Header Ads

ພະແນກການເງິນແຂວງຄຳມ່ວນເຜີຍແຜ່ດຳເລັດວ່າດ້ວຍຄ່າທຳນຽມທາງ



ໃນວັນທີ 17 ພະຈິກ 2017ນີ້ຢູ່ທີ່ພະແນກການເງິນແຂວງຄຳມ່ວນໄດ້ຈັດເຜີຍແຜ່ລັດຖະ ບັນຍັດຂອງປະທານປະເທດເລກທີ 001/ປປທ, ວ່າດ້ວຍຄ່າທຳນຽມທາງໂດຍການເປັນກຽດ ເຂົ້າຮ່ວມຂອງ  ທ່ານ ບຸນມີ ພິມມະສອນ ຮອງເຈົ້າແຂວງໆ ຄຳມ່ວນ, ທ່ານ ບຸນເລັ່ງ ກຸນອາວົງ ຫົວໜ້າພະແນກການເງິນແຂວງ, ​ມີບັນດາພະແນກການອ້ອມຂ້າງ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງການເຜີຍແຜ່ໃນຄັ້ງນີ້ເພື່ອແນໃສ່ໃຫ້ບັນດາຜູ້ເຂົ້າຮ່ວມຮັບຮູ້ ແລະ ເຂົ້າໃຈກ່ຽວກັບລະບຽບການ, ຊອງທາງການ ສຳລະທີ່ສະດວກສະບາຍ, ງ່າຍ ແລະ ວ່ອງໄວຂຶ້ນ ເຊິ່ງລັດຖະບັນຍັດສະບັບນີ້ແມ່ນກຳນົດຫລັກການລະບຽບການ, ມາດຕະການ ກ່ຽວກັບການກຳນົດຄ່າທຳນຽມທາງປະຈຳປີເພື່ອຄຸ້ມຄອງລວມສູນ ແລະ ຈັດຕັ້ງປະຕິບັດຢ່າງເປັນເອກະພາບກັນໃນຂອບເຂດທົ່ວ ປະເທດ, ບຸກຄົນ ແລະ ນິຕິບຸກຄົນການຈັດຕັ້ງພາຍໃນ ແລະ ຕ່າງປະເທດທີ່ດຳເນີນການເຄື່ອນໄຫວຢູ່ ສປປ ລາວ ລ້ວນແຕ່ ມີພັນທະເສຍຄ່າທຳນຽມທາງ. ທັງນີ້ກໍ່ເພື່ອຮັບປະກັນໃຫ້ແຫລ່ງລາຍຮັບຈາກຄ່າທຳນຽມທາງຕ້ອງມອບເຂົ້າງົບປະມານແຫ່ງລັດ ຢ່າງລວມສູນຕາມທີ່ກຳນົດໄວ້ໃນກົດໝາຍວ່າດ້ວຍງົບປະມານແຫ່ງລັດ. ເຊິ່ງການສຳລະຄ່າທຳນຽມທາງແມ່ນສາມາດສຳລະໄດ້ໂດຍ ຜ່ານ 5 ຊ່ອງທາງຄື : ຜ່ານເຄົາເຕີ້ບໍລິການທະນາຄານ BCEL, ຜ່ານ BCEL one, ຜ່ານຕູ້ ATM ຂອງ BCEL , ຜ່ານຕູ້ຮັບສຳ ລະອັດຕະໂນມັດ ແລະ ຜ່ານຕົວແທນ BCOM
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.