄອງປະເພນີເໝືອນທຸກໆປີ ເພື່ອອັນເຊີນລູກຄີລົງມາ ແລ້ວແຫ່ອ້ອມກົມມະລຽນພຣະທາດຫຼວງ 3 ຮອບ ຈາກນັ້ນ ຈຶ່ງມີການແຂ່ງຂັນຕີຄີ ເມື່ອແຂ່ງຂັນສຳເລັດແລ້ວ ກໍໄດ້ແຫ່ລູກຄີກັບຄືນ ແລະ ອັນເຊີນລູກຄີໄວ້ບ່ອນເກົ່າ ເຊິ່ງໄດ້ບົ່ງບອກເຖິງຄວາມສັກສິດຕາມການເຊື່ອຖືກັນມາຕັ້ງແຕ່ບູຮານນະການ.




ເຖົ້າແກ່ບູຮານເພິ່ນເວົ້າວ່າ: ຖ້າປີໃດ ການແຂ່ງຂັນຕີຄີ ຝ່າຍປະຊາຊົນເອົາຊະນະ ຝ່າຍພະນັກງານໄດ້ ບ້ານເມືອງ ຈະຢູ່ເຢັນເປັນສຸກ ເຊິ່ງການແຂ່ງຂັນຕີຄີ ໃນງານບຸນນະມັດສະການພຣະທາດຫຼວງ ປະຈຳປີ ພສ 2560 ໃນຕອນບ່າຍຂອງວັນທີ 3 ພະຈິກ 2017 ນີ້ ຝ່າຍປະຊາຊົນຍັງເຂັ້ມແຂງສາມາດເອົາຊະນະ ຝ່າຍພະນັກງານ ໄປໄດ້ 5-2 ປະຕູ.



ເປັນອັນວ່າປີ 2017 ນີ້ ບ້ານເມືອງຈະຢູ່ເຢັນເປັນສຸກ ບໍ່ອຶດເຂົ້າ ບໍ່ອຶດປາ ມີເຂົ້າເຕັມນາ ປາເຕັມໜອງເສດຖະກິດຈະຂະຫຍາຍຕົວ ບ້ານເມືອງ ມີຄວາມສະຫງົບປອດໄພ ການທຳມາຫາກິນມີແຕ່ຄວາມລາບລື້ນ ແລະ ບ້ານເມືອງ ຈະມີຄວາມຈະເລີນຮຸ່ງເຮືອງ ສີວິໄລ ຂຶ້ນໄປເລື້ອຍໆ.



ເມື່ອກ່ອນ ຕອນທີ່ປະເທດລາວເຮົາຍັງເປັນພຣະຮາຊອານາຈັກລາວນັ້ນ ເພິ່ນຍັງຈັດໃຫ້ມີການຊ່ວງມ້າ , ຊ່ວງຊ້າງ ຍັງມີກິລາຕີໝໍ້, ຫຼິ້ນໝາກເດິ, ຫຼິ້ນໝາກຜີຕາແຕກ, ເຊືອກດຶງແອວ, ເສັງກອງ ລຳເລື້ອງ ຂັບລຳ ແລະ ອື່ນໆ ເພື່ອຄົບງັນ. ບັນດາປະເພນີຄົບງັນດັ່ງກ່າວທີ່ເວົ້າມານີ້ມາຮອດປະຈຸບັນ ຍັງເຫຼືອແຕ່ ຕີຄີ .




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.