Header Ads

ປກສ ແຂວງໄຊຍະບູລີ ຍຶດໄດ້ຂອງກາງຢາບ້າຈໍານວນ 2407 ເມັດ




ແຂວງໄຊຍບູລີ   :  ວັນທີ 13 ພະຈິກ 2017 ຜ່ານມານີ້, ເຈົ້າໜ້າທີ່ພະແນກຕໍາຫຼວດ ສະກັດກັ້ນ ແລະ ຕ້ານຢາເສບຕິດຫ້ອງຕໍາຫຼວດ ປກສ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີວ່າມີຄົນບໍ່ດີເຄື່ອນໄຫວຄ້າ - ຂາຍ ແລະ ເສບຢາເສບຕິດປະເພດ ( ຢາບ້າ ) ຢູ່ເທດສະບານເມືອງໄຊຍະບູລີ ຈຶ່ງໄດ້ນໍາເອົາກໍາລັງວິຊາສະເພາະລົງເຄື່ອນໄຫວຕິດຕາມໃນທີ່ສຸດກໍ່ສາມາດກັກຜູ້ຕ້ອງສົງໄສໄດ້ຄື: ທ້າວຈື່ວ່າງ ອາຍຸ 24 ປີ ແລະ ທ້າວຢືວາງ ອາຍຸ 21 ປີ ທັງສອງຄົນເປັນປະຊາຊົນ ຢູ່ ບ້ານຜາເທົາ ເມືອງວັງວຽງ ແຂວງວຽງຈັນພ້ອມທັງຍຶດຂອງກາງຢາເສບຕິດປະເພດ ( ຢາບ້າ ) ຈໍານວນ 2407 ເມັດ ໂທລະສັບ 2 ເຄື່ອງ; ເງິນ 500.000 ກີບ, ລົດໃຫ່ຍ 01 ຄັນ ຍີ່ຫຍໍ້ອີແລ່ນຕ່າ ສີຂາວ ໝາຍເລກທະບຽນ ກພ 1334 ກໍາແພງນະຄອນ ມາດໍາເນີນການສືບສວນ - ສ ອບສວນຕາມກົດໝາຍ.







ຂ່າວຍັງໃຫ້ຮູ້ຕື່ມວ່າ ໃນຕອນຄືນຂອງວັນທີ 14 ພະຈິກ 2017 ທາງເຈົ້າໜ້າທີ່ຕໍາຫຼວດສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ແຂວງໄຊຍະບູລີ ໄດ້ສົມທົບກັບເຈົ້າໜ້າທີ່ພະແນກກັບຕໍາຫຼວດຈາລະຈອນເຂົ້າກວດກາ ແລະ ນໍາຕົວກຸ່ມແກ້ງຂີ່ລົດໃຊ້ສຽງດັງກວນເມືອງໄດ້ 2 ຄົນຄື ທ້າວ ອານົງ ວິໄລພົນ ອາຍຸ 21 ປີ ອາຊີບປະຊາຊົນ ບ້ານ ນາເລົາ ເມືອງໄຊຍະບູລີ ແຂວງໄຊຍະບູລີ ແລະ ທ້າວວິໄລລັກ ສີລີພອນ ອາຍຸ 21 ປີ ຢູ່ບ້ານໂພນຫີນ, ເມືອງນານ ແຂວງຫຼວງພະບາງ ພ້ອມທັງສາມາດຍຶດໄດ້ຂອງກາງ ຢາເສບຕິດປະເພດ ( ຢາບ້າ ) ຈໍານວນ 07 ເມັດ ໂທລະສັບ 02 ເຄື່ອງ , ລົດຈັກ 02 ຄັນເຈົ້າໜ້າທີ່ຈຶ່ງນໍາຕົວພ້ອມຮີບໂຮມວັດຖຸຂອງກາງ ທີ່ພົວພັນເຖິງການກະທໍາຜິດມາທໍາການສອບສວນ - ສືບສວນຂະຫຍາຍຜົນຫາກຸ່ມແກ້ງພັກພວກ ທີ່ຮ່ວມຂະບວນການມາສຶກສາອົບຮົມ ແລະ ແກ້ໄຂຕາມລະບຽບກົດໝາຍ.


ຂ່າວ: ແຂວງໄຊຍບູລີ 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.