Header Ads

ເມືອງຕຸ້ມລານ ທຳລາຍສິນຄ້າໝົດອາຍຸ 12 ລາຍການ ມູນຄ່າ 1 ລ້ານກ່ວາກີບ



ແຂວງສາລະວັນ : ຫ້ອງການຫ້ອງການອຸດສາຫະກຳ-ການຄ້າເມືອງຕຸ້ມລານ ແຂວງສາລະວັນ ໄດ້ຈັດພິທີທໍາລາຍສິນຄ້າໝົດອາຍຸ ລວມມີ 12 ລາຍການ . ເຊິ່ງຍຶດມາໄດ້ຈາກຜູ້ຄ້າຂາຍຈຳນວນ 5 ຮ້ານ, ປະກອບມີສິນຄ້າປະເພດ: ເຄື່ອງດື່ມ, ອາຫານ, ເຂົ້າໜົມ, ເຄື່ອງສຳອາງ ແລະອຶ່ນໆ ລວມມູນຄ່າ 1 ລ້ານກວ່າກີບ ສໍາລັບການທໍາລາຍສິນຄ້າຄັ້ງນີ້, ແມ່ນໄດ້ທໍາລາຍດ້ວຍການຈູດ ຢູ່ສະຖານທີ່ເດີ່ນໂຮງໝໍເມືອງຕຸ້ມລ້ານ, ໂດຍພາຍໄຕ້ການເຂົ້າຮ່ວມຂອງທ່ານ ບົວຈັນ ແສນເມືອງ ຄະນະປະຈໍາພັກເມືອງ ຮອງເຈົ້າເມືອງໆຕຸ້ມລານ ຜູ້ຊີ້ນຳວຽກງານເສດຖະກິດເມືອງ, ທ່ານ ຄຳຜ່ານ ສີລາວີ ຮັກສາການຫົວໜ້າພະແນກອຸດສາຫະກຳ ແລະການຄ້າແຂວງສາລະວັນ, ມີແຂກຖືກເຊີນ, ບັນດາຄະນະກຳມະການກວດກາຄຸນະພາບສິນຄ້າພາຍໃນເມືອງທີ່ຖືກແຕ່ງຕັ້ງສະເພາະກິດ ແລະພະນັກງານວິຊາການຫ້ອງການເຂົ້າຮ່ວມ.



ທັງນີ້ ເພື່ອປຸກຈິດສໍານຶກໃຫ້ແກ່ຜູ້ບໍລິໂພກ ແລະ ຜູ້ປະກອບການທຸລະກິດຄ້າ-ຂາຍ ຕໍ່ການເຄົາລົບລະບຽບກົດໝາຍ ເພື່ອແນໃສ່ສົ່ງເສີມ ແລະປົກປ້ອງບັນດາຫົວໜ່ວຍທຸລະກິດການຄ້າ ທີ່ເຄື່ອນໄຫວຢ່າງຖືກຕ້ອງສອດຄ່ອງກັບລະບຽບກົດໝາຍ ໃຫ້ເປັນໄປຕາມເສດຖະກິດຕະຫຼາດ ທີ່ມີການດັດສົມຂອງລັດ ສົ່ງເສີມການຜະລິດສິນຄ້າ ປະກອບສ່ວນເຂົ້າໃນວຽກງານຄຸ້ມຄອງສິນຄ້າ ແລະ ປົກປ້ອງສິດຜົນປະໂຫຍດຂອງຜູ້ຊົມໃຊ້ຢູ່ໃນທົ່ວເມືອງ




ພາບ ແລະ ຂ່າວ: ແຂວງສາລະວັນ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.