Header Ads

10 ເດືອນ ບໍລິຄໍາໄຊ ສາມາດເກັບລາຍຮັບໄດ້ກວ່າ 600 ຕື້ກີບ



ການຈັດຕັ້ງປະຕິບັດ ແຜນການເກັບລາຍຮັບງົບປະມານ 10 ເດືອນຜ່ານ​ມາ ຂອງ​ພະ​ແນ​ກການ​ເງິນ ​ແຂວງ​ບໍລິ​ຄຳ​ໄຊ ບັນລຸໄດ້ທັງໝົດ 613,85 ຕື້ກີບ, ເທັ່າ 110,32 % ຂອງແຜນການປີ, ທຽບໃສ່ໄລຍະ ດຽວກັນ ເພີ່ມຂຶ້ນ 55,30%. ໃນນັ້ນ, ລາຍຮັບພູດສູນກາງປະຕິບັດໄດ້ 462,03 ຕື້ກີບ, ສະ​ເພາະດ່ານພາສີສາກົນປາກຊັນ ປະຕິບັດໄດ້ 162,25 ຕື້ກີບ, ດ່ານພາສີສາກົນນໍ້າພ້າວ ປະຕິບັດ ໄດ້ 284,76ຕື້ກີບ, ກອງກວດກາພາສີ ປະຕິບັດໄດ້ 11,08 ຕື້ກີບ, ຄ່າທໍານຽມວີຊາ ປະຕິບັດໄດ້ 0,63 ຕື້ກີບ, ລາຍຮັບຈາກການຂາຍໄມ້ ປະຕິບັດໄດ້ 2,99ຕື້ກີບ, ຄຸ້ມຄອງວິສະຫະກິດ ປະຕິບັດໄດ້ 0,03 ຕື້ກີບ.




ສ່ວນລາຍຮັບພູດທ້ອງຖິ່ນ ປະຕິບັດໄດ້ 151,81ຕື້ກີບ ເທົ່າກັບ 90,65% ຂອງແຜນການ. ໃນນັ້ນ, ສ່ວຍສາອາກອນປະຕິບັດໄດ້ 145,03 ຕຶ້ກີບ, ຊັບສິນປະຕິບັດໄດ້ 6,71ຕຶ້ກີບ, ຄຸ້ມຄອງວິສະຫະກິດ ປະຕິບັດໄດ້ 0,06 ຕຶ້ກີບ. ສັງລວມແລ້ວໃນໄລຍະ 10 ເດືອນຜ່ານມາທົ່ວແຂວງ ສາມາດຈັດ ກັບລາຍຮັບໄດ້ເກີນແຜນ ທັງພູດສູນກາງ ແລະ ພູດທ້ອງຖິ່ນ ຕາມແຜນກະຊວງກໍານົດໄວ້.


ຜົນສຳ​ເລັດ​ການ​ປະຕິບັດ​ລາຍ​ຮັບ​ຄັ້ງ​ນີ້ ໄດ້​ຮັບ​ການ​ຊີ້​ແຈງ​ຕໍ່ກອງ​ປະຊຸມສະຫລຸບ​ຕີ​ລາຄາ ຂອງ​ພະນກການ​ເງິນ​ແຂວງ​ບໍລິ​ຄຳ​ໄຊ ​ເມື່ອ​ບໍ່ດົນ​ມາ​ນີ້, ໃຫ້ກຽດເປັນປະທານໂດຍທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິຄໍາໄຊ. ກອງ​ປະຊຸມ ຍັງ​ໄດ້​ສຸມ​​ໃສ່​ຄົ້ນຄວ້າ​ຫາລື​ເຖິງ​ຂໍ້ຄົງຄ້າງ ເພຶ່ອຫາມາດຕະ ການແກ້ໄຂ້ໃນຕໍ່ໜ້າ ເຮັດໃຫ້ການຄຸ້ມຄອງຈັດເກັບລາຍຮັບໄດ້ຮັບຜົນດີ​ໃນຕໍ່ໜ້າ.

ຂ່າວ:ວຽງສະຫວັນ/ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.