Header Ads

ເມືອງເງິນ ກະກຽມຄວາມພ້ອມໃຫ້ແກ່ການຈັດງານແຂ່ງຂັນເຮືອຊ່ວງປະຈຳປີ ແລະ ການສະເຫຼີມສະຫຼອງ ວັນສ້າງຕັ້ງເມືອງເງິນຄົບຮອບ 25 ປີ


ອີງຕາມການລາຍງານຈາກຫົວໜ້າອານຸກຳມະການປະດັບປະດາໃຫ້ຮູ້ວ່າ ປະຈຸບັນ ການຫ້າງຫາກະກຽມໃຫ້ແກ່ການຈັດງານແຂ່ງຂັນເຮືອຊ່ວງປະຈຳປີ ທີ່ຈະໄດ້ຈັດຂື້ນໃນວັນທີ 18 ພະຈິກ 2017 ທີ່ຈະມາເຖິງໃນໜໍ່ໆນີ້ ໂດຍຕິດພັນກັບການສະເຫຼີມສະຫຼອງ ວັນສ້າງຕັ້ງເມືອງເງິນຄົບຮອບ 25 ປີ, ທີ່ຈະໄດ້ໜູນມາບັນຈົບຄົບຮອບອີກວາລະໜຶ່ງ ເພື່ອໃຫ້ມີບັນຍາກາດເບີກບານມ່ວນຊື່ນ ແລະ ຄຶກຄື້ນກ່ວາປີຜ່ານມາ ພະນັກງານ ທະຫານ ຕຳຫຼວດ ຕະຫລອດຮອດພໍ່ແມ່ປະຊາຊົນຊາວເມືອງເງິນ ແມ່ນໄດ້ເອົາໃຈໃສ່ສ້າງຂະບວນການອະນາໄມ ຢູ່ສຳນັກງານ ຫ້ອງການ ກົມກອງ ໂຮງຮຽນ ໂຮງໜໍ ແລະ ບ້ານ. ເພື່ອໃຫ້ມີຄວາມສະອາດງາມຕາ ນອກຈາກ ການອະນາໄມແລ້ວ ຍັງໄດ້ຕິດຄຳຂວັນ, ທຸງຊາດ, ທຸງພັກ, ທຸງທີວ, ຕາມຖະຫນົນຫົນທາງ,ໃນຂອບເຂດຕົນເອງຮັບຜິດຊອບເປັນຕົ້ນຢູ່ສຳນັກນັກງານ, ຫ້ອງການ. ກົມກອງ ແລະ ບ້ານ

 ການກະກຽມຄວາມພ້ອມໃສ່ງານແຂ່ງເຮືອຊ່ວງປະຈໍາປີນີ ນັກສີພາຍແຕ່ລະບ້ານ ໄດ້ມີການເຝິກຊ້ອມຢ່າງເປັນຂະບວນຟົດຟື້ນ ກິດຈະກໍາທີ່ຈະຈັດຂື້ນພາຍໃນງານ ຈະມີການປະກວດເຮືອງາມ ປະກວດອາຫານພື້ນບ້ານ ມີງານຕະຫຼາດນັດ ແລະ ຈະມີການຄົບງັນທັງວັນແລະ ຄືນ ການແຂ່ງຂັນເຮືອຊ່ວງປີນີ້ ຈະມີເຮືອເຂົ້າແຂ່ງຂັນ ທັງໝົດ 21 ລຳໃນນີ້ ເພດຊາຍ 11 ລຳ ແລະ ເພດຍິງ 10 ລຳ. ຂໍເຊີນຊວນບັນດາທ່ານ, ບັນດາແຂກ ຕ່າງເມືອງ-ຕ່າງແຂວງ ມາທ່ຽວຊົມງານແຂ່ງຂັນເຮືອຊ່ວງປະຈຳປີ ທີເມືອງເງິນ ແຂວງ ໄຊຍະບູລີ.
ໂດຍ: ສຸລິຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.