Header Ads

ຄວາມຄືບໜ້າການກະກຽມງານສະເຫຼີມສະຫຼອງ ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະເດັກນ້ອຍທົ່ວແຂວງເຊກອງປະຈຳປີ2017







(ເມືອງກະລຶມ) ໃນວັນທີ 20 ພະຈິກ 2017 ນີ້ ເມືອງກະລຶມ ຈັດກອງປະຊຸມລາຍງານຄວາມຄືບໜ້າການກະກຽມງານສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍທົ່ວແຂວງເຊກອງ ປະຈຳປີ2017 ໂດຍການເຂົ້າຮ່ວມຂອງ ທ່ານ ບຸນໄຫຼ ບຸດຕະວົງ ກຳມະການພັກແຂວງ,ເລຂາພັກເມືອງ,ເຈົ້າເມືອງ, ເມືອງກະລຶມ ມີບັນດາຄະນະກຳມະການຈັດງານພ້ອມດ້ວຍ ອຳນາດການປົກຄອງບ້ານເຂົ້າຮ່ວມຢ່າງພ້ອມພຽງ.



ທ່ານ ສາຍຄຳ ແກ້ວບຸນປານ ຮອງເຈົ້າເມືອງກະລຶມກ່າວວ່າ: ຜ່ານການເຄື່ອນໄຫວຈັດຕັ້ງປະຕິບັດວຽກງານກະກຽມສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງແລະເດັກນອຍ ປະຈຳປີ2017 ທີ່ເມືອງກະລຶມໄດ້ຮັບກຽດເປັນເຈົ້າພາບ, ເຊີ່ງໂຄງການດັ່ງກ່າວໄດ້ເລີ່ມຈັດຕັ້ງປະຕິບັດມາແຕ່ຕົ້ນເດືອນ ຕຸລາ 2017 ມາຮອດປັດຈຸບັນນີ້ ໂດຍລວມເຫັນວ່າສຳເລັດຫຼາຍກົ່ວ 90% ໂດຍສະເພາະວຽກງານດ້ານເນື້ອໃນ , ວາລະການດຳເນີນພິທີ,ບົດກ່າວປິດ-ເປີດ,ຮ່າງຂໍ້ຕົກລົງຂອງທ່ານເຈົ້າເມືອງວ່າດ້ວຍອະນຸມັດເປີດງານ,ບັດເຊີນ,ປະຫວັດຄວາມເປັນມາຂອງວັນດັ່ງກ່າວ ແລະ ບົດສະຫຼົບການເຄື່ອນໄຫວວຽກງານພາຍໃນ 1 ປີ ສຳເລັດ 96%,ວຽກງານອະນຸເສດຖະກິດສຳເລັດ 90% ໃນນັ້ນໄດ້ສັງລວມ ກຳນົດແຜນງົບປະມານຮັບໃຊ້ໃນງານທັງໝົດ 56.446.000 ກີບ ແລະ ໄດ້ຮັບແລ້ວຈາກການລະດົມທຶນຈຳນວນ 25.820.000 ກີບ,ວຽກງານອະນຸຂະບວນການຕັ້ງໜ້າຊຸກຍູ້ປຸກລະດົມບັນດາສໍານັກງານອົງການຕ່າງໆຕະຫຼອດຮອດພໍ່ແມ່ປະຊາຊົນບັນດາເຜົ່າຕ້ອງໄດ້ພ້ອມກັນອະນາໄມ ປະດັບປະດາເອ້ຍ້ອງ ກະກຽມສະຖານທີຈັດງານໃຫ້ເປັນລະບຽບຮຽບຮ້ອຍ ມີຄວາມສວຍງາມສຳເລັດ 95%,ວຽກອະນຸຮັບແຂກແມ່ນກະກຽມສະຖານທີ່ພັກເຊົາ ກິນ-ດື່ມ ໄວ້ຮອງຮັບແຂກ ສຳເລັດ 97% ,ວຽກງານສີລະປະວັນນະຄະດີສຳເລັດ 85%,ວຽກງານກິລາ 95% ແລະ ວຽກງານປ້ອງກັນຊາດປ້ອງກັນຄວາມສະຫງົບສຳເລັດ 98% ພ້ອມດຽວກັນ ບັນດາທ່ານຄະນະກຳມະການກໍ່ໄດ້ຜັດປ່ຽນກັນປະກອບຄຳຄິດຄຳເຫັນ ເພື່ອແກ້ໄຂໜ້າວຽກທີ່ຍັງຄ້າງຄາໃຫ້ສຳເລັດກ່ອນມື້ງານທີ່ຈະມີຂື້ນໃນວັນທີ 25 ພະຈິກ 2017.



ໂອກາດນີ້ ທ່ານ ບຸນໄຫຼ ບຸດຕະວົງ ກຳມະການພັກແຂວງ,ເລຂາພັກເມືອງ,ເຈົ້າເມືອງກະລຶມ ກໍ່ໄດ້ຮຽກຮ້ອງມາຍັງພາກລັດ,ເອກະຊົນ,ຜູ້ປະກອບການທຸລະກິດ,ພະນັກງານລັດຖະກອນ, ສອງກໍາລັງປະກອບອາວຸດ ພ້ອມດ້ວຍປະຊາຊົນບັນດາເຜົ່າທຸກທົ່ວໜ້າ ຕະຫຼອດຮອດບັນດາອົງການຈັດຕັ້ງສາກົນຕ່າງໆ ຈົ່ງໃຫ້ການຮ່ວມມື, ຮ່ວມແຮງຮ່ວມໃຈກັນ ປະກອບສ່ວນເປັນເຈົ້າພາບທີ່ດີໃນການຈັດງານ ສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງແລະເດັກນອ້ຍທົ່ວແຂວງເຊກອງປະຈຳປີ2017 ໃຫ້ມີບັນຍາກາດຟົດຟື້ນມີຄວາມໝາຍສໍາຄັນ ທັງນີ້ກໍ່ເພື່ອເປັນການດຶງດຸດນັກທ່ອງທ່ຽວໃຫ້ເຂົ້າມາທ່ຽວເມືອງກະລືມຫຼາຍຂື້ນ.


ຂ່າວ: ທ ອັດສະວິນ ແສງສີຈັນ(ຂ່າວເຊກອງ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.