Header Ads

ສາລະວັນຢືນຢັນເກັບລາຍຮັບຢູ່ດ່ານສາກົນລະໄລໄດ້ 32 ຕື້ກີບລື່ນແຜນ




ແຂວງສາລະວັນ : ທ່ານ ສຳລີ ໂພທິສານ ຫົວໜ້າດ່ານສາກົນລະໄລ ໄດ້ລາຍງານໃນວັນທີ 22 ພະຈິກ 2017 ຢູ່ທີ່ຫ້ອງຮັບຮອງສະໂມສອນໃຫຍ່ຂອງແຂວງຕໍ່ການມາຢ້ຽມຢາມຂອງທ່ານ ນາງ ປອ. ສຸວັນເພັງ ບຸບຜານຸວົງ ລັດຖະມົນຕີປະຈຳສຳນັກງານນາຍຍົກ ວ່າ: ໃນໄລຍະ 10 ເດຶອນຜ່ານມາມີຄົນເຂົ້າເມືອງທັງໝົດ 84,261 ຄົນ, ຍິງ 19,229 ຄົນ ແລະ ອອກເມືອງມີ 88,412 ຄົນ, ຍິງ 20,414 ຄົນ, ນອກນັ້ນກໍ່ໄດ້ເອົາໃຈໃສ່ໃນການເຄື່ອນໄຫວກວດກາລາດຕະເວນ, ສະກັດກັນການລັກລອບສິນຄ້າໜີພາສີພາຍໃນດ່ານ ແລະ ນອກດ່ານໄດ້ທັງໝົດ 44 ຄະດີ, ມີມູນຄ່າ 912,913,200 ກີບ. 

ສຳເລັດການສະສາງແລ້ວ 100%. ມາຮອດປະຈຸບັນນີ້ ດ່ານລະໄລ ສາມາດຈັດເກັບລາຍຮັບເຂົ້າງົບປະມານໄດ້ 32,588,093,532 ກີບ, ທຽບໃສ່ແຜນປີແມ່ນໄດ້ລື່ນແຜນເທົ່າກັບ 210.25%; ລາຍຮັບສ່ວນໃຫຍ່ແມ່ນໄດ້ຈາກປະເພດສິນຄ້ານ້ຳມັນເຊື້ອໄຟ, ເຄື່ອງກໍ່ສ້າງ, ເຄື່ອງໃຊ້ໄຟຟ້າ, ເຄື່ອງອຸປະໂພ ແລະ ບໍລິໂພກ. ພ້ອມດຽວກັນນັ້ນ, ກໍ່ໄດ້ເອົາໃຈໃສ່ໃນການເຊື່ອມຊືມມະຕິກອງປະຊຸມໃຫ່ຍຄັ້ງທີ X ຂອງສູນກາງພັກ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ເພື່ອເປັນການຜັນຂະຫຍາຍໃນການຈັດຕັ້ງໜ້າທີ່ວຽກງານ ແລະວິຊາສະເພາະຂອງຕົນຕາມຂອບເຂດສິດ-ໜ້າທີ່ຂອງໃຜມັນດ້ວຍຄວາມຮັບຜິດຊອບສູງ.

ທີ່ມາ: 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.