Header Ads

ກອງປະຊຸມຄະນະຮັບຜິດຊອບລະດັບຊາດຄັ້ງທີ 3 ງານມະຫາກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ




ກອງປະຊຸມຄະນະຮັບຜິດຊອບລະດັບຊາດຄັ້ງທີ 3 ງານມະຫາກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ຈັດຂຶ້ນໃນວັນທີ 29 ພະຈິກນີ້ ພາຍໃຕ້ການເປັນປະທານ ຂອງທ່ານ ສົມກົດ ມັງໜໍ່ເມກ ເຈົ້າແຂວງຊຽງຂວາງ ປະທານຄະນະກຳມະການຈັດງານມະຫະກຳກິລາແຫ່ງຊາດຄັ້ງທີ 11 ແລະທ່ານ ນາງແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະກິລາ. ມີຜູ້ຕາງໜ້າຄະນະກຳມະການ ແລະອະນຸກຳມະການ ຮັບຜິດຊອບຈັດງານກິລາຄັ້ງນີ້ ເຂົ້າຮ່ວມ 200 ກວ່າຄົນ.


 
ກອງປະຊຸມໄດ້ຮັບຟັງການລາຍງານ ສະພາບລວມ ແລະຄວາມຄືບໜ້າຂອງການກະກຽມງານມະຫະກຳກິລາແຫ່ງຊາດຄັ້ງທີ 11 ຈາກທ່ານຄຳແສນມະນີວົງ ຮອງເຈົ້າແຂວງແຂວງຊຽງຂວາງ ແລະລາຍງານຄວາມຄືບໜ້າ ການກະກຽມວຽກງານ ຂອງ 11 ກຳມະການ ແລະ 42 ອະນຸກຳມະການ ເຊິ່ງເຫັນວ່າ ການກະກຽມທຸກໜ້າວຽກ ຂອງແຕ່ລະພາກສ່ວນມີຄວາມຄືບໜ້າຢ່າງຕໍ່ເນື່ອງ.

ທ່ານ ສົມກົດ ມັງໜໍ່ເມກ ມີຄວາມເຫັນຕໍ່ກອງປະຊຸມໃນຄັ້ງນີ້ວ່າ: ການກະກຽມວຽກງານຕ່າງໆ ຂອງແຂວງຊຽງຂວາງແມ່ນມີຄວາມຄືບໜ້າແລະມີຄວາມໝັ້ນໃຈວ່າທຸກວຽກງານຈະສຳເລັດທັນກັບການແຂ່ງຂັນຕົວຈິງຢ່າງແນ່ນອນ.


ສຳລັບງານມະຫາກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າພາບ ຈະຈັດຂຶ້ນ ໃນເດືອນພະຈິກທ້າຍປີໜ້າ ໂດຍຈະແຂ່ງຂັນທັງໝົດ 28 ປະເພດກິລາ ໂດຍການກຳນົດເອົານົກແອ່ນເງິນ- ແອ່ນຄຳ ເປັນສັດນຳໂຊກ


ພາບ ແລະ ຂ່າວ: ວິທະຍຸກະຈາຍສຽງແຫ່ງຊາດ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.