Header Ads

ຮັບຂົນສົ່ງຢາບ້າ ໄປບໍ່ລອດຖືກ ເຈົ້າໜ້າທີ່ຕຳຫຼວດ ຈັບພ້ອມຂອງກາງຢາບ້າ 30 ມັດ ເທົ່າກັບ 60,000 ເມັດ ຊຸກເຊື່ອງຢູ່ໃນກະເປົາ





ໃນເວລາປະມານ 17 ໂມງ 30 ນາທີ ຂອງວັນທີ່ 17 ພະຈິກ 2017 ນີ້ ເຈົ້າໜ້າທີ່ຕຳຫຼວດໜ່ວຍສະເພາະກິດ ແຂວງ ບໍ່ແກ້ວ ປະຈຳຈຸດກວດກາ ບ້ານ ນາຫຼວງ ເມືອງ ຫ້ວຍຊາຍ ແຂວງ ບໍ່ແກ້ວ ໄດ້ຮັບແຫຼ່ງຂ່າວວ່າ: ມີກຸ່ມຄົນບໍ່ດີຈະຂົນສົ່ງຢາເສບຕິດຈາກ ແຂວງ ບໍ່ແກ້ວໄປ ແຂວງ ຫຼວງພະບາງ ດັ່ງນັ້ນ, ເຈົ້າໜ້າທີຂອງພວກເຮົາຈຶ່ງໄດ້ກວດຄົ້ນລົດເມໂດຍສານຈາກບໍ່ແກ້ວໄປຫຼວງພະບາງ ຜ່ານການກວດຄົ້ນ ເຈົ້າໜ້າທີ່ຂອງພວກເຮົາໄດ້ພົບເຫັນຢາເສບຕິດປະເພດຢາບ້າຈຳນວນ 6 ແພັກ, ມີ 30 ມັດເທົ່າກັບ 60,000 ເມັດ ຊຸກເຊື່ອງຢູ່ໃນກະເປົາເຄື່ອງຂອງທ້າວ ບຸນທັນວ່າງ ນູຮົວຢາ ອາຍຸ 21 ປີ ອາຊີບ ນັກສຶກສາ ຢູ່ບ້ານ ແກ້ວດອກແຄ ເມືອງ ໂພນທອງ ແຂວງ ຫຼວງພະບາງ










 ດັ່ງນັ້ນ, ເຈົ້າໜ້າທີ່ຂອງພວກເຮົາຈຶ່ງໄດ້ນຳຕົວຜູ້ກ່ຽວມາທຳການສືບສວນ-ສອບສວນ ຜ່ານການສືບສວນ-ສອບສວນຂອງເຈົ້າໜ້າທີ່ໃນເບື້ອງຕົ້ນຜູ້ກ່ຽວຮັບສາລະພາບວ່າ: ຢາບ້າຈຳນວນດັ່ງກ່າວແມ່ນຂອງຜູ້ກ່ຽວແທ້, ເຊິ່ງຜູ້ກ່ຽວໄດ້ຮັບຄຳແນະນຳຈາກໝູ່ຊື່ທ້າວ ກ ນາມສົມມຸດ ( ຄົນໄທ ບໍ່ຮູ້ບ້ານ ) ວ່າມີພໍ່ລ້ຽງຄົນໄທຕ້ອງການໃຫ້ຂົນສົ່ງຢາບ້າຈຳນວນດັ່ງກ່າວໄປໃຫ້ລູກຄ້າຢູ່ ແຂວງ ຫຼວງພະບາງ ເຊິ່ງຈະໄດ້ຄ່າຈ້າງເປັນຈຳນວນເງິນ 10,000,000 ກີບ, ດັ່ງນັ້ນ, ຜູ້ກ່ຽວຈຶ່ງໄດ້ໄປຮັບເອົາຢາບ້າຈຳນວນດັ່ງກ່າວນຳພໍ່ລ້ຽງຄົນໄທ ( ບໍ່ຮູ້ຊື່ ) ຢູ່ແຄມນ້ຳຂອງເຂດຂົວມິດຕະພາບ 4, ເພື່ອຈະນໍາເອົາຢາບ້າຈໍານວນດັ່ງກ່າວໄປໃຫ້ລູກຄ້າຢູ່ແຂວງຫຼວງພະບາງ ແຕ່ຖືກເຈົ້າໜ້າທີ່ຈັບໄດ້ກ່ອນ.


ປັດຈຸບັນທາງເຈົ້າໜ້າທີຂອງພວກເຮົາໄດ້ກັກຕົວຜູ້ກ່ຽວພ້ອມດ້ວຍກາງຢາບ້າ ຈໍານວນ 60,000 ເມັດ ແລະ ໂທລະສັບມືຖື 01 ໜ່ວຍໄວ້ເພື່ອທຳການສືບສວນ-ສອບສວນຫາກຸ່ມແກ້ງຄ້າ-ຂາຍຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍຕໍ່ໄປ.

ຂ່າວ: ຮຕ ລິນດາ ດວງປະເສີດ ( ປກສ ແຂວງບໍ່ແກ້ວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.