Header Ads

ມອບຜູ້ຖືກຫາໃຫ້ແກ່ເຈົ້າໜ້າທີ່ດ່ານ ຕມ ສາກົນຂົວມິດຕະພາບ 4 ຊຽງຂອງ (ປະເທດໄທ)




 ໃນວັນທີ່ 27 ຕຸລາ 2017 ນີ້ດ່ານ ຕມ ສາກົນຂົວມິດຕະພາບ 4 ເມືອງຫ້ວຍຊາຍ, ແຂວງບໍ່ແກ້ວ ໄດ້ມອບຜູ້ຖືກຫາໃຫ້ແກ່ເຈົ້າໜ້າທີ່ດ່ານ ຕມ ສາກົນຂົວມິດຕະພາບ 4 ຊຽງຂອງ (ປະເທດໄທ) ພິທີດັ່ງກ່າວແມ່ນໄດ້ຈັດຂຶ້ນຢູ່ທີ່ຫ້ອງປະຊຸມດ່ານ ຕມ ສາກົນຂົວມິດຕະພາບ 4 ເມືອງຫ້ວຍຊາຍ, ແຂວງບໍ່ແກ້ວ.



ເຂົ້າຮ່ວມຝ່າຍລາວນຳໂດຍ ທ່ານ ພັຕ ສົມປອງ ແກ້ວປັນຍາ ຫົວໜ້າພະແນກ ຕມ ປກສ ແຂວງບໍ່ແກ້ວ, ຫົວໜ້າດ່ານ ຕມ ຂົວມິດຕະພາບ 4 ຝ່າຍໄທນຳໂດຍ ທ່ານ ພັທ ນາງ ຫະໄທລັດ ຈຸນລະສາດ ຫົວໜ້າດ່ານ ຕມ ຂົວມິດຕະພາບ 4 ຊຽງຂອງ, ແຂວງຊຽງຮາຍ, ປະເທດໄທ.



ອີງຕາມກອງປະຊຸມການຮ່ວມມືຮັກສາຄວາມສະຫງົບ,ຄວາມເປັນລະບຽບຮຽບຮ້ອຍຕາມຊາຍແດນລາວ-ໄທ(ແຂວງບໍ່ແກ້ວ-ແຂວງຊຽງຮາຍ ປະເທດໄທ) ໃນວັນທີ່ 27 ຕຸລາ 2017 ເຈົ້າໜ້າທີ່ຕຳຫຼວດກວດຄົນເຂົ້າ-ອອກເມືອງດ່ານສາກົນຂົວມິດຕະພາບ 4 ປກສ ແຂວງບໍ່ແກ້ວໄດ້ສົມທົບກັບພາກສ່ວນທີ່ກ່ຽວຂ້ອງໄດ້ມອບຮັບຜູ້ຖືກຫາຄະດີລັກເຂົ້າ-ອອກເມືອງແບບຜິດກົດໝາຍ ຊື່ ທ້າວ ໂກວິດ ແຊຊົງ ອາຍຸ 28 ປີ, ອາຊີບເຮັດໄຮ່, ເຊື້ອຊາດໄທ, ສັນຊາດໄທ, ຊົນເຜົ່າມົ້ງ, ຢູ່ບ້ານສາມ, ເມືອງເທີງ, ແຂວງຊຽງຮາຍ ປະເທດໄທ. ເຊິ່ງຜູ້ກ່ຽວໄດ້ມີຄະດີມີຢາເສບຕິດໄວ້ໃນຄອບຄອງຢູ່ປະເທດໄທ ແລ້ວໄດ້ເອົາຕົວຫຼົບໜີມາຢູ່ແຂວງບໍ່ແກ້ວໃນວັນທີ່ 1 ກັນຍາ 2017, ມາຮອດວັນທີ່ 6 ກັນຍາ 2017 ຈຶ່ງໄດ້ຖືກເຈົ້າໜ້າທີ່ ປກສ ແຂວງບໍ່ແກ້ວກັກຕົວໃນຂໍ້ຫາລັກລອບເຂົ້າ-ອອກເມືອງຜິດກົດໝາຍ.






ດັ່ງນັ້ນເຈົ້າໜ້າທີ່ດ່ານ ຕມ ສາກົນຂົວມິດຕະພາບ 4 ເມືອງຫ້ວຍຊາຍ, ແຂວງບໍ່ແກ້ວຈຶ່ງໄດ້ມອບຜູ້ຖືກຫາຄືນໃຫ້ເຈົ້າໜ້າທີ່ປະເທດໄທເພື່ອດຳເນີນຄະດີຕໍ່ໄປ ໂດຍການກ່າວມອບຂອງທ່ານ ພັຕ ສົມປອງ ແກ້ວປັນຍາ ຫົວໜ້າພະແນກ ຕມ ປກສ ແຂວງບໍ່ແກ້ວ, ຫົວໜ້າດ່ານ ຕມ ຂົວມິດຕະພາບ 4, ຝ່າຍໄທກ່າວຮັບໂດຍທ່ານ ພັທ ນາງ ຫະໄທລັດ ຈຸນລະສາດ ຫົວໜ້າດ່ານ ຕມ ຂົວມິດຕະພາບ 4 ຊຽງຂອງ, ແຂວງຊຽງຮາຍ ປະເທດໄທ.




ຂ່າວ: ຮຕ ລິນດາ ດວງປະເສີດ 
____

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.