Header Ads

ພາກສ່ວນຕ່າງໆປະກອບສ່ວນໃຫ້ແກ່ຄະນະກຳມະການຄາລະວານ ເພື່ອການກຸສົນເຊຊະລະລ໊ອງ ເມືອງທ່າປາງທອງ




ເພື່ອເປັນການປະກອບສ່ວນໃນຂະບວນຄາລະວານ ໂຄສະນາແຫຼ່ງທ່ອງທ່ຽວເພື່ອການກຸສົນ ທີ່ຈະໄດ້ຈັດຂື້ນໃນລະຫວ່າງວັນທີ 11 – 12 ພະຈິກ 2017,ຢູ່ເຂດຊົນລະປະທານ ເຊຊະລະລ໊ອງ ເມືອງທ່າປາງທອງ,ໂດຍການນໍາໜ້າພາທາງຂອງການນຳຂັ້ນສູງແຂວງສະຫວັນນະເຂດ,ອີກທັງເຮັດໃຫ້ກິດຈະກຳດຳເນີນໄປໄດ້ດ້ວຍດີກໍ່ຕ້ອງມີສ່ວນຮ່ວມຈາກຫຼາຍພາກສ່ວນ ຮ່ວມແຮງ ຮ່ວມໃຈເຮັດໃຫ້ງານກຸສົນໃນຄັ້ງນີ້ ແມ່ນເຕັມໄປດ້ວຍຮອຍຍີ້ມຈາກຜູ້ຮັບ ແລະ ຄວາມເຕັມໃຈຈາກຜູ້ໃຫ້ ດັ່ງນັ້ນນັບຕັ້ງແຕ່ມື້ເລີ່ມຕົ້ນຮັບບໍລິຈາກເຄື່ອງແຕ່ວັນທີ 6 - 9 ພະຈິກ 2017,ທີ່ຫ້ອງປະຊຸມພະແນກ ຖວທ ແຂວງ,ໄດ້ມີຫຼາຍພາກສ່ວນຕ່າງໆນຳເອົາເຄື່ອງອຸປະກອນການສຶກສາ ເພື່ອນ້ອງນັກຮຽນ ແລະ ຜ້າຫົ່ມ,ເສື້ອກັນໜາວ ເພື່ອໄປມອບໃຫ້ບັນດານ້ອງນັກຮຽນທີ່ຢູ່ຊົນນະບົດ,ເຂດຫ່າງໄກສອກຫຼີກໄດ້ຮັບຄວາມເອົາໃຈໃສ່ເບິ່ງແຍງດູແລໃນເວລາຂາດເຂີນ,ເຊິ່ງປະກອບມີພາສີປະຈຳດ່ານຂົວມິດຕະພາບ 2 ສະຫວັນນະເຂດ-ມຸກດາຫານ,ມອບປື້ມ ອຸປະກອນການຮຽນ ມູນຄ່າ 2 ລ້ານກວ່າກີບ,ທ່ານ ບຸນເສົາ ໄຊຍະສານ ມອບອຸປະກອນການຮຽນ ມູນຄ່າ 2 ແສນກວ່າກີບ,ຮ້ານຂາຍຢາ ໄຊຈະເລີນ ມອບເສື້ອກັນໜາວ,ເຄື່ອງກິລາ ມູນຄ່າ 3 ລ້ານກວ່າກີບ,ຄອບຄົວນາງ ມ່າງ ມີນົມຈຳນວນ 5 ແກັດ ມູນຄ່າ 5 ລ້ານກວ່າກີບ,ບໍລິສັດນໍ້າຕານມິດລາວ 8 ລ້ານກວ່າກີບ,ພະແນກການເງິນແຂວງ ມອບເຄື່ອງນຸ່ງຮົ່ມ ມູນຄ່າ 2 ລ້ານກວ່າກີບ,ຮ້ານລາວເຮົາ ມອບອຸປະກອນການຮຽນ ມູນຄ່າ 6 ແສນກວ່າກີບ,ລວມຍອດໄລຍະຂອງຜູ້ທີ່ມາບໍລິຈາກເຄື່ອງອຸປະກອນການຮຽນ,ຜ້າຫົ່ມ ແລະ ເຄື່ອງໃຊ້ຂອງສອຍຕ່າງໆ ມາຮອດວັນທີ 9 ພະຈິກ 2017,ມີມູນຄ່າທັງໝົດ 56 ລ້ານ 8 ແສນກວ່າກີບ.






ຂ່າວ: ອັກສອນສິນ ພົມມະຈັນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.