Header Ads

ກວດລົດໂດຍສານ ບໍ່ແກ້ວ-ຫຼວງພະບາງ ພົບຢາບ້າ 60.000 ເມັດ!!!




ໃນເວລາປະມານ 17:30 ໂມງ ຂອງວັນທີ 17 ພະຈິກ 2017, ເຈົ້າໜ້າທີ່ຕຳຫຼວດໜ່ວຍສະເພາະກິດແຂວງບໍ່ແກ້ວ ປະຈຳຈຸດກວດກາບ້ານນາຫຼວງ ເມືອງຫ້ວຍຊາຍ ແຂວງບໍ່ແກ້ວ ໄດ້ກວດຄົ້ນລົດເມໂດຍສານບໍ່ແກ້ວ-ຫຼວງບາງບາງ ພົບຢາບ້າຈໍານວນ 30 ມັດ ເທົ່າ 60.000 ເມັດ ພ້ອມຜູ້ຖືກຫາຊື່ທ້າວ ບຸນທັນວ່າງ ອາຍຸ 21 ປີ ບ້ານແກ້ວດອກແຄ ເມືອງ ແລະ ແຂວງຫຼວງພະບາງ ມາດໍາເນີນຄະດີ.

 

ເຈົ້າໜ້າທີ່ວິຊາສະເພາະໃຫ້ຮູ້ວ່າ: ໄດ້ສຶບຮູ້ຈະມີກຸ່ມຄົນບໍ່ດີຂົນສົ່ງຢາເສບຕິດຈາກ ແຂວງບໍ່ແກ້ວໄປແຂວງຫຼວງ ພະບາງດ້ວຍລົດໂດຍສານປະຈໍາສາຍທາງ. ດັ່ງນັ້ນ, ຈຶ່ງປະສານກັບເຈົ້າໜ້າທີ່ປະຈໍາຈຸດກວດບ້ານນາຫຼວງ ເມືອງ ຫ້ວຍຊາຍ ເພື່ອສະກັດລົດເປົ້າໝາຍ ແລະ ກວດຄົ້ນສາມາດພົບເຫັນຢາເສບຕິດປະເພດຢາບ້າຈຳນວນ 30 ມັດ ເທົ່າກັບ 60.000 ເມັດ, ຊຸກເຊື່ອງຢູ່ໃນກະເປົາເຄື່ອງຂອງຜູ້ໂດຍສານ, ເຊິ່ງເປັນກະເປົາຂອງທ້າວ ບຸນທັນວ່າງ ອາຍຸ 21 ປີ; ເຈົ້າໜ້າທີ່ ຈຶ່ງໄດ້ນໍາຕົວຜູ້ກ່ຽວມາທໍາການສືບສວນ-ສອບສວນ ແລະ ຜູ້ກ່ຽວຮັບສາລະພາບວ່າ: ຢາບ້າຈຳ ນວນດັ່ງກ່າວແມ່ນຂອງຜູ້ກ່ຽວແທ້, ເຊິ່ງທ້າວ ເນັ່ງ ( ຄົນໄທ ) ແນະນໍາວ່າມີພໍ່ລ້ຽງຄົນໄທຕ້ອງການໃຫ້ຂົນສົ່ງຢາ ບ້າຈຳນວນດັ່ງກ່າວໄປໃຫ້ລູກຄ້າຢູ່ແຂວງຫຼວງພະບາງ. ຈາກນັ້ນ, ຈຶ່ງໄດ້ໄປຮັບເອົາຢາບ້າຈຳນວນດັ່ງກ່າວນຳພໍ່ລ້ຽງ ຄົນໄທ ( ບໍ່ຮູ້ຊື່ ) ຢູ່ແຄມນ້ຳຂອງເຂດຂົວມິດຕະພາບ 4, ເພື່ອຈະນໍາເອົາຢາບ້າຈໍານວນດັ່ງກ່າວໄປໃຫ້ລູກຄ້າ ຢູ່ແຂວງຫຼວງພະບາງ ແຕ່ຖືກເຈົ້າໜ້າທີ່ຈັບໄດ້ກ່ອນ.

ປັດຈຸບັນ, ເຈົ້າໜ້າທີ່ໄດ້ກັກຕົວຜູ້ກ່ຽວໄວ້ເພື່ອທໍາການສືບສວນ-ສອບສວນຫາກຸ່ມແກ້ງ ຄ້າ-ຂາຍຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍຕໍ່ໄປ.


ພາບ ແລະ ຂ່າວ:  ນສພ ຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.