Header Ads

ສະມາຄົມມິດຕະພາບລາວ-ຫວຽດນາມພົບປະແລກປ່ຽນບົດຮຽນ





ເຊກອງ,ວັນທີ 09/11/2017 : ກອງປະຊຸມພົບປະ ແລະ ແລກປ່ຽນບົດຮຽນລະຫວ່າງ ສະມາຄົມມິດຕະ ພາບລາວ-ຫວຽດນາມແຂວງເຊກອງ ສປປ ລາວ ກັບ ສະມາຄົມມິດຕະພາບຫວຽດນາມ-ລາວ ແຂວງກອນຕູມ, ກວາງນາມ ແລະ ແຂວງດັກລັກ ສສ ຫວຽດນາມໄດ້ມີຂຶ້ນໃນວັນທີ 9 ພະຈິກ 2017 ທີ່ຫ້ອງປະຊຸມພະແນກການເງິນແຂວງເຊກອງ ສປປ ລາວ.

ໃຫ້ກຽດເຂົ້າຮ່ວມໃນກອງປະຊຸມຝ່າຍແຂວງເຊກອງ ນຳໂດຍທ່ານ ຄຳພຽມ ບົວລະພາ ຮອງເລຂາພັກແຂວງ, ປະທານສະມາຄົມມິດຕະພາບລາວ-ຫວຽດນາມແຂວງເຊກອງ ສປປ ລາວ; ທ່ານ ນາງ ອີເມືອງ ຮອງປະທານສະມາຄົມແຫ່ງຊາດຫວຽດນາມແຂວງ, ຮອງປະທານສະມາຄົມມິດຕະພາບຫວຽດນາມ -ລາວແຂວງກອນຕູມ, ມີຄະນະບໍລິຫານງານສະມາຄົມມິດຕະພາບລາວ-ຫວຽດນາມ, ຫວຽດນາມ-ລາວແຂວງເຊກອງ, ກວາງນາມ ແລະ ແຂວງດັກລັກເຂົ້າຮ່ວມ.
ໂອກາດນີ້ ທ່ານ ຄຳພຽມ ບົວລະພາບ ໄດ້ກ່າວວ່າ: ກອງປະຊຸມພົບປະ ແລະ ແລກປ່ຽນບົດຮຽນຄັ້ງນີ້ ແມ່ນມີຄວາມໝາຍສຳຄັນ ຊຶ່ງເປັນປີທີ່ມີຄວາມໝາຍສຳຄັນ ໂດຍສະເພາະແມ່ນປີສະເຫຼີມສະຫຼອງ 2 ວັນປະຫວັດສາດຄື: ວັນເຊັນສົນທິສັນຍາມິດຕະພາບ ແລະ ການຮ່ວມມືຄົບຮອບ 40 ປີ (18 ກໍລະກົດ 1977 - 18 ກໍລະກົດ 2017) ແລະ ວັນສ້າງຕັ້ງສາຍພົວ ພັນການທູດຄົບຮອບ 55 ປີ (5 ກັນຍາ 1962 - 5 ກັນຍາ 2017). ແນວໃດກໍ່ດີ ລາວ-ຫວຽດນາມເປັນປະເທດບ້ານໃກ້ເຮືອນຄຽງ ມີຊາຍແດນຮ່ວມກັນຍາວແຕ່ເໜືອເຖິງໃຕ້, ຮ່ວມໃຊ້ສາຍນ້ຳດຽວກັນປະຊາຊົນມີມູນ ເຊື້ອໄປມາຫາສູ່ກັນ, ໄດ້ກາຍເປັນຂີດໝາຍອັນສຳຄັນໃນການປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດ ຕະ-ພາບລະຫວ່າງສອງປະເທດເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນນັບມື້ນັບເພີ່ມພູນຄູນສ້າງຂື້ນເລື້ອຍໆ.


ໃນວາລະກອງປະຊຸມດັ່ງກ່າວ ຄະນະຜູ້ແທນກອງປະຊຸມພົບປະ ແລະ ແລກປ່ຽນບົດຮຽນລະຫວ່າງສະມາຄົມມິດຕະພາບລາວ-ຫວຽດນາມແຂວງເຊກອງ ກັບ ສະມາຄົມມິດຕະພາບຫວຽດນາມ-ລາວແຂວງກອນຕູມ, ກວາງນາມ ແລະ ແຂວງດັກລັກຍັງໄດ້ມີການປະກອບຄຳຄິດຄຳເຫັນ, ພົບປະແລກປ່ຽນບົດຮຽນ ແລະ ລາຍງານສະພາບການເຄື່ອນໄຫວວຽກງານ, ການພົວພັນຮ່ວມມືກັນໃນໄລຍະຜ່ານມາ ແລະ ກຳນົດທິດທາງແຜນການໃນຕໍ່ໜ້າ.


ຂ່າວ-ພາບ : ສັນຍາ (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.