Header Ads

ກອງປະຊຸມຖອດຖອນບົດຮຽນ ການສ້າງຄວາມເຂັ້ມແຂງຂອງບ້ານບີໝີ ຕາມທິດນຳ 3 ສ້າງ


ກອງປະຊຸມດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ 22 ພະຈິກ 2017 ນີ້. ຢູ່ທີສະໂມສອນເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງທ່ານ ບຸນມີ ຈັນທິບ ກຳມະການພັກແຂວງເລຂາພັກເມືອງ ເຈົ້າເມືອງໆເງິນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ພະນັກງານວິຊາການ ແລະ ນາຍບ້ານໆເປົ້າໝາຍ 3 ສ້າງເຂົ້າຮ່ວມ.


ກອງປະຊຸມ ທ່ານ ກອງຄຳ ປັນຍາສິດ ຫົວໜ້າຫ້ອງການພາຍໃນ ໄດ້ຂື້ນຜ່ານມບົດສະຫຼຸບ ການຈັດຕັ້ງປະຕິບັດ ວຽກງານຮອບດ້ານຂອງບ້ານບີໝີ ຕາມທິດນຳ 3 ສ້າງ. ຜ່ານການລົງຈັດຕັ້ງປະຕິບັດແຜນດຳເນີນງານ ສ້າງຄວາມເຂັ້ມແຂງ ໃຫ້ຂະແໜງການຂອງບ້ານບີໝີ ຕາມທິດນຳ 3 ສ້າງໃນຄັ້ງນີ້ ໃຊ້ເວລາ 2 ເດືອນ 14 ວັນ. ເຊີ່ງໄດ້ສຸ່ມໃສ່ປັບປຸງລະບົບການຈັດຕັ້ງຂອງບ້ານ, ສ້າງແຜນການ ແລະ ນຳພາເຄື່ອນໄຫວຕົວຈິງ ເຮັດໃຫ້ຂະແໜງການຂອງບ້ານໄດ້ມີຄວາມເຂັ້ມແຂງ  ຈົນສາມາດປະກາດເປັນບ້ານ ປະຕິບັດທິດນຳ 3 ສ້າງບ້ານທຳອິດຂອງເມືອງເງິນ ໃນວັນທີ 31 ຕຸລາ 2017 ຜ່ານມານີ້.



ຕອນທ້າຍຂອງກອງປະຊຸມ ກໍ່ໄດ້ພ້ອມກັນຄົ້ນຄົ້ວປະກອບຄຳຄິດເຫັນ ເພື່ອປັບປຸງແກ້ໄຂ ຂໍ້ຄົງຄ້າງ ເພື່ອເປັນບົດຮຽນ ໃນການສືບຕໍ່ ຈັດຕັ້ງປະຕິບັດຢູ່ ບ້ານ ນາງົວ ແລະ ບ້ານທອງ. ນີ້ກໍ່ເພື່ອເປັນການປັບປຸງຍົກລະດັບຄຸນນະພາບຂອງພະນັກງານ ໃຫ້ມີຄວາມໜັກແໜ້ນ, ເຂັ້ມແຂງ ໃນການເຮັດທົດລອງກັບທິດນຳ 3 ສ້າງໃຫ້ບັນລຸຕາມລະດັບຄາດໜາຍທີ່ວາງໄວ້.

ໂດຍ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.