Header Ads

ນັກທຸລະກິດແຂວງຫູໜານ ສປຈີນ ສົນໃຈຊື້ເຂົ້າໄກ່ນ້ອຍໄປຂາຍຢູ່ຕະຫຼາດຈີນ




ພິທີເຊັນສັນຍາບົດບັນທຶກຮ່ວມມືສອງຝ່າຍຈັດຂຶ້ນໃນມື້ເປີດງານເທດສະການບຸນເຂົ້າໄກ່ນ້ອຍເມື່ອວັນທີ 19 ພະຈິກ 2017 ຜ່ານມາ ທີ່ສວນພູຄຳ ເຊິ່ງເປັນການລົງນາມຮ່ວມກັນຂອງທ່ານ ພູຄຳ ອົ້ວນວນສາ, ປະທານກຸ່ມວິສາຫະກິດສວນພູຄຳ ກັບ ທ່ານ ZENG WEN ZHI ນັກທຸລະກິດຈາກແຂວງຫູໜານ ສປ ຈີນ ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ຄໍາແສນ ມະນີວົງ ຮອງເຈົ້າ ແຂວງຊຽງຂວາງ, ທ່ານ ສີວິໄລ ແສງຈະເລີນ ເຈົ້າເມືອງໆແປກ ພ້ອມດ້ວຍພະແນກການອ້ອມຂ້າງເຂົ້າຮ່ວມຢ່າງພ້ອມພຽງ.





ທ່ານ ພູຄຳ ອົ້ວນວນສາ ປະທານກຸ່ມວິສາຫະກິດສວນພູຄຳ ໃຫ້ສຳພາດວ່າ: ຈຸດປະສົງຂອງການເຊັນບົດບັນທຶກຮ່ວມທຸລະກິດສອງຝ່າຍໃນຄັ້ງນີ້ ກໍ່ເພື່ອຊ່ວຍກັນພັດທະນາໂຄງການຕ່າງໆທີ່ມີຢູ່ແລ້ວໃຫ້ມີໂສມໜ້າໃໝ່ເພື່ອດຶງດູດນັກທຸລະກິດທັງພາຍໃນ ແລະ ຕ່າງປະເທດ ທັງເປັນການຍົກລະດັບມູນຄ່າການຄ້າຂອງສວນພູຄຳໃຫ້ສູງຂຶ້ນ ໂດຍ ທ່ານ ZENG WEN ZHI ທີ່ເປັນນັກທຸລະກິດຈາກແຂວງຫູໜານ ສປ ຈີນ ໄດ້ມີຄວາມສົນໃຈມາລົງທຶນຮ່ວມກັບພວກເຮົາ ເຊິ່ງເຂົາເຈົ້າມີເງິນມາຮ່ວມລົງທຶນ 1,888,888 ໂດລາສະຫາລັດ ໃນໄລຍະ 5 ປີ.

ສຳລັບຜົນຕອບແທນນັກທຸລະກິດຈີນຈະໄດ້ຮັບ 10% ຂອງຕົ້ນທຶນມາຮ່ວມທຸລະກິດໃນການສະຫຼຸບທ້າຍປີ. ໃນນັ້ນ, ທ່ານ ZENG WEN ZHI ຈະເປັນຜູ້ຊື້ເຄື່ອງຈັກເພື່ອມາປຸງແຕ່ງເຂົ້າໄກ່ນ້ອຍແລ້ວສົ່ງໄປຂາຍຢູ່ຕະຫຼາດ ສປ ຈີນ, ສ່ວນການຊື້-ຂາຍພາຍໃນ ສປປ ລາວ ທາງກຸ່ມວິສາຫະກິດຈະເປັນຜູ້ຮັບຜິດຊອບພຽງຜູ້ດຽວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.