Header Ads

ເມືອງໄຊຍະບູລີແຂວງໄຊຍະບູລີຈັດພິທີບວດວັງນໍ້າຂອງເພື່ອອະນຸລັກສັດນໍ້າເຂດເຂື່ອນໄຟຟ້ານໍ້າຂອງ






ໃນຕອນເຊົ້າ 29 ພະຈີກ 2017 ນີ້ ເມືອງໄຊຍະບູລີ ແຂວງໄຊຍະບູລີ ໄດ້ຈັດພິທີບວດວັງນໍ້າຂອງເພື່ອອະນຸລັກສັດນ້ຳເຂດເຂື່ອນໄຟຟ້ານ້ຳຂອງ ຈຸດໄຊຍະບູລີຂອງບ້ານຕະລານ, ບ້ານນາຕໍໃຫ່ຍ ແລະ ບ້ານປາກຮຸ່ງຂື້ນ ຢູ່ທີ່ເຂື່ອນໄຟຟ້ານໍ້າຂອງ. ໂດຍການເປັນກຽດເຂົ້າຮ່ວມຂອງທ່ານ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີ, ມີທ່ານ ຄໍາສິງ ສໍລະສຸກ ຄະນະປະຈໍາພັກແຂວງ ເລຂາພັກເມືອງ ເຈົ້າເມືອງໄຊຍະບູລີ, ມີຜູ້ຈັດການບໍລິສັດໄຊຍະບູລີພາເວີຈໍາກັດ, ອໍານວຍການໂຄງການຍົກຍ້າຍຈັດສັນບໍລິສັດພອນສະຫັວນຈໍາກັດຜູ້ດຽວ, ມີກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ແຂກຖືກເຊີນ, ພະເຖລານຸເຖລະ ພ້ອມດ້ວຍພໍ່ແມ່ປະຊາຊົນພາຍໃນເຂົ້າຮ່ວມ.




ໃນພິທີທີ່ມີຄວາມໝາຍສໍາຄັນນີ້ທ່ານ ຄໍາສິງ ສໍລະສຸກ, ຄະນະປະຈໍາພັກແຂວງ ເຈົ້າເມືອງໄຊຍະບູລີ ໄດ້ມີຄຳເຫັນຕໍ່ພິທີ ເຊີ່ງທ່ານໄດ້ກ່າວວ່າ: ຈຸດປະສົງຂອງການບວດວັງນໍ້າຂອງໃນຄັ້ງນີ້ກໍ່ ເພື່ອເປັນການປົກປັກຮັກສາສັດນໍ້າ, ແຫຼ່ງນໍ້າ, ວັງນໍ້າລຽບຕາມລໍານໍ້າຂອງ ແລະ ສາຍນໍ້າຕ່າງໆບໍ່ໃຫ້ບົກແຫ້ງ ເພື່ອເຮັດໃຫ້ທຳມະຊາດມີຄວາມອຸດົມສົມບູນ ອີກຢ່າງໜື່ງກໍ່ເພື່ອເປັນການປົກປັກຮັກສາສັດນໍ້າຫຼາຍສະນິດບໍ່ໃຫ້ສູນພັນ ເຊີ່ງໃນໄລຍະຜ່ານມາເມືອງໄຊຍະບູລີໄດ້ອອກນິຕິກຳ ແລະ ລະບຽບການຄຸ້ມຄອງປົກປັກຮັກສາ ແລະ ໂດຍແມ່ນມອບໃຫ້ທົ່ວປວງຊົນເປັນຜູ້ຕິດຕາມ,ກວດກາຮັກສາ, ຜ່ານມາເມືອງໄຊຍະບູລີໄດ້ບວດວັງນ້ຳເພື່ອອະນຸລັກສັດນ້ຳ ມາແລ້ວ 5 ຈຸດ ແລະ ການບວດວັງນໍ້າຂອງໃນຄັ້ງນີ້ ແມ່ນເປັນຈຸດທີ 6 ແລະ ກໍ່ເປັນຈຸດໃຫ່ຍກ່ວາໝູ່ ໂດຍໄດ້ປັກຫຼັກເຂດເໜືອເຂື່ອນ 2 ກິໂລແມັດ ແລະ ໃຕ້ເຂື່ອນ 1 ກິໂລແມັດ.



 ເພື່ອເຮັດໃຫ້ການບວດວັງນ້ຳຂອງໃນຄັ້ງນີ້ ໄດ້ຮັບຜົນດີທ່ານ ຄຳສິງ ສໍລະສຸກ ເຈົ້າເມືອງໄຊຍະບູລີ ໄດ້ຮຽກຮ້ອງມາຍັງຄະນະພັກທຸກຂັ້ນ, ພະນັກງານ, ທະຫານ, ຕໍາຫຼວດ, ນັກຮຽນ, ນັກສືກສາ, ພໍ່ຄ້າຊາວຂາຍ, ນັກທຸລະກິດ ຕະຫຼອດເຖີງພໍ່ແມ່ປະຊາຊົນພາຍໃນເມືອງໄຊຍະບູລີ ໂດຍສະເພາະແມ່ນບ້ານຕາລານ, ບ້ານນາຕໍໃຫ່ຍ ແລະ ບ້ານປາກຮຸ່ງ ຈົ່ງຮ່ວມແຮງຮ່ວມໃຈກັນປົກປັກຮັກສາ ແລະ ປ່ອຍປາລົງສູ່ແມ່ນ້ຳ, ແຫຼ່ງນ້ຳທຳມະຊາດ ເພື່ອຄືນຄວາມອຸດົມສົມບູນໃຫ້ທໍາມະຊາດ ແລະ ພ້ອມກັນອານຸລັກສັດນ້ຳນາໆສະນິດ ເພື່່ອເຮັດໃຫ້ຊັບພະຍາກອນລ້ຳຄ່າດັ່ງກ່າວມີຄວາມຍືນຍົງ ແລະ ຢູ່ຄຽງຄູ່ກັບພວກເຮົາຕະຫຼອດໄປ. 

ຈາກນັ້ນ ກໍ່ໄດ້ເຂົ້າສູພິທີທາງສາສະໜາ ເປັນຕົ້ນແມ່ນການໄຫ້ວພະຮັບສິນ, ສູດມຸງຄຸນ, ຖະຖວາຍທານ ແລະ ຮັບພອນຍາດນໍ້າ ເພື່ອເຮັດໃຫ້ການບວດວັງນໍ້າໃນຄັ້ງນີ້ມີຄວາມສັກສິດ. ຈາກນັ້ນພິທີການນໍາຂອງແຂວງຂອງເມືອງ ແລະ ແຂກ ກໍ່ໄດ້ເຂົ້າຮ່ວມພິທີລັນຄ້ອງ 9 ບາດ ມັດປ້າຍ ແລະ ປ່ອຍປາລົງສູ່ແມ່ນໍ້າຂອງ ເຊີ່ງປາທີ່ນໍາມາປ່ອຍ ປະກອບມີ: ປາປາກ, ປາໄນ, ປາອິນເດຍ ແລະ ປາດຸກ ລວມທັງໝົດ 5 ແສນກ່ວາໂຕ.

ພາບ ແລະ ຂ່າວ : ມີເດຍລາວ (ຂ່າວໄຊຍະບູລີ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.