Header Ads

ປະທານສະພາແຫ່ງຊາດ ໂອ້ລົມພະນັກງານຫຼັກແຫຼ່ງ ແຂວງຊຽງຂວາງ



ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມ ຄະນະ ໄດ້ລົງຢ້ຽມຢາມໂອ້ລົມ ພະນັກງານຫຼັກແຫຼ່ງຂອງແຂວງ ຊຽງຂວາງ ໃນຕອນເຊົ້າວັນທີ 20 ພະຈິກນີ້ ຢູ່ທີ່ຫ້ອງວ່າການ ປົກຄອງແຂວງ. ທ່ານ ນາງ ອຸເທນ ມາສີ ຊົນໄຊ ຮອງເລຂາພັກແຂວງ ກໍໄດ້ລາຍງານການຈັດຕັ້ງປະ ຕິບັດການພັດທະນາເສດຖະ ກິດ-ສັງຄົມຂອງແຂວງໃນໄລ ຍະຜ່ານມາ ໄດ້ຍົກໃຫ້ເຫັນບັນ ດາໂຕເລກເສດຖະກິດຂະ ຫຍາຍຕົວຢ່າງຕໍ່ເນື່ອງ, ການ ລົງທຶນຂອງພາກເອກະຊົນທັງ ພາຍໃນ ແລະ ຕ່າງປະເທດ ກໍ ເພີ່ມຂຶ້ນ.

 ໃນໂອກາດນີ້ ທ່ານປະ ທານສະພາແຫ່ງຊາດ ກໍໄດ້ສະ ແດງຄວາມຊົມເຊີຍຜົນສຳເລັດ ໃນຫຼາຍດ້ານທີ່ແຂວງຊຽງຂວາງ ຍາດມາໄດ້ ພ້ອມທັງເນັ້ນໃຫ້ ແຂວງຈົ່ງເອົາໃຈໃສ່ວຽກງານ ປ້ອງກັນຊາດ-ປ້ອງກັນຄວາມ ສະຫງົບ, ຢາເສບຕິດ, ສາສະ ໜາ ແລະ ເພີ່ມທະວີສ້າງ ຄວາມສາມັກຄີຂອງປະຊາຊົນ ບັນດາເຜົ່າ, ສູ້ຊົນເກັບລາຍຮັບ ເຂົ້າງົບປະມານໃຫ້ໄດ້ຕາມ ເປົ້າໝາຍ, ສູ້ຊົນຈັດຕັ້ງປະຕິ ບັດ ມະຕິກອງປະຊຸມໃຫຍ່ຂອງ ແຂວງ ກໍຄືສູນກາງວາງອອກ. 

ສຳລັບແຜນປີ 2018 ຕ້ອງຫັນເປັນແຜນວຽກຢ່າງ ລະອຽດ, ອຳນາດການປົກຄອງ ທຸກຂັ້ນ ແລະ ສະພາປະຊາຊົນ ແຂວງ ຕ້ອງຮ່ວມມື, ປຶກສາ ຫາລື ວາງແຜນຮ່ວມກັນ ໂດຍມີຈຸດ ສຸມ, ກຳນົດຄາດໝາຍເສດ ຖະກິດມະຫາພາກ, ຄາດຄະ ເນລວມຍອດຜະລິດຕະພັນ ພາຍໃນ ຫຼື GDP ແຂວງ ຄືນໃໝ່, ປັບປຸງການບໍລິຫານ ລັດ ຕິດຕາມກວດກາ, ການ ຈັດແບ່ງງົບປະມານຕ້ອງແບ່ງ ຕາມໂຕເລກທີ່ກຳນົດໄວ້, ຫ້າມ ບໍ່ໃຫ້ມີໂຄງການນອກແຜນ, ຖ້າມີແມ່ນແຂວງຮັບຜິດຊອບ ເອງ,ປຸກລະດົມຂົນຂວາຍການ ລົງທຶນພາກເອກະຊົນ ແລະ ຕ່າງປະເທດເຂົ້າມາລົງທຶນ, ອົງການກວດສອບແຫ່ງລັດ ຕ້ອງເຂັ້ມງວດລົງກວດສອບ ລະອຽດ ແກ້ໄຂຜົນຂອງການ ກວດສອບ, ວຽກງານປົກປ້ອງ ກົດໝາຍຕ້ອງແກ້ໄຂຂໍ້ຂັດ ແຍ່ງໄປຕາມລະບຽບກົດໝາຍ ບໍ່ໃຫ້ສະສົມຂໍ້ຂັດແຍ່ງໄວ້, ພະ ແນກແຜນການ ແລະ ການລົງ ທຶນ ແລະ ພະແນກການເງິນ ຕ້ອງວາງແຜນຮ່ວມກັນ ເພື່ອ ໃຫ້ກົມກຽວກັບພະແນກການ ອື່ນໆ ຊອກຫາທິດທາງແຜນ ການທີ່ຍືນຍົງ ໃນການລຶບລ້າງ ຄວາມທຸກຍາກ. 

ຂ່າວ: ບຸນມີ ແສງທຸມມີ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.