Header Ads

ຄະນະຜູ້ແທນລາວເຂົ້າຮ່ວມພິທີເປີດງານວາງສະແດງການທ່ອງທ່ຽວສາກົນຢູ່ຄຸນຫມິງ





ໃນລະຫວ່າງວັນທີ 17-19 ພະຈິກນີ້ ຄະນະຜູ້ແທນລາວ ນຳໂດຍທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ເຂົ້າຮ່ວມພິທີເປີດງານວາງສະແດງການທ່ອງທ່ຽວສາກົນ China International Travel Mart ( CITM ) ທີ່ນະຄອນຄຸນໝິງ ສປ ຈີນ. ໃນງານຄັ້ງນີ້ ມີຮ້ານວາງສະແດງກ່ຽວກັບວຽກງານທ່ອງທ່ຽວຈຳນວນ 351 ຮ້ານທີ່ມາຈາກຫົວໜ່ວຍທຸລະກິດທ່ອງທ່ຽວຈາກ 71 ປະເທດ ໃນນັ້ນລວມທັງຮ້ານວາງສະແດງຂອງລາວ.

 
ໃນໂອກາດນີ້ ທ່ານຮອງລັດຖະມົນຕີ ໄດ້ຮັບກຽດຂຶ້ນກ່າວຄຳເຫັນຕໍ່ພິທີ ເຊິ່ງທ່ານໄດ້ຍົກໃຫ້ເຫັນຄວາມສຳຄັນຂອງງານວາງສະແດງການທ່ອງທ່ຽວສາກົນດັ່ງກ່າວ ໂດຍຖືເປັນໂອກາດອັນດີໃຫ້ແກ່ບັນດາຫົວໜ່ວຍທຸລະກິດທ່ອງທ່ຽວຂອງປະເທດຕ່າງໆໃນໂລກ ເພື່ອພົບປະແລກປ່ຽນແລະ ຊື້-ຂາຍແລກປ່ຽນຜະລິດຕະພັນທ່ອງທ່ຽວນຳກັນ. ສຳລັບ ສປ ຈີນ ຊຶ່ງເປັນຕະຫຼາດທ່ອງທ່ຽວທີ່ໃຫຍ່ ແລະ ສຳຄັນ ສຳລັບພາກພື້ນອາຊຽນ, ກໍ່ຄື ພາກພື້ນອື່ນໆ ເວົ້າລວມ ແລະ ສຳລັບການທ່ອງທ່ຽວຂອງ ສປປ ລາວ ເວົ້າສະເພາະ, ໃນປີ 2016 ມີນັກທ່ອງທ່ຽວຈີນ ເຂົ້າມາທ່ອງທ່ຽວລາວ ຈຳນວນ 545,493 ຄົນ. 
 
ເມື່ອບໍ່ດົນມານີ້, ລັດຖະບານລາວກໍ່ໄດ້ປະກາດປີທ່ອງທ່ຽວລາວ 2018 ແລະ ໄດ້ເຊີນຊວນບັນດາປະເທດເພື່ອນມິດໃນໂລກໃຫ້ເດີນທາງມາທ່ຽວຊົມປະເທດລາວໃຫ້ຫລາຍຂຶ້ນ
ກ່ວາເກົ່າ.


ນອກຈາກໄດ້ເຂົ້າຮ່ວມງານດັ່ງກ່າວນີ້ແລ້ວ, ຄະນະຜູ້ແທນລາວ ຍັງໄດ້ເຂົ້າຮ່ວມພິທີປິດກອງປະຊູມສະຫຼຸບປີການຮ່ວມມືທ່ອງທ່ຽວອາຊຽນ - ຈີນ 2017 ຕື່ມອີກ. 


ພາບ ແລະ ຂ່າວ:: ວິທະຍຸກະຈາຍສຽງແຫ່ງຊາດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.