Header Ads

ເມືອງເງິນ ຈັດພິທີ ສະເຫຼີມສະຫຼອງ 3 ວັນສຳຄັນຂອງວຽກງານກະສິກຳ


ເມືອງເງິນ ແຂວງໄຊຍະບູລີ ຈັດພິທີ ສະເຫຼີມສະຫຼອງ ວັນຊົນລະປະທານ ແຫ່ງຊາດ ວັນສັກຢາກັນພະຍາດສັດລ້ຽງແຫ່ງຊາດ ແລະ ວັນເປີດການນຳໃຊ້ນ້ຳ ເຂົ້າສູ່ການຜະລິດລະດູແລ້ງ ພິທີດັ່ງກ່າວໄດ້ຈັດຂື້ນ ໃນຕອນເຊົ້າຂອງວັນທີ 8 ພະຈິກ 2017 ນີ້ ຢູ່ທີ່ ຫໍປະຊຸມບ້ານ ນາຍາງຄໍາ.  ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານ ວິຊາການ, ສັດຕະວະແພດບ້ານ, ເລຂາໜ່ວຍພັກ ນາຍບ້ານເທດສະບານເມືອງ,ຕະຫຼອດຮອດ ພໍ່ແມ່ປະຊາຊົນ ແລະ ກຸ່ມຜູ້ນຳໃຊ້ນ້ຳ ຊົນລະປະທານເຂົ້າຮ່ວມ 150 ກວ່າຄົນ, ຍິງ 50 ຄົນ.  

ທ່ານ ບຸນສົດ ອິນທະປັນຍາ  ຮອງເລຂາພັກເຈົ້າເມືອງ ຮອງເຈົ້າເມືອງ ກໍ່ໄດ້ໃຫ້ກຽດຂື້ນກ່າວເປີດພິທີ ສະເຫຼີມສະຫຼອງ ວັນຊົນລະປະທານແຫ່ງຊາດ ວັນສັກຢາກັນພະຍາດສັດລຽ້ງແຫ່ງຊາດ ແລະ ວັນເປີດການນຳໃຊ້ນໍ້າເຂົ້າສູ່ການຜະລິດລະດູແລ້ງ ທີ່ໄດ້ໝູນວຽນມາບັນຈົບຄົບຮອບ ອີກວາລະໜື່ງ  .ທົ່ວເມືອງມີຊົນລະປະທານຖາວອນທັງໜົດ 23 ແຫ່ງ ປະຖົມປະຖານ 132 ແຫ່ງ, ສາມາດສະໜອງນ້ຳເຂົ້າໃສ່ການຜະລິດລະດູຝົນໄດ້ທັງໝົດ 702,29 ເຮັກຕາ,ແລະ ລະດູແລ້ງ 460 ເຮັກຕາ
ປະຈຸບັນ ທົ່ວເມືອງມີຝຸງສັດລ້ຽງທັງໝົດ 239.177 ໂຕ ໃນນີ້ມີ
  • ຄວາຍ 1.171 ໂຕ
  • ງົວ 8,092 ໂຕ
  • ໝູ 15.353 ໂຕ
  • ແກະ, ແບ້ 948 ໂຕ
  •  ແລະ ສັດປີກ 213.613 ໂຕ


 

ຕອນທ້າຍຄະນະປະທານ ຍັງໄດ້ເໜັ້ນໜັກ ໃຫ້ກຸ່ມຜູ້ຊົມໃຊ້ນ້ຳ ເອົາໃຈໃສ່ບົວລະບັດ ຮັກສາຊົນລະປະທານ ໃຫ້ມີຄວາມຢືນຍົງ ແລະ ສືບຕໍ່ສັກຢາປ້ອງກັນພະຍາດສັດລ້ຽງຂອງພໍ່ແມ່ປະຊາຊົນ ໃຫ້ ເຂົ້າສູ່ລະບົບເຕັກນິກວິຊາການ

ພາຍຫຼັງສຳເລັດພິທີ ຄະນະປະທານ, ແຂກ ກໍ່ໄດ້ພ້ອມກັນສັກຢາວັກຊີນໃຫ້ສັດລຽ້ງຂອງພໍ່ແມ່ປະຊາຊົນບ້ານບ້ານນາຍາງຄຳ ແລະ ເປີດປະຕູນໍ້າ ຊົນລະປະທານທີ່ອ່າງເກັບນ້ຳຫ້ວຍນານ້ອຍ ອີກດ້ວຍ.

ໂດຍ: ສຸລິຍາແສງເດືອນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.