Header Ads

ເຈົ້າໜ້າທີ່ວິຊາສະເພາະທໍາລາຍປ້າຍພາຫານະທີ່ໃຊ້ການບໍ່ໄດ້ທຸກປະເພດ



ໂດຍປະຕິບັດຕາມ ຄຳສັ່ງຂອງທ່ານນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ,ຄຳສັ່ງແນະນຳຂອງລັດຖະມົນຕີກະຊວງ ປ້ອງກັນຄວາມສະຫງົບ ກໍ່ຄືຂໍ້ຕົກລົງຂອງກອງບັນຊາການ ປກສ ແຂວງອຸດົມໄຊ ສະບັບເລກທີ່ 493/ປອຊ. ລົງວັນທີ 08 ກັນຍາ 2017 ວ່າດ້ວຍການທຳລາຍແຜ່ນປ້າຍພາຫານະທຸກປະເພດທີ່ຫັກ,ຂາດ,ເປ່ເພ ແລະ ໃຊ້ການບໍ່ໄດ້. ດັ່ງນັ້ນຕອນບ່າຍຂອງວັນທີ 24 ພະຈິກ 2017 ,ຢູ່ທີ່ພະແນກຕຳຫຼວດຈະລາຈອນ ກອງບັນຊາການ ປກສ ແຂວງອຸດົມໄຊ ຈິງໄດ້ຈັດພິທີທຳລາຍແຜ່ນປ້າຍຈຳນວນດັ່ງກ່າວຂື້ນຢ່າງເປັນທາງການ, ໂດຍການເຂົ້າຮ່ວມຂອງທ່ານ ພັທ ບຸນທອງ ວານວົງສາ ຄະນະພັກຫ້ອງຕຳຫຼວດ ຜູ່ຊີ້ນຳວຽກງານຕຳຫຼວດຈະລາຈອນ ແລະ ມອດໄຟ ປກສ ແຂວງອຸດົມໄຊ. ເຂົ້າຮ່ວມມີຜູ່ຕ່າງໜ້າຈາກບັນດາຫ້ອງ,ກອງ,ບັນດາພະແນກທີ່ກຽ່ວຂ້ອງ,ມີຄະນະພະແນກ,ຄະນະກອງ ຕະຫຼອດຮອດພະນັກງານ-ນັກຮົບພາຍໃນພະແນກດັ່ງກ່າວເຂົ້າຮ່ວມ.





ສະຫາຍ ພັຕ ບຸນລຽນ ໄຊຍະວົງ ຮອງຜູ້ຮັກສາການຫົວໜ້າພະແນກຕຳຫຼວດຈະລາຈອນ ປກສ ແຂວງອຸດົມໄຊ ໄດ້ຂື້ນຜ່ານບົດສະຫຼຸບຕໍ່ພິທີວ່າ: ຈຳນວນແຜ່ນປ້າຍທີ່ໄດ້ນຳມາຕັດທຳລາຍຖີ້ມໃນຄັ້ງນີ້ມີທັງໝົດຈຳນວນ 213 ປ້າຍ(ຄູ່) ແລະ 131 ປ້າຍ ,ໃນນີ້ມີ 3 ປະເພດປ້າຍຄື: 1. ປະເພດປ້າຍໂອນ, 2. ປ້າຍປອມ ,3. ປ້າຍຕົກເຮ່ຍ ນອກນັ້ນຍັງມີປະເພດປ້າຍເກົ່າ,ປ້າຍຫັກ ແລະ ອື່ນໆ; ລວມທັງປ້າຍລົດໃຫຍ-ລົດຈັກ ແລະ ມີທຸກປະເພດປ້າຍທີ່ໄດ້ຈາກການກວດກາພົບເຫັນ,ການປຽ່ນຖ່າຍ ແລະ ອື່ນໆ,ເຊິ່ງເປັນປ້າຍທີ່ບໍ່ສາມາດນຳໃຊ້ໄດ້ອີກຕໍ່ໄປ ທາງເຈົ້າໜ້າທີ່ພວກເຮົາໄດ້ທ້ອນໂຮມມາແຕ່ປີ 2012 ເປັນຕົ້ນມາ. ເພື່ອຄວາມສະຫງົບ,ຄວາມເປັນລະບຽບຮຽບຮ້ອຍ ແລະ ຍັງເປັນການສະກັດກັ້ນ,ປ້ອງກັນບັນຫາຕ່າງໆທີ່ຕາມມາ ເວົ້າລວມ,ເວົ້າສະເພາະຕໍ່ພາຫານະທຸກປະເພດໃຫ້ນັບມື້ມີຄວາມເປັນລະບຽບຮຽບຮ້ອຍດີຂື້ນ.

ຈາກນັ້ນຄະນະປະທານ,ຄະນະຮັບຜິດຊອບ ແລະ ພະນັກງານ-ນັກຮົບກໍ່ໄດ້ພ້ອມກັນລົງມືຜັດປຽ່ນກັນຕັດບັນດາແຜ່ນປ້າຍແຕ່ລະປະເພດ ເພື່ອເປັນການທຳລາຍາຖີ້ມຢ່າງເປັນທາງການ.

ພາບ– ຂ່າວ: ປກສ ແຂວງອຸດົມໄຊ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.